අධිකරණයේ ස්වාධීනත්වය, ජනතා පරමාධිපත්යය සහ 22 වැනි ආණ්ඩුක්රම ව්යවස්ථා සංශෝධනය සම්බන්ධයෙන් සාකච්ඡා කිරීම සඳහා “අපේ පරමාධිපත්යය ආරක්ෂා කරමු!” (Save our Sovereignty – SOS) යන මැයෙන් ස්වාධීන ජනතා ව්යාපාරය විසින් මහජන සභාවක් සංවිධානය කර තිබේ.
“අධිකරණයේ ස්වාධීනත්වය, ජනතා පරමාධිපත්යය සහ 22 වන සංශෝධනය” යන තේමාව යටතේ පැවැත්වෙන මෙම මහජන සභාව අගෝස්තු 19 වැනි බදාදා පස්වරු 3.30ට පැවැත්වීමට නියමිතය.
ශ්රී ලංකා නීතීඥ සංගමයේ හිටපු සභාපති ජනාධිපති නීතීඥ යූ. ආර්. ද සිල්වා, නීතීඥ ගාමිණී අල්විස්, නීතීඥ චරිත් ගල්හේන සහ සමාජ විචාරක විපුල කරුණාතිලක යන මහත්වරු මෙහිදී අදහස් දැක්වීමට නියමිතය.
මහජන සභාව කොළඹ 07, මහාචාර්ය ස්ටැන්ලි විජේසුන්දර මාවතේ, ග්රහලෝකාගාරය ඉදිරිපිට පිහිටි විද්වත් වෘත්තිකයන්ගේ සංගම් සම්මේලන ශාලාවේදී (OPA) පැවැත්වීමට නියමිතය.
ජාතික ජනබලවේග ආණ්ඩුව විසින් 22 වැනි ආණ්ඩුක්රම ව්යවස්ථා සංශෝධනය පාර්ලිමේන්තුවට ඉදිරිපත් කර ඇති පසුබිමක අධිකරණයේ ස්වාධීනත්වය ආරක්ෂා කිරීම සහ ජනතා පරමාධිපත්යය තහවුරු කිරීම සම්බන්ධයෙන් මෙම සාකච්ඡාව පැවැත්වෙන බව සංවිධායකයෝ සඳහන් කරති.
