මීගමුව පල්ලන්සේන එළිමහන් බන්ධනාගාරයේ තත්ත්වය පාලනය කිරීම සඳහා කඳුළු ගෑස් ප්රහාර එල්ල කර ඇති බව වාර්තා වේ
එම බන්ධනාගාරයේ රැඳවියන් විසින් පොලිස් නිලධාරීන් වෙතට ගල්මුල් ප්රහාර එල්ල කරමින් ඇති අතර ඒ හේතුවෙන් බන්ධනාගාරය අවට ආරක්ෂාව තර කිරීමට පියවර ගෙන ඇති ඇත. පොලිසිය, පොලිස් විශේෂ කාර්ය බළකාය, කැරලි මර්දන ඒකකය සහ ශ්රී ලංකා ගුවන් හමුදාවද කැඳවා ඇති බව වාර්තා වේ.
මීගමුව, දළුපොත පල්ලන්සේන එළිමහන් බන්ධනාගාරය, කුරුවිට බන්ධනාගාරය සහ නව මැගසින් බන්ධනාගාරය යන බන්ධනාගාර තුනේ ඇති වූ නොසන්සුන්කාරී තත්ත්වයන් හේතුවෙන් රැඳවියන් තිදෙනෙකු ජීවිතක්ෂයට පත්ව ඇති අතර තවත් රැඳවියන් පිරිසක් තුවාල ලබා රෝහල්ගත කර තිබේ.
කුරුවිට බන්ධනාගාරයේ ගැටුම අතරතුර රැඳවියන් පිරිසක් බන්ධනාගාර රෝහලටද අලාභහානි සිදුකර ඇති බව වාර්තා වන අතර එම බන්ධනාගාරයේද තත්ත්වය පාලනය කිරීම සඳහා කඳුළු ගෑස් ප්රහාර එල්ල කිරීමට බන්ධනාගාර නිලධාරීන්ට සිදුවී තිබේ. බන්ධනාගාර තුනේම ඇති වූ මෙම සිද්ධීන් සම්බන්ධයෙන් පොලීසිය සහ බන්ධනාගාර දෙපාර්තමේන්තුව වෙන වෙනම විමර්ශන ආරම්භ කර ඇති අතර නොසන්සුන්තාවන්ට හේතු වූ කරුණු පිළිබඳව මෙතෙක් නිල ප්රකාශයක් නිකුත් කර නොමැත.
පසුගිය මාසයේ මීගමුව බන්ධනාගාරයේ ඇති වූ ගැටුම්කාරී සිද්ධියෙන් අනතුරුව එහි සිටි රැඳවියන් පිරිසක් පල්ලන්සේන එළිමහන් සිරකඳවුර වෙත මාරු කර තිබූ අතර වර්තමාන නොසන්සුන්තාවට එය සම්බන්ධයක් තිබේද යන්න මෙතෙක් අනාවරණය වී නොමැත.
update
පල්ලන්සේන එළිමහන් සිරකඳවුරේ නොසන්සුන්තාවක් – රැඳවියන් පිරිසක් වහලයට නගී
මීගමුව, දළුපොත ප්රදේශයේ පිහිටි පල්ලන්සේන එළිමහන් සිරකඳවුරේ අද (07) නොසන්සුන්කාරී තත්ත්වයක් හටගෙන ඇති අතර එහිදී රැඳවියන් පිරිසක් සිරකඳවුරේ වහලය මතට නැග විරෝධතාවක නිරතව සිටින බව වාර්තා වේ.
පසුගිය මාසයේ මීගමුව බන්ධනාගාරයේ ඇති වූ ගැටුම්කාරී සිද්ධියෙන් අනතුරුව එහි රඳවා සිටි රැඳවියන් පිරිසක් පල්ලන්සේන එළිමහන් සිරකඳවුර වෙත මාරු කිරීමට බන්ධනාගාර දෙපාර්තමේන්තුව පියවර ගෙන තිබිණි.
නොසන්සුන්තාවට හේතුව මෙතෙක් නිල වශයෙන් අනාවරණය වී නොමැති අතර තත්ත්වය පාලනය කිරීම සඳහා බන්ධනාගාර නිලධාරීන් සහ ආරක්ෂක අංශ කටයුතු කරමින් සිටින බව වාර්තා වේ.
update
කුරුවිට බන්ධනාගාරයේ නොසන්සුන්තාවෙන් රැඳවියන් දෙදෙනෙකු මරුට – 11 දෙනෙකු රෝහලේ
කුරුවිට බන්ධනාගාරයේ රැඳවියන් පිරිසක් අතර අගෝස්තු 07 වන දින ඇති වූ නොසන්සුන්කාරී තත්ත්වයකින් රැඳවියන් දෙදෙනෙකු ජීවිතක්ෂයට පත්ව ඇති බව පොලීසිය පවසයි.
සිද්ධියෙන් තවත් රැඳවියන් 11 දෙනෙකු තුවාල ලබා රෝහල්ගත කර ඇති අතර ඔවුන් ප්රතිකාර ලබමින් සිටින බවද වාර්තා වේ.
බන්ධනාගාරය තුළ අද පෙරවරුවේ මෙම නොසන්සුන්තාව හටගෙන ඇති අතර තත්ත්වය පාලනය කිරීම සඳහා බන්ධනාගාර නිලධාරීන් කඳුළු ගෑස් ප්රහාර එල්ල කර තිබේ.
බන්ධනාගාර ප්රකාශකයකු සඳහන් කළේ, නොසන්සුන්තාව ආරම්භ වී ඇත්තේ ඊයේ (06) රාත්රියේ බවත් එම අවස්ථාවේදී තත්ත්වය පාලනය කිරීමට පියවර ගත් බවත්ය. කෙසේ වෙතත් අද උදෑසන රැඳවියන් අතර යළිත් උණුසුම් තත්ත්වයක් හටගෙන ගැටුමක් දක්වා වර්ධනය වූ බවද ඔහු පැවසීය.
ගැටුම අතරතුර රැඳවියන් පිරිසක් බන්ධනාගාර රෝහලටද අලාභහානි සිදු කර ඇති බව වාර්තා වන අතර, සිද්ධිය සම්බන්ධයෙන් පොලීසිය සහ බන්ධනාගාර දෙපාර්තමේන්තුව වැඩිදුර විමර්ශන ආරම්භ කර තිබේ.
