ලලිත් සහ කූගන් අතුරුදන් කිරීමේ නඩුවට අදාළව හිටපු ජනාධිපති ගෝඨාභය රාජපක්ෂ මහතාට සැප්තැම්බර් 29 වැනිදා කොළඹ ප්රධාන මහේස්ත්රාත් අධිකරණයේ සිට මාර්ගගත (Online) ක්රමය ඔස්සේ යාපනය මහේස්ත්රාත් අධිකරණයට සාක්ෂි ලබාදෙන ලෙස අධිකරණය නියෝග කර තිබේ.
අදාළ නඩුව කැඳවූ අවස්ථාවේදී මෙම නියෝගය නිකුත් කර ඇති අතර ගෝඨාභය රාජපක්ෂ මහතා කොළඹ ප්රධාන මහේස්ත්රාත් අධිකරණ පරිශ්රයේ සිට වීඩියෝ තාක්ෂණය ඔස්සේ සාක්ෂි ලබාදීමට නියමිතය.
ලලිත් සහ කූගන් අතුරුදන් කිරීමේ සිද්ධිය සම්බන්ධයෙන් යාපනය මහේස්ත්රාත් අධිකරණයේ විභාග වන නඩුවේ සාක්ෂිකරුවකු ලෙස හිටපු ජනාධිපතිවරයාගේ සාක්ෂි සටහන් කර ගැනීම සඳහා මෙම නියෝගය ලබාදී ඇත.
