අපරාධ පරීක්ෂණ දෙපාර්තමේන්තුව (CID) විසින් තමන් අත්අඩංගුවට ගෙන රඳවා තැබීම වැළැක්වීම සඳහා රාජ්ය බුද්ධි සේවයේ හිටපු අධ්යක්ෂ සුරේෂ් සලේ මහතා ගොනු කර ඇති පෙත්සමට මැදිහත් වී කරුණු දැක්වීමට අවසර ඉල්ලා ගොනු කර ඇති අතරමැදි පෙත්සම් 08ක් අගෝස්තු 4 සහ 6 යන දිනවල සලකා බැලීමට අභියාචනාධිකරණය ජුලි 17 නියම කර ඇත.
මැල්කම් කාදිනල් රංජිත් හිමිපාණන්, පූජ්ය බෙංගමුවේ නාලක හිමි ඇතුළු පාර්ශව අටක් විසින් ගොනු කළ අදාල පෙත්සම් මෙසේ සළකා බැලීමට නියමිතව ඇත.
මෙම පෙත්සම් අභියාචනාධිකරණයේ සභාපති විනිසුරු රොහාන්ත අබේසූරිය මහතා ඉදිරියේ කැඳවූ අවස්ථාවේදී පෙත්සම්කාර පාර්ශ්වය වෙනුවෙන් පෙනී සිටින ජනාධිපති නීතිඥ සංජීව ජයවර්ධන මහතාගේ දේශන අවසන් වීමෙන් අනතුරුව අතරමැදි පෙත්සම් සම්බන්ධයෙන් සලකා බලන බව අධිකරණය සඳහන් කර තිබිණි.
