හිටපු ජනාධිපති ගෝඨාභය රාජපක්ෂගේ හිටපු පෞද්ගලික ලේකම් සුගේශ්වර ලෙනින් බණ්ඩාර ලබන ජූලි 22 දක්වා යළි රක්ෂිත බන්ධනාගාරගත කරන ලෙස කොළඹ කොටුව මහේස්ත්රාත් පසන් අමරසේන ජුලි 08 දින නියෝග කර ඇත.
කොළඹ කොටුව මහේස්ත්රාත් අධිකරණයේදී අදාල නඩුව කැඳවූ අවස්ථාවේදී සැකකරු වෙනුවෙන් ඉදිරිපත් කළ ඇප ඉල්ලීම ප්රතික්ෂේප කළ මහේස්ත්රාත්වරයා එම නියෝගය ලබා දී ඇත.
විමර්ශනවලට අනුව 2022 ජූලි 14 සිට 2024 දෙසැම්බර් 21 දක්වා කාලය තුළ ජනාධිපති වියදම් ශීර්ෂය යටතේ වැටුප් හා දීමනා ලබා ගනිමින් ඒ සමඟම හිටපු ජනාධිපති ගෝඨාභය රාජපක්ෂගේ පෞද්ගලික ලේකම්වරයා ලෙසත්, හිටපු ජනාධිපති රනිල් වික්රමසිංහගේ විශේෂ ව්යාපෘති අධ්යක්ෂවරයා ලෙසත් එකවර කටයුතු කරමින් රාජ්ය මුදල් අවභාවිත කළ බවට සුගේශ්වර ලෙනින් බණ්ඩාරට චෝදනා එල්ල වී ඇත.
මෙම මූල්ය අක්රමිකතා සම්බන්ධයෙන් මධ්යම අපරාධ විමර්ශන කාර්යාංශයේ නිලධාරීන් විසින් සැකකරුව පසුගිය ජූනි 18 වැනිදා අත්අඩංගුවට ගෙන අධිකරණයට ඉදිරිපත් කර තිබිණි.
