ජනාධිපතිවරණයේදී උතුරේ පොදු අපේක්ෂකයාට සහාය පළකළ දේශපාලන පක්ෂ හා කණ්ඩායම් එක්ව ඉදිරි පළාත් පාලන මැතිවරණයේදී උතුරු හා නැගෙනහිර පළාත්වලට එක්ව තරග කිරීම සඳහා සාකච්ඡාවක නිරත වී තිබේ.
දෙවන වරටත් පැවති එම සාකච්ඡාවලදී තීරණය වී ඇත්තේ උතුරේ පොදු අපේක්ෂකයා ජනාධිපතිවරණයට තරග කළ ලකුණ යටතේ පළාත් පාලන මැතිවරණයට තරග කිරීමටය.
මෙම සාකච්ඡා සඳහා උතුරේ පොදු අපේක්ෂකයාට සහාය දැක්වූ සුරේෂ් ප්‍රේමචන්ද්‍රන්, ඩී සිද්ධාර්තන්, සීවී විග්නේෂ්වරන්, සෙල්වන් අඩෙක්කලනාදන් යන දේශපාලන පක්ෂ නායකයින් ඇතුළු පිරිසක් සහභාගි වී තිබේ.
උතුරේ පොදු අපේක්ෂකයා වශයෙන් පසුගිය ජනාධිපතිවරණයේදී දෙමළ ජාතික සන්ධානයේ හිටපු පාර්ලිමේන්තු මන්ත්‍රී පී අරියනේත්‍රන් තරග කළ අතර ඔහුට දෙමළ ජාතික සන්ධානයේ පාර්ලිමේන්තු මන්ත්‍රී එස් ශ්‍රීධරන්ගේ සහාය ලැබුණි.
