No menu items!
23.3 C
Sri Lanka
20 April,2024

ටිරාන්ගේ සහ ගම්මන්පිළගේ එක කකුලක් සජබේ

Must read

අමාත්‍ය ටිරාන් අලස් සහ පාර්ලිමේන්තු මන්ත්‍රී උදය ගම්මන්පිළ ඉදිරි පාර්ලිමේන්තු මැතිවරණයේදී පාර්ලිමේන්තුවේ අසුන් ගැනීමේ බලාපොරොත්තුවෙන් සමගි ජන බලවේගය සමග එකතුවෙන්නට සාකච්ඡාවන් පවත්වමින් ඇතැයි කරුණු වාර්තා වෙයි.

ටිරාන් අලස් අමාත්‍යවරයා දැනට රනිල් වික්‍රමසිංහ ජනාධිපතිවරයා වෙත සහාය ලබාදෙමින් සිටියත් ඔහුට එළඹෙන ජනාධිපතිවරණයෙන් ජයගැනීම අසීරු බැවින් සහ ඔහු සමග සිටින කණ්ඩායමට ඉදිරි පාර්ලිමේන්තු මැතිවරණයකදී අත්විය හැකි නියත පරාජය නිසා ඉදිරි මැතිවරණවලදී සජිත් ප්‍රේමදාස මහතා වෙත සහාය ලබාදීමට කැමැත්ත පළකර ඇතැයිද ඒ වෙනුවෙන් සමගි ජන බලවේගයේ අභ්‍යන්තර ප්‍රබලයෙකු වන ලක්ෂ්මන් ෆොන්සේකා මැදිහත්ව කටයුතු කරමින් ඇතැයිද අනිද්දා වෙත කරුණු වාර්තා වෙයි.

මේ අතර ගම්මන්පිළ මන්ත්‍රීවරයා සහ සජබ අතර සාකච්ඡා කිහිපයක් සිදුවුවත් ඔහු පක්ෂයට ඇතුල් කරගැනීම ජනතා අමනාපයට හේතුවනු ඇතැයි සලකා එම අවස්ථාවලදී සමගි ජන බලවේග පාර්ශ්වයෙන් එයට කැමැත්තක් හිමිව නැතත් මේ වන විට ටිරාන් අලස් සහ ලක්ෂ්මන් ෆොන්සේකාගේ මැදිහත්වීම නිසා එම තත්ත්වයේද වෙනසක් සිදුව ඇතැයි කරුණු වාර්තා වෙයි.
ඒ අනුව ජනාධිපතිවරණයක් හෝ පාර්ලිමේන්තු මැතිවරණයක් කැඳවනු ලැබූ අවස්ථාවක මෙම දෙදෙනාගේම සහාය බොහෝදුරට සමගි ජන බලවේගයට හිමිවෙනු ඇතැයි දේශපාලන ආරංචි මාර්ග ප්‍රකාශ කරයි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි