25.6 C
Sri Lanka
26 September,2022

රනිල් හිටියත් පරණ ආණ්ඩුවම නිසා ජාත්‍යන්තර උදව් නැතිවේවි ජාත්‍යන්තර ආර්ථික විශේෂඥයෝ කියලා

Must read

රට මුහුණ පා ඇති උග්‍ර මූල්‍ය අර්බුදයෙන් ගොඩඒම සඳහා ජාත්‍යාන්තර ප්‍රජාව උදව් කරනු ඇත්තේ විපක්ෂයේ පක්ෂ එකතුවී ගොඩනගන ආණ්ඩුවක් මගින් විශ්වාශය තහවුරු කිරීමෙන් පමණක් යැයි ආර්ථික විශේෂඥයින්ගේ මතය වී ඇතැයි වාර්තාවේ.

රටේ පවතින වත්මන් මූල්‍ය අර්බුදය සම්බන්ධයෙන් සමගි ජන බලවේගයේ පාර්ලිමේන්තු මන්ත්‍රීවරුන් ආර්ථික විශේෂඥයින් අතර හමුවක් මැයි 16 වැනිදා පවත්වා ඇති අතර එහිදී ආර්ථික විශේෂඥයින් විසින් ඒ බව ප්‍රකාශ කර ඇත.


ඔවුන් පෙන්වා දී ඇත්තේ වර්තමානයේ පත්වී සිටින ආණ්ඩුව අලුත් එකක් නොවන බවත්, එහි අලුත් කෙනෙකු ලෙස සිටින්නේ අගමැති රනිල් වික්‍රමසිංහ මහතා බවත්, ඒ අනුව මෙය පැරණි ආණ්ඩුවම බවත්, එවැනි තත්වයක් තුළ මෙම පැරණි ආණ්ඩුවටම මූල්‍ය අර්බුදයෙන් ගොඩ ඒමට ජාත්‍යාන්තර ප්‍රජාව උදව් නොකරනු ඇති බවත්ය. ජාත්‍යාන්තර ප්‍රජාව විසින් රට සම්පූර්ණයෙන් කඩා නොවැටීම සඳහා පමණක් ඉන්ධන මිලදී ගැනීම හා අනෙකුත් අත්‍යවශ්‍ය ද්‍රව්‍ය මිලදී ගැනීමට සුළු සුළු උදව් කරනු ඇති බවත්ය.


විපක්ෂයේ පක්ෂවල එකඟතාවෙන් හෝ එම පක්ෂ විසින් කරන ලද ඉල්ලීමක් අනුව හෝ නොවී ජනාධිපතිවරයා සමඟ ඇතිකරගත් රහසිගත එකඟතාවක් අනුව අගමැති ධුරය බාර ගැනීම නිසා රනිල් වික්‍රමසිංහ මහතාට විපක්ෂයේ පක්ෂවල සහායෙන් ආණ්ඩුවක් පිහිටුවන්නට නොහැකි වී ඇතැයි මේ සම්බන්ධයෙන් කරන ලද විමසීමකදී සමගි ජන බලවේගයේ මන්ත්‍රීවරයකු පැවසීය.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි