21 C
Sri Lanka
5 October,2022

විදුලිය කපන්න එපා ගුවන් හමුදාව ඉල්ලයි

Must read

මහා භාණ්ඩාගාරය විසින් ප්‍රතිපාදන ලබාදෙන තෙක් සිය හමුදා කඳවුරුවල විදුලි සම්බන්ධතා විසන්ධි නොකරන ලෙස ලංකා විදුලි බල මණ්ඩලයෙන් ශ්‍රී ලංකා ගුවන් හමුදාව ඉල්ලා ඇත. ඒ ශ්‍රී ලංකා ගුවන් හමුදා මූලස්ථානය මගින් ලංකා විදුලි බල මණ්ඩලයේ සාමාන්‍යාධිකාරිවරයාට ලිපියක් යවමින්ය.

එම ලිපියෙන් වැඩිදුරටත් ඉල්ලා ඇත්තේ එම නොගෙවූ විදුලි බිල්පත් සඳහා අධිභාර ගාස්තු අය කිරීමෙන් වළකින ලෙසත්ය. එමෙන්ම විදුලිය විසන්ධි නොකිරීම සම්බන්ධයෙන් ලංකා විදුලි බල මණ්ඩලයේ ප්‍රාදේශීය කාර්යාල දැනුවත් කරන ලෙසද ඉල්ලා ඇත.


ශ්‍රී ලංකා ගුවන් හමුදාව ජාතික ආරක්ෂාව සම්බන්ධව කටයුතු කරන ප්‍රධානතම ආයතනයක් වන බැවින් ගුවන් හමුදා කඳවුරුවල විදුලිය විසන්ධි කිරීම එම කටයුතුවලට බාධාවක් බවද එහි අවධාරණය කර තිබේ.


ශ්‍රී ලංකා ගුවන් හමුදාව මෙම ඉල්ලීම ඇතුළත් ලිපිය යවන්නේ විදුලි බිල්පත් නොගෙවීම පිළිබඳව විදුලිය විසන්ධි කිරීමේ නිවේදන ගුවන් හමුදා මූලස්ථානය ඇතුළු එහි කඳවුරුවලට ලංකා විදුලි බල මණ්ඩලය යැවීමට ප්‍රතිචාර වශයෙන්ය. ශ්‍රී ලංකා ගුවන් හමුදාව 2021 නොවැම්බර් මාසයේ සිට විදුලි බිල්පත් ගෙවා නැතැයි එම ලිපිය අනුව අනාවරණය වේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි