No menu items!
22.3 C
Sri Lanka
29 March,2024

බහුවිධ පරීක්ෂණ ක‍්‍රම පාවිච්චි කරන්න විශේෂ කමිටුව

Must read


කොවිඞ්-19 රෝගීන් හඳුනාගැනීම සඳහා දැනට කරන පරීක්ෂණ ක‍්‍රමවේදයට අමතරව පොයින්ට් ඔෆ් කෙයාර් පීසීආර්, රැපිඩ් ටෙස්ට්, ජංගම පරීක්ෂණ හා එලිසා යන බහුවිධ පරීක්ෂණ ක‍්‍රම යොදාගත යුතු බව කොවිඞ්-19 වැළැක්වීම සඳහා පරීක්ෂණ පැවැත්වීමට අදාළව පත්කරන ලද කමිටුව නිර්දේශ කර ඇත.


සාමාන්‍ය ජනතාව අතරින් කොවිඩ්-19 රෝගීන් වෙන්කර හඳුනාගැනීම සඳහා සාමාන්‍ය ජනතාව අතර කොවිඞ්-19 පරීක්ෂණ සිදුකළ යුතු බව එම කමිටුව වැඩිදුරටත් නිර්දේශ කර තිබේ.


එම කමිටුව තම නිර්දේශ ඇතුළත් වාර්තාව අපේ‍්‍රල් 09 වැනිදා සෞඛ්‍ය අමාත්‍යාංශයේ ලේකම් භද්‍රානි ජයවර්ධන වෙත ඉදිරිපත් කර තිබුණි. එම වාර්තාවෙහි ප‍්‍රධාන නිර්දේශ 11ක් ඇතුළත්ය.


එම කමිටුව නියෝජ්‍ය සෞඛ්‍ය සේවා අධ්‍යක්ෂ ජෙනරාල්, විශේෂඥ වෛද්‍ය අමල් හර්ෂ ද සිල්වා මහතාගේ ප‍්‍රධානත්වයෙන් පත්කර ඇත. එහි සෙසු සාමාජිකයන් ලෙස සෞඛ්‍ය අමාත්‍යාංශයේ පාලන අංශයේ නිලධාරියෙකු, වෛද්‍ය රසායනාගාර පරික්ෂකයන්ගේ සංගමයේ නියෝජිතයෙකු හා රසායනාගාර සේවා අධ්‍යක්ෂ ජෙනරාල්වරයා පත් කර ඇත.


එම කමිටුවේ නිර්දේශ මෙසේය.
‘දැනට සෞඛ්‍ය අමාත්‍යාංශය යටතේ පවතින පීසීආර් යන්ත‍්‍ර හඳුනාගැනීම සහ ඒවා දැනට පරීක්ෂණ කරන මධ්‍යස්ථාන වෙත නිරීක්ෂණය යටතේ ලබාදිය යුතුය.
පෞද්ගලික අංශය සතු පීසීආර් යන්ත‍්‍ර සෞඛ්‍ය අමාත්‍යාංශය යටතේ කොවිඞ්-19 පරීක්ෂණ සඳහා ලබාගත යුතුය.


විශ්වවිද්‍යාල යටතේ පවතින පීසීආර් යන්ත‍්‍ර හඳුනාගෙන ඒවා ලබාගත යුතුය.
මේ මොහොතේ පීසීආර් යන්ත‍්‍ර මිලදී ගැනීම මූලික අවශ්‍යතාවක් නොවේ.
කාටි‍්‍රජ්, රිඒජන්ට්, වීටීඑම්, ස්වැබ්ස්, ටෙස්ට් කිට්ස්, කොන්සියුමබල්ස්, පීපීඊ යන උපකරණ හා පහසුකම් නොකඩවා සැපයීම. එම පහසුකම්වල ස්වාරක්ෂක තොග හෙවත් හිඟයක් ඇති නොවීම සඳහා අමතර තොග තබාගැනීම.


පරිත්‍යාග ලබාගත යුතුය. නව තොග අවශ්‍යතා මත සිදුකළ යුතුය.
රෝගීන්, ජනකොටස්වල සාමාජිකයන්, අවදානම් සහගත ඉදිරිපෙළ රැුකියාවල යෙදෙන සේවකයන් සහ නිරෝධායනයෙහි සිටින පුද්ගලයන්ගේ රෝගය හඳුනාගැනීම සඳහා පරීක්ෂාවට ලක් කළ යුතුය.


දුරබැහැර සිටින රෝගීන් කළමනාකරණය සඳහා ක‍්‍රමවේදයක් සකස් කළ යුතුය.
බහුවිධ පරීක්ෂණ ක‍්‍රමවේද පාවිච්චි කළ යුතුය. පොයින්ට් ඔෆ් කෙයාර් පීසීආර්, ප‍්‍රතිදේහජනක රැපිඞ් ටෙස්ට් හා ප‍්‍රතිදේහ රැපිඞ් ටෙස්ට්, ජංගම පරීක්ෂණ, එලිසා පරීක්ෂණ යන ක‍්‍රමවේද ස්ථාපිත කළ යුතුය.


ජන සමාජයෙහි පරීක්ෂණ කිීම සඳහාත්, අලූතින් ස්ථාපිත කළ පීසීආර් පරීක්ෂණ පහසුකම්වලට සහාය දීම සඳහාත් කමිටුවක් ස්ථාපිත කළ යුතුය.
අවශ්‍ය පුද්ගලයන්ගෙන් නිතිපතා උපදෙස් ලබාගැනීම දිරිමත් කළ යුතුය.’

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි