ශ‍්‍රී ලංකා නිදහස් පක්ෂය තම මැතිවරණ ප‍්‍රචාරක කටයුතු ශ‍්‍රී ලංකා පොදුජන පෙරමුණෙන් වෙන්ව තනිවම කිරීමට බලාපොරොත්තු වී සිටින බව අනිද්දා සමඟ අදහස් දැක්වූ ශ්රීලනිප නායකයෝ කිහිපදෙනෙක් පැවසූහ.
පසුගිය ජනාධිපතිවරණයේ ප‍්‍රචාරක රැුස්වීම්වලදී සිදුවූ ශ්රීලනිප නායකයන්ට හූ හ`ඩ නැගීමේ සිදුවීම් සහ ජනාධිපතිවරණයෙන් පසු ශ‍්‍රීලනිපය විවේචනය කරමින් ශ‍්‍රී ලංකා පොදුජන පෙරමුණේ නායකයන් කළ අදහස් දැක්වීම් නිසා වෙන වෙනම ප‍්‍රචාරක කටයුතු කිරීම වඩා සුදුසු බව ශ්රීලනිප නායකයෙක් පැවසීය.
ශ‍්‍රී ලංකා පොදුජන පෙරමුණට වෙනස්ව ප‍්‍රචාරක කටයුතු සිදුකරන බවත්, ්පොදුජන පෙරමුණේ අපේක්ෂකයන්ට වඩා වෙනස් ලෙස ශ්රීලනිප අපේක්ෂකයන් ප‍්‍රවර්ධනය කරන බවත් ඔහු කීය. ඒ ඒ ප‍්‍රදේශවල ශ්රීලනිප සාමාජිකයන් විශේෂයෙන් ඉලක්ක කරන බව ඔහු කීය. පොදුජන පෙරමුණ සමග තමන්ට ඇති සම්බන්ධය එක ලැයිස්තුවකින් ඉදිරිපත් වීම පමණක් බවත් ශ‍්‍රීලනිපය පොදුජන පෙරමුණ සමග කටයුතු කරන්නේ ජනාධිපති ගෝඨාභය රාජපක්ෂ සමඟ ඇති සම්බන්ධය මත බවත් ප‍්‍රචාරක පාඨයක් ලෙස ඉදිරියට ගන්නා බව ඔහු කීය.
පොදුජන පෙරමුණේ ප‍්‍රබල නායකයෙකු අනිද්දා සමඟ අදහස් දක්වමින් ප‍්‍රකාශ කළේ තම පක්ෂය ඉදිරි මැතිවරණයේදී ප‍්‍රචාරක කටයුතු සිදු කරන්නේ තම පක්ෂයේ අපේක්ෂකයන්ට ඡුන්දය ලබාදෙන ලෙස පමණක් බවයි. තම සන්ධානය සමඟ සිටින පක්ෂවලට තම තමන්ගේ ඡුන්දදායකයන්ට ආමන්ත‍්‍රණය කිරීමේ අවකාශය පවතින බවත්, ශ‍්‍රීලනිපයටද එසේ කළ හැකි බවත් ඔහු කීය.
මේ පිළිබඳව කළ විමසීමකදී ශ්රීලනිප මහලේකම් දයාසිරි ජයසේකර ප‍්‍රකාශ කළේ තම පක්ෂයේ අපේක්ෂකයන්ට තනිව ප‍්‍රචාරක කටයුතුවල යෙදීමට සිදුවන බවයි.x
