දෙමළ ජාතික සන්ධානයේ නායක ආර් සම්බන්ධන්, මුස්ලිම් කොංග‍්‍රසයේ නායක රවුෆ් හකීම් සහ දෙමළ ප‍්‍රගතිශිලි පෙරමුණේ නායක මනෝ ගනේෂන් පෙබරවාරි 04 වන දින කොළඔ නිදහස් චත‍්‍රරසයේ පැවැති ජාතික නිදහස් උළෙලට සහභාගි වී නැත්තේ ජාතික ගීය දෙමළෙන් ගායනා නොකිරිමට රජය ගෙන තිබු තීරණයට විරෝධය දැක්වීමක් ලෙසය.
දෙමළ ජාතික සන්ධානයේ නායක ආර්. සම්බන්ධන් පෙබරවාරි 05 වැනිදා ඒ බව මාධ්‍ය වෙත අදහස් දක්වමින් කියා තිබුණි. මුස්ලිම් කොංග‍්‍රසයේ ඉහළ සාමාජිකයෙකු පැවසුවේ තම පක්ෂයේ නායක රවුෆ් හකීම්ද නිදහස් දින උත්සවයට සහභාගි නොවුණේ ජාතික ගීය සම්බන්ධයෙන් රජය ගෙන තිබූ තීරණයට විරෝධය පෑමක් ලෙස බවය. මනෝ ගනේෂන් මහතාද තමන්ගේ ට්විටර් ගිණුමෙහි සටහනක් තබමින් සඳහන් කර තිබුණේ ජාතික ගීය දෙමළ භාෂාවෙන් ගායනා නොකිරීමට විරෝධය දක්වන බවය.
හංසි මානවඩු
