23.7 C
Sri Lanka
7 July,2022

මහින්දටත් විනය පියවර

Must read


ශ්‍රීලනිපය හා පොදුජන පෙරමුණ අතර සාකච්ඡා අසාර්ථක වීමෙන් පසුව මහින්ද රාජපක්ෂ ඇතුළු ශ්‍රීලනිපයෙන් තේරී පත්ව වෙනත් පක්ෂවලට සහාය පළකරන මන්ත්‍රීවරුන් රැසකට එරෙහිව ශ්‍රීලනිපය විනය පියවර ගනු ඇතැයි වාර්තා වේ.


පොදුජන පෙරමුණ සමඟ සාකච්ඡා අසාර්ථක වනු ඇතැයි ශ්‍රීලනිපයේ ඉදිරිපෙළ නායකයන්ගේ මතය වී තිබේ.


එහි ආරම්භක පියවරක් ලෙස දැනටමත් විනය පරීක්ෂණවලට මුහුණදී සිටින ශ්‍රීලනිප සාමාජිකයන් ලෙස එජනිස ජාතික ලැයිස්තුවෙන් තේරී පත්ව වෙනත් පක්ෂවලට සහාය පළකල පාර්ලිමේන්තු මන්ත්‍රීවරුන් පස්දෙනාම ශ්‍රීලනිප සාමාජිකත්වයෙන් නෙරපනු ඇතැයි වාර්තා වේ.


එස්.බී. දිසානායක, ඩිලාන් පෙරේරා, ලක්ෂ්මන් යාපා අබේවර්ධන, විජිත් විජයමුණි සොයිසා හා ඒ.එච්.එම්. ෆවුසි එම මන්ත්‍රීවරු ය.
එම මන්ත්‍රීවරුන් පස්දෙනාම ශ්‍රීලනිප මහලේකම් දයාසිරි ජයසේකරට පිළිතුරු දෙමින් තමන් තවමත් ශ්‍රීලනිපයේ සාමාජිකයන් බව දන්වා ඇත.


එහෙත් එම පස්දෙනාම මේ වනවිට වෙනත් පක්ෂවලට සහාය දක්වන බවට පැහැදිලි සාක්ෂි ඇති බව අනිද්දා සමඟ අදහස් දැක්වූ ශ්‍රීලනිප ප්‍රබලයෙක් කීය.


මේ පිළිබඳව කළ විමසීමකදී ශ්‍රීලනිප මහලේකම් දයාසිරි ජයසේකර පැවසුවේ ඉදිරියේදී ගන්නා තීරණ ගැන දැන්ම කිව නොහැකි බවත්, දැනට එම මන්ත්‍රීවරුන් පස්දෙනාම තමන් නිර්දෝෂී යැයි පිළිතුරු දී ඇති බවත් ය. මහින්ද රාජපක්ෂ ඇතුළු කණ්ඩායම ගැන කරන්නේ කුමක්දැයි ඉදිරියේදී පවසන බව ඔහු කීය.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි