පාර්ලිමේන්තු මන්ත‍්‍රී ඩිලාන් පෙරේරා
ඔබ ශ‍්‍රීලනිපය අත්හැරලා ශ‍්‍රීලපොපෙ හා එක්වුණේ ඇයි?
මේ වෙලාවේ ශ‍්‍රී ලංකා පොදුජන පෙරමුණේ ජනාධිපතිවරණ ප‍්‍රචාරක ව්‍යාපාරය කියන්නේ පක්ෂයකට ලඝු කරන්න පුලූවන් දෙයක් නෙවෙයි. එය මේ මොහොතේ යූඇන්පී විරෝධී පක්ෂ ගණනාවක අරමුණු නියෝජනයා කරන තැනක්. ශ‍්‍රීලනිපය, සමසමාජ පක්ෂය, කොමියුනිස්ට් පක්ෂය, ප‍්‍රජාතන්ත‍්‍රවාදී වාමාංශික පෙරමුණ ඇතුලූ මෙකී නොකී පක්ෂ ගණනාවක් නියෝජනය කරන කඳවුර තමයි පොදුජන පෙරමුණෙන් සංකේතවත් වෙන්නේ. ඒ නිසා මම ඒ දේශපාලන ව්‍යාපාරයට එකතුවීමයි සිද්ධවුණේ. ඒත් අද වෙනකොටත් ශ‍්‍රීලනිපය මගේ සාමාජික වැටුප් ශ‍්‍රීලනිපයේ අරමුදලට කපාගන්නවා. පාර්ලිමේන්තු බැංකුවට ගිහිල්ලා බැලූවොත් මගේ වැටුපෙන් පක්ෂයේ ගිණුමට මුදල් කපාගන්නවා.
එහි අදහස ඔබ පොදුජන පෙරමුණ තනි දේශපාලන පක්ෂයක් විදියට නොසලකන බවද?
ගෝඨාභය රාජපක්ෂ මහත්තයාවත් පොහොට්ටුවට ගියේ නැහැ. ඔහු පොදුජන පෙරමුණෙන් ජනාධිපතිවරණයට ඉදිරිපත් වුණා විතරයි. ගෝඨාභයවත් පොහොට්ටුවේ සාමාජිකත්වය ගත්තේ නැහැ. පොදුජන පෙරමුණේ නායකයා වුණා මහින්ද රාජපක්ෂ. ඒ මහින්ද රාජපක්ෂ මහත්තයා තමයි විපක්ෂ නායක. මහින්ද රාජපක්ෂ විපක්ෂ නායක පුටුවේ ඉන්නකොට විපක්ෂයේ ප‍්‍රධාන සංවිධායක හැටියට කටයුතු කරන්නේ මහින්ද අමරවීර මන්ත‍්‍රීතුමා. එජනිස මහලේකම්. මහින්ද අමරවීර මහත්තයා මහලේකම් විදියට පිළිගන්නවා පොදුජන පෙරමුණේ නායකයා වන මහින්ද රාජපක්ෂ ශ‍්‍රීලනිපයෙන් ආ මන්ත‍්‍රීවරයෙක් හැටියට පිළිගන්නවා. ඉතින් දයාසිරි ජයසේකර ශ‍්‍රීලනිප මහලේකම්වරයා විදියට මොනවා කිව්වත්, මහින්ද රාජපක්ෂ මහත්තයා කරපු දේම ඊට ටිකක් අඩුවෙන් කරපු ඩිලාන් පෙරේරා වැරදිකාරයෙක් වෙන්නේ කොහොමද කියලා තේරෙන්නේ නැහැ. මහින්ද හරි නම් මමත් හරි. මම වැරදි නම් මහින්දත් වැරදියි.
කෙසේවෙතත් මේ වෙද්දී ශ‍්‍රීලනිපයෙන් ඔබට එරෙහිව විනය පියවර ගත් බව කියනවා නේද?
මාව ශ‍්‍රීලනිපයෙන් නෙරපනතුරු මම ඒ පක්ෂය දාලා ගියේ නැහැ. නෙරපුවා කියලා කීවාට තවමත් අපට ඒ බව ලිඛිතව දැනගන්න ලැබිලාත් නැහැ. පත්තරවලින් මම දැක්කා දයාසිරි ජයසේකර මහලේකම්වරයා අපව නෙරපලා ලියුම් ලියපු බව. අපි දන්නේ නැහැ අපට එවපු ලිපියේ අපට පෙම් කරලාද, වෛර කරලාද කියලා. අපට පෙම් හසුනක් එව්වාද කියලා දන්නේත් නැහැ. මම ශ‍්‍රීලනිපයේ විනය උල්ලංඝනය කරලා නැහැ. අනෙක ජාතික ලැයිස්තු මන්ත‍්‍රීවරු, දිස්ත‍්‍රික් මන්ත‍්‍රීවරු කියලා පක්ෂයෙන් වෙනම ක‍්‍රියාමාර්ග ගන්න බැහැ.
ඔක්කොම ඉන්නේ මන්ත‍්‍රීවරු. ඒ අතරින් මම ජාතික ලැයිස්තුවෙන් පත්වෙලා ඉන්නේ ඡුන්දයෙන් ඉල්ලලා පැරදිලා නෙවෙයි. මම ජාතික ලැයිස්තුවෙන් ආවේ. ඒ නිසා මට වගකීමක් තියෙනවා. යම්කිසි වැඩක් කරද්දී ජාතික ලැයිස්තු මන්ත‍්‍රීධූරයට ගැලපෙන විදියට වැඩ කරන්න වෙනවා. මට දිස්ත‍්‍රික්ක මට්ටමෙන් කල්පනා කරන්න බෑ. මේක ජාතික මට්ටමේ වැඩක්. ඒ නිසා ජාතික වශයෙන් ශ‍්‍රීලනිපයට ඡුන්දය දුන්න ඡුන්ද දායකයන් කියන දේ ගැන මම සැලකිලිමත් වෙන්න ඕනෑ. අපේ ඡුන්දදායකයෝ කියලා තියෙනවා අපි උඹලාට දුන්නේ යූඇන්පී එකත් එක්ක යන්න නෙවෙයි කියලා. මම කටයුතු කළේ ඒ පණිවුඩය අනුවයි.
ගෝඨාභය රාජපක්ෂ හොඳ ජනාධිපතිවරණ අපේක්ෂකයෙක් බව හිතනවාද?
අපේක්ෂකයාව නම්කරන තෙක් මම විශ්වාස කළේ චමල් රාජපක්ෂ කෙනෙක්ව අපේක්ෂකයා කළොත් හොඳයි කියන දේ. ඒක මම දැනුත් කියනවා. මම ඒක කීවේ ගෝඨාභය රාජපක්ෂගේ වරදක් නිසා නෙවෙයි. දෙමළ හා මුස්ලිම් ඡුන්ද ගැන තිබුණු සැකය නිසා. අපේ කලින් ආණ්ඩුව කාලයේදී බොදුබල සේනා සංවිධානය හා ගෝඨාභය රාජපක්ෂ අතර සම්බන්ධයක් තිබුණු බව සැකයක් තිබුණා. අපි පසුගිය ජනාධිපතිවරණය පරාද වෙන්නත් ඒක හේතුවුණා. ඒවා කොහොම වුණත් ගෝඨාභය රාජපක්ෂව නම් කළාට පස්සේ අපට තියෙන්නේ ගෝඨාභය රාජපක්ෂ මහත්මයාගේ ඡුන්ද ව්‍යාපාරය තුළ දෙමළ හා මුස්ලිම් ඡුන්ද දිනාගැනීමත් සඳහා ඔහු වටා පෙළගැහෙන එකයි. ඒකේ යම් සාර්ථකත්වයක් මට පේනවා.
අගෝස්තු 11 වැනිදා ගෝඨාභය රාජපක්ෂ මහත්තයා කරපු කතාව තුළම ගැබ්වෙලා තිබුණේ අලූත්ම ආරක දේශපාලනයක්. ඔහුගේ කතාවේ තිබුණේ කාටවත් මඩගහන්නේ නැති, පෙර ආණ්ඩුවල වැරදි කියන්නේ නැති, දෙමළ මුස්ලිම් සිංහල සියලූදෙනා එක්ක වැඩකරනවාය කියන අදහස. මට දැන් හිතෙන්න පටන් අරගෙන තියෙනවා මමත් වැරදි තක්සේරුවක හිටියාදෝ කියලා. මොකද මේ වෙද්දී වතුකරයේ ජනතාවගේ ප‍්‍රතිචාර මට පේනවා. මම හිතුවාටත් වඩා ඔවුන් ගෝඨාභය රාජපක්ෂගේ ඡුන්ද ව්‍යාපාරය වටා ගොනුවෙමින් ඉන්නවා. දැන් ගෝඨාභය රාජපක්ෂගේ මැතිවරණ ව්‍යාපාරය නිවැරදි පීල්ලේ ගමන් කරවීමයි කරන්න ඕනෑ.
ගෝඨාභය රාජපක්ෂ ආරක්ෂක අමාත්‍යාංශයේ ලේකම්වරයාව සිටියදී මානව හිමිකම් උල්ලංඝනය කරමින් කරපු දේවල් ගොඩක් ගැන චෝදනා තියෙනවා. ඒවා ගැන ඔබ කරදර වෙන්නේ නැද්ද?
ඇමෙරිකාව, ඉන්දියාව, එංගලන්තය වගේ රටවල යුද්ධ තිබුණු වෙලාවලදී තමන්ට එරෙහිව යුධවැදුණු ත‍්‍රස්තවාදී සංවිධානයේ නායකයාගේ මව හා පියාව හමුදා සෙබළුන්ගේ කරමතින් ගෙනල්ලා නැහැ. යුධමය තත්වයක් තුළදී ආරක්ෂාව භාර නිලධාරීන් සාමාන්‍ය තත්වයකදී වගේ හැසිරෙන්නේ නැහැ. එහෙම දෙයක් බලාපොරොත්තු වෙන්න බෑ. ඒක ප‍්‍රායෝගිකයි. ඒත් යුධ තත්වයක හිටපු වෙනත් රටවල් එක්ක සංසන්දනය කරද්දී මේ ආරක්ෂක ලේකම්තුමා මානව හිමිකම්වලට ගෞරව කරමින් කටයුතු කළ බව මම විශ්වාස කරනවා.
ඔබ ශ‍්‍රීලනිපය නැතිවම පොදුජන පෙරමුණු මැතිවරණ ව්‍යාපාරයට ගියේ ශ‍්‍රීලනිපය ගෝඨාභයට සහයෝගය නොදේවි කියන තක්සේරුවෙන්ද?
මෛත‍්‍රීපාල සිරිසේන ජනාධිපතිතුමා ශ‍්‍රීලනිපයට අභ්‍යන්තර ප‍්‍රජාතන්ත‍්‍රවාදය දුන්න නායකයෙක්. ඒත් දයාසිරි ජයසේකර මැතිතුමා පක්ෂයේ වැඩබලන මහලේකම් වුණාට පස්සේ එජාපයේ රනිල් වික‍්‍රමසිංහ මහත්තයා හුරු කරපු ඒකාධිපති ආරට කටයුතු කරන්න පටන්ගත්තා. හරියට කිව්වොත් මෛත‍්‍රීගේ ශ‍්‍රීලනිප අභ්‍යන්තර ප‍්‍රජාතන්ත‍්‍රවාදය දයාසිරි ගිල්ලා. ඔහුට මහා හීනමානයක් තියෙන්නේ. අපේ පක්ෂයට යූඇන්පී සංස්කෘතිය ගේනවා. ආසන කළමණාකරු, දිස්ත‍්‍රික් කළමණාකරු වගේ යූඇන්පීයෙන් විවිධ තනතුරුත් ගෙනාවා. ඒත් තමන්ගේ නායකත්වයෙන් ශ‍්‍රීලනිපය දේශපාලන කනත්තට ගෙනගියාය කියන චෝදනාව ලබන තැනට පක්ෂය පත් කරන්නට ජනාධිපති මෛත‍්‍රීපාල සිරිසේන මැතිතුමා ඉඩදේවි කියලා මම හිතන්නේ නැහැ.
ඒත් දයාසිරි ජයසේකර මහලේකම්වරයා ගණන් හදන්නේ පක්ෂයේ අනාගතය ගැනයි. මේ මොහොතේ පොදුජන පෙරමුණට කොන්දේසි විරහිතව එක්වුණොත් ශ‍්‍රීලනිපය දියවේවි කියලා ඔහු කියනවා. ඔහුගේ තර්කවල පදනමක් තියෙන බව හැඳෙන්නේ නැද්ද?
ශ‍්‍රීලනිපය දියවෙන්නේම මේ වෙලාවේ යූඇන්පී විරෝධී අපේක්ෂකයා එක්ක පෙළගැහුණේ නැත්නම්. නැත්නම් දියවෙන්නට දෙයක් ඉතිරිවෙන්නේ නැහැ. දයාසිරි ජයසේකර මහත්තයා නොදැක්කාට දයාසිරිගේ කකුල් යටින් පක්ෂය නාය යනවා. එතුමා හිතුවාට පළාත් පාලන ඡුන්දයේදී ලක්ෂ 15ක් තිබුණා කියලා, ජනාධිපතිවරණයේදී ඒක වෙන්නේ නැහැ. දැන් ලක්ෂ 5ක් විතර ඉතිරිවෙලා ඇති. ශ‍්‍රීලනිප සංවත්සරයටත් ගොඩක් අය බලාපොරොත්තු වුණේ ගෝඨාභය රාජපක්ෂට සහාය පළකරන බව ප‍්‍රකාශ කරනු ඇතැයි බලාපොරොත්තුවෙන්. ඊයේ ගොඩක් අය ගියේ කළකිරුණු ස්වභාවයකින්. ඒ නිසා ශ‍්‍රීලනිපය දියවෙන බව ඇත්ත. ඒත් බේරගන්න පුලූවන්. දයාසිරි ජයසේකර මහත්තයා දිගටම ඔය බයිලාව කියාගෙන හිටියොත් වළදාන්නයි වෙන්නේ. ශ‍්‍රීලනිපයේ අනන්‍යතාවයත් රැුකගෙන ශ‍්‍රීලනිපය අනාගතයට වැඩෙනවානම් වැඩෙන්න තියෙන්නේ එක තැනක. ශ‍්‍රීලනිපය අත්හැරලා ගිය අයව නැවත ගෙන්වාගන්න පුලූවන් වෙන්නේ එතැනට ගියොත්.
ඒත් දැනටමත් පොදුජන පෙරමුණෙන් ශ‍්‍රීලනිපය දෙකේ කොළේට දාලා කතාකරනවා නේද?
ඇත්ත. පොහොට්ටුවෙන් මට මඩ ගහනවා. අපහාස කරයි. ඒ පටු වුවමනාවන් මත. මොනවා කළත් අපි දේශපාලන වශයෙන් නිවැරදි තීන්දුව ගත්ත බව ජනතාව තීන්දු කරනවා. අනේ එතැනට ගියාම අපට මඩගහයි, අපව ගණන්ගන්න එකක් නැහැ, අපට දෙවැනි පේළියේ පුටු දෙයි, අපට පහත්වෙන්න බෑ වගේ දේවල් කියන්න ඕනෑ නැහැ. මම ගෝඨාභය රාජපක්ෂගේ වේදිකාවට ආවාම සමාජ මාධ්‍යවලින් මට වැඩිපුර ගහන්නේ යූඇන්පීයේ කවුරුත් නෙවෙයි. පොහොට්ටුවේ ඉන්න කිහිපදෙනෙකුයි, ගුරුවරු දණගස්සපු බදුල්ලේ දඩෝරියායි තමයි මට ගහන්නේ. ඒගොල්ලෝ දන්නවා ඩිලාන් පෙරේරාට උපාධියක් තියෙනවා, නීතිඥයෙක්, පාර්ලිමේන්තුවේ අවුරුදු 28ක් දේශපාලනය කරනවා, භාෂා තුනම කතාකරනවා කියලා. මේ යකා මෙතැනට ගියොත් මාර වැඩක් වේවි කියලා ඒ අය දන්නවා. ඒ බයට තමයි අපට ගහන්නේ. ගෝඨාභය රාජපක්ෂව දිනවන එක අමතක වෙලා මේ අය බයෙන් වෙව්ලන්න ගන්නවා. ඉන්පස්සේ අපට ගහනවා. එහෙම කරද්දී අපි කරන්න ඕනෑ මොකක්ද. වෙව්ලන්න එපා පුතා, අපි දැන් ගෝඨාභය රාජපක්ෂව දිනවමු කියලා පිටට තට්ටුවක් දාන එකනේ අපි කරන්න ඕනෑ.
ඔබ විශ්වාස කරන්නේ ශ‍්‍රීලනිපය බේරාගැනීමත්, පොදුජන පෙරමුණේ අපේක්ෂකයාට සහයෝගය දීමත් එකවර කරන්න පුලූවන් බවද?
මම උත්සාහ කළේ ඒක කරන්නයි. අපි 16 දෙනෙක් ආණ්ඩුවෙන් ඉවත්වුණානේ. ඉන්පස්සේ එහෙට මෙහෙට පනින ගෙම්බෙක් වගේ දයාසිරි ජයසේකර ආයෙත් අනෙක් පැත්තට පැන්නා. ඉතිරි 15 දෙනාගෙන් මම, එස්බී, ලක්ෂ්මන්, තිලංග කියන හතරදෙනා පොදුජන පෙරමුණට එකතුවුණේ නැහැ. අපි උත්සාහ කළේ ශ‍්‍රීලනිපය පක්ෂයක් හැටියට මේ දේශපාලන ධාරාවේ හිටවන්නයි. ඒත් ඔවුන් දිගින් දිගටම කිව්වා මේකේ අවසාන දිනය තමයි මහින්ද රාජපක්ෂ ජනාධිපති අපේක්ෂකයා නම්කරන දවස. ඒ දවස වෙනතුරුම අපි කිව්වා අපේක්ෂකයා ගෝඨාභය හෝ චමල් විතරක් නෙවෙයි මෛත‍්‍රීපාලත් විය හැකියි කියලා. එහෙත් අපේක්ෂකයා මහින්ද රාජපක්ෂ මහත්තයාගේ ආශිර්වාදය ලබන කෙනෙක් විය යුතුයි.
මොකද අපේක්ෂකයාව ඡුන්දයේදී මාකට් කරන්න පුලූවන් වෙන්නේ එතකොටයි. ඒත් අපේක්ෂකයා නම්කළ දිනය වෙනතුරු ඒක වුණේ නැහැ. අපේක්ෂකයා නම්කරන දිනයේත් ශ‍්‍රීලනිපයේ මන්ත‍්‍රීවරුන්ට ඒ උත්සවයට ආරාධනා කළා. පොදුජන පෙරමුණට බැෙක්‍ෂන්න කියලා නෙවෙයි ආරාධනා කළේ. මන්ත‍්‍රීවරුන් හැටියට එන්න අපට සුභපතන්න කියලයි ඉල්ලූවේ. ඉතින්, මේක වෛරී ප‍්‍රවේශයක්. ශ‍්‍රීලනිපයෙන් 16 දෙනා එළියට යන්න කලින් ඒ 16 දෙනාත් එක්කම ලොකු පක්ෂයක් විදියට ශ‍්‍රීලනිපය ඒ පෙරමුණේ හිටගත්තානම් ඒක යෝධ හයියක් වෙන්න තිබුණා. අර විශ්වාසභංගය වෙලාවේම තීන්දුව ගත්තානම් ලොකු හයියක්. ඒ දැවැන්ත චරිත එක්ක ශ‍්‍රීලනිපය ඒ පෙරමුණ ඇතුලේ ශක්තිමත්ව වැඩෙන්න තිබුණා. x
