අපේ‍්‍රල් 21දා ප‍්‍රහාරය බොහෝ වෙනස්කම් ලංකාවේ සමාජයට කළේය. තවමත් කරමින් සිටින්නේය. 21දා ප‍්‍රහාරය පිළිබඳව පරීක්ෂණ කටයුතු සඳහා අපරාධ පරීක්ෂණ දෙපාර්තමේන්තුවට වෙහෙසෙන්නට වී තිබේ. ඒ වෙහෙසීම තුළ එතෙක් ඔවුන් කරගෙන ආ බැ?රුම් අපරාධ පරීක්ෂණයන් (රාජපක්ෂ යුගයට අදාළ* යට යමින් තිබේ. නැතිනම් නිශ්චිත අවසානයක් නොමැතිව නඩු පැවරීම සඳහා නීතිපති දෙපාර්තමේන්තුවට යමින් තිබේ.
හොඳම නිදර්ශනය අතුරුදන් කරනු ලැබූ මාධ්‍යවේදී ප‍්‍රගීත් එක්නැළිගොඩගේ සිද්ධියට ආදාළ පරීක්ෂණය. ප‍්‍රගීත් අවසන් වරට ගෙනගොස් රඳවනු ලැබුවේ යැයි සැක කෙරෙන අක්කරේපත්තු හමුදා බුද්ධි කඳවුරේ තොරතුරු පිටුපස ගොස් එම සිද්ධිය දා එහි සේවය කළ යුද සෙබළුන් අත්අඩංගුවට ගෙන කටයුතු කරන්නට අපරාධ පරීක්ෂණ දෙපාර්තමේන්තුවට නොහැකි විය. එයට ප‍්‍රධානම හේතුව යුද්ධ හමුදාව අවශ්‍ය තොරතුරු නොදීමය. අනෙක් හේතුව වන්නේ පාස්කු දා ප‍්‍රහාරය සමග නැවත රට තුළ රණවිරු වන්දනය ඔසවා තැබීමය. නැවත රණවිරුවන් අත්අඩංගුවට ගතහොත් රට තුළ කුමන වාතාවරණයක් ඇතිවෙයිද? අපරාධ පරීක්ෂණ දෙපාර්තමේන්තුව සිතුවා වන්නට ඇත. මේ පරීක්ෂණය පිළිබඳ අදහස් දැක්වූ එක් උසස් පොලිස් නිලධාරියෙකු කීවේ තව ටිකක් මහංසි වුණා නම් අපිට ප‍්‍රගීත්ගේ බොඩි එකත් සොයා ගන්න තිබුණා කියාය. එහෙත් එතරම් මහන්සි වෙන්නට පොලීසියට මෙම ප‍්‍රහාරයෙන් පසුව ඉඩ ලැබුණේ නැත.
වසීම් තාජුඞීන් ඝාතනය පිළිබඳ පරීක්ෂණයන්ද දැන් තිබෙන්නේ අතහැර දමන මට්ටමකය. සාක්ෂි වසන් කිරීමේ හේතුවට කොළඹ හිටපු ජේ්‍යෂ්ඨ නියෝජ්‍ය පොලිස්පතිවරයාට නඩු වැටෙන්නේ ඒ නිසා ය. ඒ තාජුඞීන්ට යුක්තිය ඉටුවෙන සීමාවය. රවිරාජ් ඝාතනය කළ කෙනෙක් නැත!! තවත් බොහෝ ඝාතනයක් අතුරුදන් කිරීම් පහරදීම් පිළිබඳ පරීක්ෂණ දැන් තිබෙන්නේ හෙට නවතියි ස්වරූපයේය.
එම වටපිටාව තුළ පසුගිය 3 වැනි දා කොළඹ කොටුව උසාවියේදී නාවික හමුදා නිලධාරීන් පුද්ගලින් 11 දෙනෙකු පැහැරගෙන ගොස් වදහිංසා පමුණුවා ඝාතනය කිරීම, කප්පම් ගැනීම පිළිබඳ නඩු විභාගයට ගැනුණි. එහිදී අපරාධ පරීක්ෂණ දෙපාර්තමේන්තුව හිටපු නාවික හමුදාපති වසන්ත කරන්නාගොඩගේ ප‍්‍රකාශ උසාවිය තුළ දිගහරිමින් මේ පුද්ගලයා කුමක් කීවත් ඔහු ත‍්‍රිකුණාමලයේ ගන්සයිඞ් සිරකඳවුර පිළිබඳව දැන සිට ඇතැයි ප‍්‍රකාශ කළේය.
වසන්තගේ ප‍්‍රකාශය
‘සම්පත් මුණසිංහ ළමුන් 5 දෙනෙක් පැහැරගෙන ගිහිං ත‍්‍රිකුණාමලයේ ගන්සයිඞ් කඳවුරේ රඳවාගෙන ඉන්නවා කියලා මට 2009/05/10 වෙනිදා තමයි මුලින්ම ආරංචිය ආවේ. ආරංචිය ආපු ගමන්ම මම ක‍්‍රියාත්මක වෙලා එතකොට නාවික හමුදාවේ විනයාරක්ෂක විදිහට කටයුතු කරපු කපිතාන් සේනක හංවැල්ල මේ ගැන විමර්ශනයක් කරන්න කියලා කිව්වා. ඊට පස්සේ එදාම එවක නාවික හමුදා බුද්ධි අධ්‍යක්ෂ ගුරුගේටත් කිව්වා විමර්ශනය කරන්න කියලා. එදාම නැගෙනහිර එවක නාවික හමුදා ආඥාපති එස්.එම්.බී. වීරසේකටත් කිව්වා ගන්සයිඞ් ගිහිං බලලා වාර්තා කරන්න කියලා. ඊට පස්සේ සම්පත් මුණසිංහගේ කාමරය පරීක්ෂා කළා. එතකොට ඒ කාමරේ තිබිලා හම්බවුණ දේවල් එක්ක අපි නියෝජ්‍ය පොලිස්පති අනුර සේනානායක ඉදිරියේ පැමිණිල්ලක් දැම්මා. මේ පැමිණිල්ල හැදුවේ එවක නාවික හමුදා නීති උපදේශක විදිහට කටයුතු කරපු ශවේන්ද්‍ර ප‍්‍රනාන්දු’. වසන්ත කරන්නාගොඩ අපරාධ පරීක්ෂණ දෙපාර්තමේන්තුව ඉදිරියේ වමාරා තිබෙන ප‍්‍රකාශය ඔවැනි ආකාරය. මෙම ප‍්‍රකාශ පරස්පර බව, වසන්ත කරන්නාගොඩ ඉහත සඳහන් කරන නම් තිබෙන පුද්ගලයන්ගේ ප‍්‍රකාශ හා සැසඳීමේදී ඕනෑම කෙනකුට තේරුම් යා යුතුය.
හිටපු නාවික හමුදාපති වසන්ත කරන්නාගොඩගේ ඉහත ප‍්‍රකාශය පිළිබඳව අපරාධ පරීක්ෂණ දෙපාර්තමේන්තුවට ප‍්‍රකාශයක් ලබාදෙන එවක නාවික හමුදාවෙ බුද්ධි අධ්‍යක්ෂ ගුරුගේ කියන්නේ මේ සිද්ධිය පිළිබඳව සොයාබලන්න යැයි එවක නාවික හමුදාපති වසන්ත කරන්නාගොඩ තමන්ට දැනුම් දුන්නේ 2009/05/10 දිනයේදී නොව 2009/05/26 දිනයේ බවය. ඒ අනුව මේ පිළිබඳව සොයා බලන බුද්ධි අධ්‍යක්ෂවරයා 2009/06/07වෙනිදා වන විට මෙම පරීක්ෂණය පිළිබඳව තොරතුරු නාවික හමුදාපතිවරයාට දැනුම් දී ඇත. එහිදී ඔහු නාවික හමුදාපතිවරයා දැනුවත් කර ඇත්තේ මෙම සිද්ධියට සම්පත් මුණසිංහ පමණක් නොව ලූතිනන් කමාන්ඩර් හෙට්ටිආරච්චිද, ලූතිනන් කමාන්ඩර් සුමිත් රණසිංහද සම්බන්ධ බවය. එම ළමයින් 5 දෙනා මරාදමා ඇති බවටද බුද්ධි අධ්‍යක්ෂවරයා එවක නාවික හමුදාපතිවරයා දැනුවත් කර ඇත.
කරන්නාගොඩගේ ප‍්‍රකාශය පදනම් කරගනිමින් අපරාධ පරීක්ෂණ දෙපාර්තමේන්තුව එවක නාවික හමුදාවේ විනයාරක්ෂක ලෙස කටයුතු කළ කපිතාන් සේනක හන්වැල්ලගෙන් ප‍්‍රකාශයක් ලබාගෙන ඇත. එහිදී සේනක කියන්නේ තමන්ටද ඉහත සඳහන් දැනුවත් කිරීම නාවික හමුදාපතිවරයා කරන්නේ 2009/5/10 වැනි දින නොව 2009/05/26 බවය. කරන්නාගොඩට දිනය පැටලූණා යැයි මොහොතකට සිතමු. ඒ අනුව 26 වැනි දිනයේදීම සම්පත් මුණසිංහගේ නිවස්නය පරීක්ෂා කළ බව ඉහත නිලධාරියා ප‍්‍රකාශ කර ඇත. එහිදී ලැබුණු තොරතුරු සියල්ල 2009/05/27 දිනයේදීම එවක නාවික හමුදාපතිවරයාට ගෙනගොස් දී ඇත. පසුව නීති අධ්‍යක්ෂ ශවේන්ද්‍ර ප‍්‍රනාන්දුගේ මගපෙන්වීම සහ උපදෙස් අනුව එම සියලූ තොරතුරු කොළඹ අපරාධ කොට්ඨාසයට ලබා දී තිබේ.
වසන්ත කරන්නාගොඩගේ ප‍්‍රකාශයට අදාළව ප‍්‍රශ්න කිරීමේදී එවක නැගෙනහිර නාවික ආඥාපති ලෙස කටයුතු කළ එස්.එම්.බී. වීරසේකර කියන්නේ ද තමන්ට සොයා බලන්න යැයි එවක හමුදාපතිවරයා පැවසූවේ 2009/05/26 බවය. ඒ අනුව තමන් ඒ පිළිබඳව සොයාබලා වාර්තා කළ බව ඔහු එම ප‍්‍රකාශයේදී ප‍්‍රකාශ කර ඇත. ඔහු එම ප‍්‍රකාශයේදී තවත් සිත්ගන්නාසුලූ දෙයක් ප‍්‍රකාශ කර ඇත. ‘2009/05/15 නාවික හමුදාපති වසන්ත කරන්නාගොඩ ත‍්‍රිකුණාමලයේ කෑම්ප් එකට ආවා. ඔහුට උවමනාවක් තිබුණා නම් එදා මට කියන්න තිබුණා. එහෙම වුණා නම් අපි දෙන්නාටම එදාම ගිහිං එතන පරීක්ෂා කරන්න තිබුණා’. මේ 2009/05/15 කඳවුරට පැමිණියා යැයි කියන කතාව බොහෝ වැදගත්ය. මේ කියන 05/15 දිනයේ ගන්සයිඞ් පරීක්ෂා කළා නම් මේ තරුණයන් බෙරාගන්නට තිබුණාද? විමසා බැලිය යුතුය.
අවසන් ඇමතුම
ගන්සයිඞ්හි රඳවාගෙන සිටි රජීව් නාගනාදන් සිය මවවන සරෝජනී නාගනාදන් මහත්මියට තත්පර 1008ක සිය අවසන් ඇමතුම ගන්නේ 2009/05/21 වෙනිදා ය. එනිසා ආසන්න වශයෙන් 05/21දා වනතුරු මෙම කණ්ඩායමෙන් රජීව් නාගනාදන් තරුණයා හෝ ජීවතුන් අතර සිටින්නට හැකියැයි කිව හැකිය. එය එසේනම් නාවික හමුදාපති කියන ලෙස 05/10 මේ කියන සෑම නිලධාරියාම සිය හමුදාපතිවරයාගේ නියෝගයට යටත්ව නිසි පරීක්ෂණයක් කළා නම් මෙම තරුණයන් බේරාගන්නට නොහැකි වුණේ ඇයි? යන ප‍්‍රශ්නය අප හමුවේ ඉතිරි වේ. ඒ අනුව මේ 05/10 කතාව පට්ටපල් බොරුවක් ය. මෙහි රඳවාගෙන සිටි සියලූ රැුඳවියන් ඝාතනය වූ පසුව 05/26වැනි දිනයේදී තමන්ගේ දෑත්වල තිබෙන ලේ පැල්ලම් සෝදා හරින්නට කරන්නාගොඩට අවශ්‍ය වන්නට ඇත. ඒ අනුව ඔහු හතරවටේට කෝල් කර නියෝග ලබාදී ඇත.
ගන්සයිඞ් භූගත සිරකඳවුර නැගෙනහිර නාවික ලොක්කන්ගේ ඇස්වලින් වසාදමා වසන්ත කරන්නාගොඩගේ ඍජු අධීක්ෂණය යටතේ ඔහුගේ සුරතලූන් ඝාතනාගාරයක් ලෙසින් භාවිත කර ඇති බවට ඕනෑවාටත් වඩා තොරතුරු දැන් උසාවිය ඉදිරියේ අපරාධ පරීක්ෂණ දෙපාර්තමේන්තුව විසින් අනාවරණය කර ඇත. ඒ මොනවා අනාවරණය කළත් හිටපු නාවික හමුදාපතිවරයා අත්අඩංගුවට ගන්නට අපරාධ පරීක්ෂණ දෙපාර්තමේන්තුවට හැකිවන්නේ නැත. ඒ ජනාධිපතිවරයාගේ මැදිහත් වීම නිසා බව කිව යුතුය. හිටපු ආරක්ෂක ලේකම් හේමසිරි ප‍්‍රනාන්දු උඩ පැන කීවේ මේ චූදිතයන්ට ඉක්මනින් නඩු පවරා දඬුවම් ලබා දෙන බවය. එහෙම කී ඔහු දැන් ඉන්නේ මාංචු දමාගෙනය. එනිසා දේවල් සිද්ධවෙන පිළිවෙළ අනුව සරෝජනිලාට යුක්තිය ඉටුවේ යැයි සැක සහිතය.
