එළැඹෙන ජනාධිපතිවරණයේදී ශ‍්‍රී ලංකා පොදුජන පෙරමුණේ අපේක්ෂකයා ලෙස ගෝඨාභය රාජපක්ෂ ඉදිරිපත් කිරීමේ යෝජනාවට මේ වනවිට බැසිල් රාජපක්ෂගේ සහාය හිමිව ඇතැයි එම පක්ෂයෙන් එන ආරංචි මාර්ග අනුව දැනගන්නට ලැබේ.
එහි ප‍්‍රථම පියවර ලෙස එලබෙන මැයි දිනය ශ‍්‍රී ලංකා නිදහස් පක්ෂය සමග එකට එක්ව සැමරීම සඳහා පක්ෂ දෙකේම ඉහළ සමාජිකයින්ගෙන් සැදුම්ලත් සංවිධායක කමිටුවක් පත්කර ඇති අතර එහි ප‍්‍රධානියා ලෙස ගෝඨාභය රාජපක්ෂ බැසිල් රාජපක්ෂගේ පූර්ණ කැමැත්ත අනුව පත්කර ඇති බව දැනගන්නට ලැබේ.
මෙම කමිටුවේ පළමු රැුස්වීම පසුගිය 19 වැනි දින සවස විපක්ෂ නායක කාර්‍යාලයේ පවත්වා ඇති අතර එයට ගෝඨාභය රාජපක්ෂ, මහින්ද අමරවීර, මහින්දානන්ද අලූත්ගමගේ, ජෝන්ස්ටන් ප‍්‍රනාන්දු ඇතුළු පිරිසක් සහභාගිවී ඇත.
මේ අතර අනිද්දා සමග සම්මුඛ සාකච්ඡුාවකට එක්වෙමින් බැසිල් රාජපක්ෂ පැවසුවේ ජනාධිපතිවරණයේ අපේක්ෂකයා ලෙස මහින්ද රාජපක්ෂ විසින් තමන්ගේ නම යෝජනා නොකරනු ඇති බවත්, තමන්ගේ නම යෝජනා කළද එය ප‍්‍රතික්ෂේප කරන බවත් ය.
බැසිල් රාජපක්ෂගේ මෙම තීරණයට හේතු වී ඇත්තේ ඒකාබද්ධ විපක්ෂය තුළ ගෝඨාභය රාජපක්ෂ වෙනුවෙන් වැඩි පිරිසක් පෙනීසිටිම බව ඒකාබද්ධ විපක්ෂයේ ප‍්‍රබල මන්ත‍්‍රීවරයෙකු අනිද්දා සමඟ අදහස් දක්වමින් කීය.ඔහු වැඩිදුරටත් පැවසුවේ ගෝඨාභය රාජපක්ෂට අපේක්ෂකත්වය හිමි වෙන්නේ ඔහු ඇමෙරිකානු පුරවැසිභාවය ඉවත් කරගැනීමට සමත් වුණොත් පමණක් බවත්, තවමත් එය සිදුවී නැති බවත් ය.
ගෝඨාභය රාජපක්ෂ විසින් අමෙරිකානු පුරවැසිභාවය ඉවත්කර ගැනීමට උත්සාහ කළද බැසිල් රාජපක්ෂ විසින් සිය ඇමෙරිකානු පුරවැසිභාවය ඉවත් කරගැනීමටද උනන්දු වී නැතැයි බැසිල් රාජපක්ෂට සමීප ආරංචිමාර්ග වලින් වැඩිදුරටත් වාර්තා වෙයි. මෙලෙස තනතුරු සහෝදරයින් අතර බෙදාහදා ගනිමින් බැසිල් රාජපක්ෂ ඉදිරි පළාත්සභා මැතිවරණයේදී බස්නාහිර පළාත් මහඇමති අපේක්ෂකයා ලෙස ඉදිරිපත්වීම ගැනද සලකා බලා ඇතැයි ද දැනගන්නට ලැබේ.
කේ. සංජීව/ තරිඳු උඩුවරගෙදර
