ජනතා විමුක්ති පෙරමුණ විසින් පාර්ලිමේන්තුවට ඉදිරිපත් කර ඇති 20 වන ව්‍යවස්ථා සංශෝධන යෝජනාව පිළිබඳව ශ්රී ලංකා නිදහස් පක්ෂය සහ සුළුතර පක්ෂවල එකඟතාවක් නොමැති බවත්, එම තත්වය වෙනස් කරගැනීම සඳහා ජනතා විමුක්ති පෙරමුණ විධිමත් සාකච්ඡුා ආරම්භ කර ඇති බවත් වාර්තා වෙයි.
එක්සත් ජාතික පක්ෂය, ශ්රී ලංකා පොදුජන පෙරමුණ හා දෙමළ ජාතික සන්ධානය යන ප‍‍්‍රධාන දේශපාලන පක්ෂ තුන විධායක ජනාධිපති ක‍්‍රමය අහෝසි කිරීමට කැමැත්තක් දක්වන බව මෙතෙක් සිදුකළ අවිධිමත් සාකච්ඡුාවලදී පෙනීයන බව අනිද්දා සමඟ අදහස් දැක්වූ ජ.වි.පෙ. පාර්ලිමේන්තු මන්ත‍‍්‍රීවරයෙක් පැවසීය.
මෙම කාරණය පිළිබඳව අනිද්දා සමග නිර්නාමිකව අදහස් දැක්වූ ආණ්ඩුව නියෝජනය කරන දෙමළ පක්ෂ නායකයෙකු ප‍්‍රකාශ කළේ විධායක ජනාධිපති ක‍්‍රමය අහෝසි කිරීමට තම පක්ෂය එකඟ නොවන බවය. එම අදහස ශ්රී ලංකා මුස්ලිම් කොංග්රසය, දෙමළ ප‍්‍රගතිශීලී පෙරමුණ, ඊපීඞීපී ඇතුළු පක්ෂ කිහිපයක් එක්ව ව්‍යවස්ථා මෙහෙයුම් කමිටුවට ඉදිරිපත් කළ යෝජනාවලද සඳහන් වූ බව එම නායකයා කීය.
එසේ වුවත් ශ‍‍්‍රීලනිපය, ජාතික හෙළ උරුමය, ලංකා කම්කරු කොංග්රසය, ජාතික නිදහස් පෙරමුණ, පිවිතුරු හෙළ උරුමය වැනි ප‍‍්‍රමාණයෙන් සුළුතරයක් වන දේශපාලන පක්ෂ කිහිපයක්ද විධායක ජනාධිපති ක‍්‍රමය අහෝසි කිරීමට විරුද්ධව අදහස් පළකර ඇති බවද අනිද්දා සමඟ අදහස් දැක්වූ ජ.වි.පෙ. නියෝජිතයා කීය.
ජනාධිපතිවරණයකදී තම පක්ෂවල ඡුන්දවලට වැඩි අගයක් ලැබීම නිසා විධායක ජනාධිපති ක‍්‍ර‍්‍රමය එම පක්ෂවල නායකයන්ට වාසිදායක යැයි කල්පනා කිරීම නිසා එසේ විසිවැනි සංශෝධනයට එම කණ්ඩායම් විරුද්ධ වී ඇතැයි ජ.වි.පෙ. අදහස වී ඇත.
