මාධ්‍යවේදී ප‍්‍රගීත් එක්නැලිගොඩ පැහැරගෙන ගොස් අතුරුදන් කිරීමට අදාළ සිද්ධියට සුදේෂ් කුමාර උළුගෙදර නැමති එවක ගිරිතලේ හමුදා බුද්ධි කඳවුරට අනුයුක්තව සේවය කළ බුද්ධි නිළධාරියා අත්අඩංගුවට ගනු ලබන්නේ පසුගිය අගෝස්තු 09වැනිදා ය. ඊට පසුව 10 වැනිදා හෝමාගම අධිකරණයට ඉදිරිපත් කිරීමෙන් අනතුරුව ඔහු රක්ෂිත බන්ධනාගර ගතකරන්නේය. ඒ අපරාධ චෝදනා යටතේය. මෙම සිද්ධියත් සමග මේ හමුදා නිලධාරියාගේ බිරිඳ මහේෂිකා උළුගෙදර මහත්මිය පාර්ලිමේන්තු මන්ත‍්‍රී උදය ගම්මන්පිළගේ අත්වාරුවෙන් පැමිණ මාධ්‍ය හමුවක් තබන්නීය. එහිදී ඇය කියන්නේ රහස් පොලිස් නිලධාරීන් මාධ්‍ය සංදර්ශනයක් සඳහා තම පුරුෂයා අත්අඩංගුවට ගෙන ඇති බවය. ඉන් නොනැවතෙන ඇය පරීක්ෂණ කණ්ඩායම පිළිබඳව චෝදනා රැුසක් ද කරන්නීය. මහේෂිකා උළුගෙදර මහත්මිය පාර්ලිමේන්තු මන්ත‍්‍රීවරයෙකුගේ අනුග‍්‍රහයෙන් කරළියට පැමිණ මෙලෙස හඬා වැළපෙන විට අපට මතකයට නැගෙන්නේ මේ සිද්ධිය නිසාම සිය ජීවිතය එකම ඛේදයක් කරගනිමින් සිය සැමියාට සිද්ධවූවේ කුමක්දැයි දැනග ැනීමට නොතිත් අරගලයක සිටින සන්ධ්‍යා එක්නැලිගොඩ නම් ගැහැනිය පිළිබඳවය. සිය සැමියා පිළිබඳ සමාජයේ පවතින හඬ නොනසා තියාගැනීමට ඇය කරන අරගලය පිළිබඳව ය.
මෙයින් මහේෂිකා උළුගෙදර මහත්මියට සිය සැමියා වෙනුවෙන් වැළපෙන්නට සහ ඔහු නිදහස් කරගන්නට හඬ නඟන්නට තිබෙන අයිතිය මේ ලියුම්කරු ප‍්‍රශ්න කරන්නේ නැත. එහෙත් මේ වැළපුම් මගින් සමාජය මත වගාකරන්නට කැසකවන ව්‍යාජ දේශපේ‍්‍රමය සහ රණවිරු උමතුව විනාශකර දැමිය යුතුය. බොරුවෙන් ඇත්ත වසා දමන්නට ඉඩ නොදිය යුතුය. මහේෂිකාට මෙන්ම සන්ධ්‍යාටද කියන්නට කතාවක් ඇත. සන්ධ්‍යා සිය කතාව දුෂ්කර තත්ත්වයන් යටතේ 2010 අවුරුද්දේ සිට කියූවත් නෑසූ කන් ඇතිව සිටි බීරි අලි මෙන් මිනිස්සු මහේෂිකාගේ 2018 කතාවට අවදිවීම ප‍්‍රශ්නයක් ය. ඒ උනත් අපි ඒ පිළිබඳව කතාකළ යුතු වෙමු.
මහේෂිකාගේ කතාව
‘මගේ මහත්තයා 2009 ට කලින් නැගෙනහිර ප‍්‍රදේශයේ තමයි වැඩකළේ. 2009 ඉඳලා ගිරිතලේ බුද්ධි කඳවුරේ රාජකාරි කළා. ඒ වැඩ කරනකොට ගොඩාක් වෙලාවට කලේ බුද්ධි වාර්තා අරං කොළඹ එන එක. ඒක ඒ කාලේ ලොකු අභියෝගයක්‘
මහේෂිකා තම සැමියා පිළිබඳ කතාව ගෙත්තම් කරන්නේ එසේය. ඉන්පසුව ඇය කියන්නේ පසුගිය කාලයේ අවස්ථා තුනකදී එක්නැළිගොඩ අතුරුදන් කිරීමේ සිද්ධිය පිළිබඳව පොලිසිය තම සැමියාගෙන් අවස්ථා තුනකදී ප‍්‍රකාශ සටහන් කරගත් බවය. ඒ සෑම අවස්ථාවකදීම එක්නැළිගෙ ාඩ පසුපස ගිය බව පිළිගන්නට පොලීසිය තම සැමියාට බලකර ඇති බවය.
‘අවස්ථා දෙකකදී පොලීසිය අපේ මහත්තයා අරගෙන ගෙදර ආවා. ඒ හැම අවස්ථාවකදීම පොලිසිය මටත් තර්ජනය කළා. කර්නල් සිරිවර්ධනයි කර්නල් කුමාරරත්නයි මේකට සාක්ෂි දෙන්න එපා කියලා මට තර්ජනය කලා කියලා කියන්න පිළිගන්න කිව්වා’
ඇය කියන ලෙස පොලිසිය තමන්ට උවමනා දේ මේ සැමියා සහ බිරිඳගෙන් කියවා ගන්නට ලොකු උත්සායක් ගෙන ඇත. ඒ අනුව ඔවුන් මානව හිමිකම් කොමිසමට ගොස් පැමිණිලි කළ බවද ඇය කියන්නීය. එහෙත් එම මානව හිමිකම් පැමිණිල්ලට අවසානයේ කුමක් වූවේදැයි කියන්නේ නැත. මේ ලියුම්කරු ඒ පිළිබඳව තත්ත්වය කීමට ප‍්‍රථම උළුගෙදර මහත්මිය කියන මේ කතාව පිළිබඳ සත්‍ය තත්ත්වය සොයා ගත යුතුය.
‘ඉස්සෙල්ලාම කටඋත්තර දෙන්න මහත්තයා පොලීසියට ගියාට පස්සේ ? 12 වෙනකම් ගෙදර ආවේ නෑ. මම බලාගෙන හිටියා. මට නින්ද යන්න ඇති. ඊට පස්සෙ මගේ දුරකථනය නාද වුණා. ඊට පස්සෙ කතාකරපු කෙනා කිව්වා අපි ආවා දොර අරින්න කියලා. මට එච්චර කල්පනාවක් තිබුණේ නෑ.. ?ට අඳින දුහුල් ඇඳුම පිටින්ම එළියට ගිහිං දොර ඇරියා… පස්සේ එස්අයි පේ‍්‍රමතිලකයි සාජන් උඩවත්තයි තවත් කට්ටියකුයි ගේ අස්සට ආවා. මට සාලයෙන් ඉඳගන්න කිව්වා. මම කිව්වා ඇඳුමක් දාගෙන එන්නම් කියලා. එයාලා ඒකට ඉඩ දුන්නේ නෑ.. බලෙන්ම වාඩි කරගත්තා. මම අර පිරිස ඉස්සරහා අර දුහුල් ඇඳුමින්ම වාඩිවුණා. එයාලා ඇහුවෙම කර්නල් සිරිවර්ධනයි කර්නල් කුමාරරත්නයි අඳුරනවා නේද කියලා. මම නෑ කියලා කිව්වා. මහත්තයාගේ පෝන් එක ගැන ඇහුවා. ඒ මහත්වරු මට කතාකරලා තර්ජනය කළා කියලා පිළිගන්න කිව්වා. මම බෑම කිව්වා. පැයකට විතර පස්සෙ මහත්තයා ගේ ඇතුළට ගෙනල්ලා සාජන් උඩවත්ත මට අත්සන් කරලා දෙන්න කියලා ප‍්‍රකාශයක් ලියලා දුන්නා. මම කිව්වා මට කියවන්න ඕනෑ කියලා. ඒකට ඉඩ දුන්නේ නෑ.. මම හොඳටම බයවෙලා හිටියේ. අත්සන් කළා. මම තවම දන්නේ නෑ ඒකේ මොනාද තිබුණේ කියලා.’ මෙලෙස ඇය සිදුවුණායැයි කියන සිදුවීම්, පෙළට කියාගෙන යන්නීය. ඒ කොළයක් බලාගෙනය. නීතිවේදී මහතුන් හෝ ගම්මන්පිළ ලියාදුන් හෝ ලියවිල්ලක් මෙලෙස ඇය කියෙව්වේදැයි අප දන්නේ නැත. මේ ප‍්‍රශ්න කිරීම සහ බැන තර්ජනය කිරීම් ගැන පොලිස් පරීක්ෂකයන්ගේ පැත්තෙන් කියන කතාව කුමක්ද?
ඔවුන් මුලින්ම කියන්නේ මේ පරීක්ෂණයේ වැදගත් සාක්ෂිකරුවෙකු වූ (මුල් අවස්ථාවේ) උළුගෙදර මහතාට තර්ජනය කරන්නට හෝ ඔහුගේ පවුලේ බිරිඳට කරදර කරන්නට හෝ කිසිදු අවශ්‍යතාවක් පොලීසියට තිබුණේ නැති බවය. පරීක්ෂණයට අවශ්‍ය වැදගත් සාක්ෂිකරුවෙකු ආරක්ෂා කරගන්නවා විනා ඔහුට මෙලෙස අඩත්තේට්ටම් කළායැයි කීම මේ නිසා සැකයට භාජනය වීම වළක්වන්නට බැරිය. උළුගෙදර මහත්මිය රාත‍්‍රී කාලයේ දුහුල් ඇඳුමක් පිටින්ම සාලයේ හිඳුවා ප‍්‍රශ්න කළා යැයි කියන සිදුවීමද පොලීසිය පිළිගන්නේ නැත. එහෙත් ඔවුහු උළුගෙදර මහතා ගෙදරට ඇරලූ බවටත්, ඔහු ගෙදරට ගෙනැවිත් බාරදුන් බවට උළුගෙදර මහතාගේ බිරිඳගෙන් ප‍්‍රකාශයක් අත්සන් කරගත් බවටත් පිළිගනිති.
ප‍්‍රශ්න කිරීමට හමුදා කඳවුරුවලට ගිය පුද්ගලයන් අතුරුදන් වූ ඝාතනය වූ පසුගිය මහින්ද රාජපක්ෂ යුගය හා සසඳන විට ප‍්‍රශ්න කර පසුව අදාළ පුද්ගලයා ගෙදරටම ගෙනවිත් දී ගෙනත් දුන්නා යැයි ප‍්‍රකාශයක්ද සටහන් කරගැනීම කෙතරම් හොඳ දැයි සිතා බැලිය යුතුය. සන්ධ්‍යා එක්නැළිගොඩ මහත්මිය මෙන් තවමත් තම සැමියා පුතා සොහොයුරා ගෙදර ඒවිදැයි මඟ බලන මිනිසුන් ගැහැනුන්ගෙන් මේ ආරක්ෂිතව ගෙදර ඇරලීම පිළිබඳ ඇසිය යුතුය. උළුගෙදර මහත්මියගේ සම්පූර්ණ කතාවෙන් ඇය කියන්නේ තම සැමියා අත්අඩංගුවට ගත්තේ පොලීසිය කියූ දේවල් පිළිගත්තේ නැති නිසා බවය. මේ පරික්ෂණයේ පළමු සහ දෙවන සැකකරුවන් තර්ජනය කළ බවට තමා සහ තම සැමියා පිළිනොගත්ත නිසා පොලීසිය තමාගේ සැමියා මාධ්‍ය සංදර්ශනයක් සඳහා මේ අත්අඩංගුවට ගැනීම සිදුකළ බවය. ඇත්තටම මේ අත්අඩංගුව පිටුපස තිබෙන කතාව කුමක්ද?
උළුගෙදරගේ ඇත්ත කතාව
එක්නැළිගොඩ පළමුවර පැහැර ගත් 2009/08/27 දින සහ දෙවෙන වර පැහැරගෙන ගොස් අතුරුදන් කළ 2010/01/24 යන දින දෙකටම අදාළ කාලයේ ගිරිතලේ කඳවුරේ රාජකාරි කළ බුද්ධි නිලධාරියෙක් ය. ඔහු තවත් බුද්ධි නිලධාරියෙකු සමග 2009/08/27 වැනි දින එක්නැළිගොඩ පසුපස වැටී ඔහුගේම බසයේ කොළඹ යන්නේ ගිරිතලේ කඳවුරේ ඉහළ නිලධාරියෙකුගෙන් ලැබුණු නියෝගයක් අනුවය. එහිදී මේ දෙදෙනාට පැවරී තිබෙන රාජකාරිය වන්නේ කොළඹදී හමුවෙන බුද්ධි කණ්ඩායමට එක්නැළිගොඩ පෙන්නීමය. ඒ අනුව මෙම නිලධාරීන් දෙදෙනා ඒ කාරිය නියම ලෙසටම කර ඇත. ඔවුන්ගේ මෙම ගමන් විස්තර දුරකථන දත්ත මගින්ද තහවුරු වී ඇත. ඒ අනුව ටි‍්‍රපෝලි සහ මට්ටක්කුලිය යන බුද්ධි කඳවුරුවලින් පැමිණි බුද්ධි කණ්ඩායමකට එක්නැළිගොඩ පෙන්වා ඇති මේ දෙදෙනා නැවත තම රාජකාරිය අවසන් කර පසුදා පහන් වනවිට ගිරිතලේ බුද්ධි කඳවුරට ගොස් ඇත. දුරකථන දත්තයන්ද එය තහවුරු කර ඇත. ඒ අනුව ප‍්‍රථම වරට එක්නැළිගෙ ාඩ පැහැර ගන්නා ඉහත කඳවුරු දෙකේ නිලධාරීන් ඔහු මරදානේ ටි‍්‍රපෝලි කඳවුරට ගෙනගොස් ප‍්‍රශ්න කර ඇත. ඉන්පසුව ඔහු රැුගෙන ගොස් කඩුවෙල ප‍්‍රදේශයේදී අතහැර දමා ගොස් ඇත. මේ තොරතුරුද ප‍්‍රශ්නගත දුරකථන අංක ඔස්සේ තහවුරු වී ඇතත් බුද්ධි අංශ සතුව පැවති මේ දුරකථන අංක භාවිත කළේ කවුරුන්දැයි යුද්ධ හමුදාව පවසන්නේ නැති තත්ත්වය තුළ ඔවුන් අත්අඩංගුවට ගැනීම අසීරු වී ඇත.
මෙලෙස එක්නැළිගොඩ ප‍්‍රථම වරට පැහැර ගැනීම සඳහා පෙන්වන්නට කොළඹ ගිය උළුගෙදර ඒ පිළිබඳව මුලින්ම පොලීසියට පවසා ඇත්තේ බොරු තොරතුරුය. පසුව ඔහුම එය පිළිගෙන ඇත්ත තොරතුරු පවසා ඇත. ඔහු මෙම සිද්ධියේ සාක්ෂිකරුවෙකු වන්නේ එලෙසින්‍ ය. එහෙත් ඒ වනවිටත් ඔහු මෙම සිධියේ පළමු සහ දෙවන සැකකරුවන් වන කර්නල් ෂම්මි කුමාරරත්න සහ කර්නල් ප‍්‍රබෝධ සිරිවර්ධන යන අය සමග දිගටම සම්බන්ධතා පවත්වා ඇත. දුරකථන දත්ත මගින් එය තහවුරු වී ඇත. ඒ අනුව රහස් පොලිසිය තම සාක්ෂිකරුවාට ඉහත සැකකරුවන් විසින් දුරකථනය ඔස්සේ බලපෑම් කරන බවද ඒ නිසා සැකකරුවන්ගේ ඇප අවලංගු කර ඔවුන් නැවත බන්ධනාගාරය වෙත යවන්න යැයිද උසාවියෙන් ඉල්ලා ඇත. ඒ 2017/02/14 දිනයේදීය. ඒ අනුව හෝමාගම මහේස්ත‍්‍රාත්වරයා මෙම නඩුවේ ඇප අහෝසි කිරීම පිළිබඳව සලකා බලන්නට 22වැනි දින දක්වා නඩුව කල් දමා ඇත. තමන්ගේ ඇප අහෝසි වේයැයි කලබල වෙන ඉහත සැකකරුවන්ගේ බලපෑම මත උළුගෙදර මහතා සහ එම මහතාගේ බිරිඳ මානව හිමිකම් කොමිසමට යන්නේ පෙබරවාරි 15වැනි දාය. මෙම උපක‍්‍රමය නිසා ඉහත සැකකරුවන්ගේ ඇප අහෝසිවීම වැළකී යන්නේය. ඉන්පසුව මේ සාක්ෂිකරු උළුගෙදර කියන්නේ තමන් මුලින් කී දේවල් නිවැරදි නැති බවය. ඒවා පොලිසිය විසින් තර්ජනය කර ලබාගත් බොරු සාක්ෂි බවය. ඔවුන් මානව හිමිකම් කොමිසමටද මේ දේවල් පැමිණිලි කර ඇත. මේ තත්ත්වය තුළ සාක්ෂිකරු සැකකරුවෙකු වෙන අතර ඔහුගේ මෙම සිද්ධියට තිබෙන සම්බන්ධයද පොලිසිය හොඳින්ම තහවුරු කරගෙන ඇත.
මේ අතරතුර කාලයේ 2018 මැයි මාසයේදී මානව හිමිකම් කොමිසම ලිපියක් එවමින් අපරාධ පරීක්ෂණ දෙපාර්තමේන්තුවට ප‍්‍රකාශ කර ඇත්තේ පැමිණිලිකරුවන් මෙම මානව හිමිකම් පරීක්ෂණය ඉදිරියට ගෙනයෑමට උනන්දුවක් නැති බැවින් එම පරීක්ෂණ අතහැර දමන බවය. එම අලූ‍ත් තත්ත්වය සමග 2018 අගෝස්තු 9 වැනි දින උළුගෙදර මහතා රහස් පොලිසියට කැඳවන අතර එහිදී ඔහු පවසා ඇත්තේ ඔහුට මේ පිළිබඳව කිසි දෙයක් මතක නැති බවය. තමන් මීට ප‍්‍රථම පැවසූ දේවල් පිළිනොගන්නා බවය. ඒ අනුව අගෝස්තු 9 වැනි දින ඔහු අත්අඩංගුවට ගන්නා අතර 10වැනි දිනයේදී අධිකරණයට ඉදිරිපත් කර රක්ෂිත බන්ධනාගාර ගතකර ඇත.
මේ කතාව මෙසේ වනවිට අතුරු කතාවන් ලෙස වාර්තා වෙන්නේ මේ බුද්ධි නිලධාරියා මෙම සිද්ධියේ පළමු සහ දෙවන සැකකරුවන් බන්ධනාගාර ගතවී සිටින කාලයේ ගිරිතලෙන් කොහුවල බුද්ධි කඳවුරට අනුයුක්තව ඉහත සැකකරුවන්ට ආහාර රැුගෙන දිනපතා බන්ධනාගාරයට ගොස් ඇති බවය. ඊට අමතරව පළමු සැකකරුගේ නිවසේ මෙහෙවර කර ඇති බවය. ඒ අනුව මේ උළුගෙදර මහතාගේ සහ මෙම සිද්ධියේ පළමු සහ දෙවන සැකකරුවන් අතර සම්බන්ධය පිළිබඳව සිතා ගන්නට අමාරු නැත.
මහේෂිකා උළුගෙදර මහත්මිය තමන්ගේ කතාවේ දී කියන්නේ තමන් තම සැමියා හමුදා යුනිපෝමය ඇඳ සිටින අයුරු, පොලිස් නිලධාරීන් විසින් සැමියාව හමුදා යුනිපෝමයෙන් ගෙදර ගෙනඑන තුරු දැක නොතිබුණු බවය. ඒ අනුව අපට සිතාගන්නට පුළුවන් වන්නේ පොලීසිය සොයාගෙන තිබෙන මේ තොරතුරු ඒ මහත්මිය නොදැන සිටින්නට ඇති බවය. තමන්ගේ සැමියා මෙවැනි තත්ත්වයකට පත්වූ විට ඕනෑම බිරිඳකට සහ ඔවුන්ගේ දරුවන්ට විඳින්නට වෙන ගැහැට ගැන අපට එතුමියගෙන් ඉගෙනගැනීමට අවැසි නැත. ඒ අපි සන්ධයා එක්නැළිගෙ ාඩ වැනි කාන්තාවන් සහ ඒ දරුවන් තුළින් දැක ඇති බැවින් ය.
ඒ නිසා අවසන කියන්නට ඇත්තේ නීතියට අවනතවී කටයුතු කරන්නයැයි කියාය. ගම්මන්පිළ වැනි පුද්ගලයන්ගේ බහට රැුවටී සමාජය නොමග නොයවන්න කියාය.
