සේනාධිනායක ජනාධිපති මෛත්රීපාල සිරිසේන යෝෂිත රාජපක්ෂව නැවත ශ්රී ලංකා නාවික හමුදා සේවයේ පිහිටවනු ලැබූයේ ඔහුට එරෙහිව ඇති නඩුවලින් මෙන්ම පරීක්ෂණවලින්ද ඔහු නිදොස් වී නොමැති පසුබිමකය. ඉන්පසුව විවාහ දිවියට තෑග්ගක් වශයෙන්දෝ යෝෂිත රාජපක්ෂට උසස්වීමක්ද පිරිනමා ඇත.
පුද්ගල ඝාතන, පැහැරගෙනයෑම් සහ අතුරුදන් කිරීම් සම්බන්ධයෙන් වූ ශ්රී ලංකා යුධ හමුදාවේ හා ශ්රී ලංකා නාවික හමුදාවේ චූදිතයන්ට උසස්වීම් ලබාදීමේ ඉතිහාසයක් ඇති ජනාධිපතිවරයාට ඉහත තීරණය මහා කජ්ජක් නොවූවාට සැක නැත.
කොහොමත් ජනාධිපති මෛත්රීපාල සිරිසේන අපට අදහාගන්නට බැරි තීන්දු තීරණ ගැනීමට රුසියාය. පසුගිය වසරේ ඔක්තෝබර් මාසයේ ඔහු ක්රියාත්මක කළ කුමන්ත්රණයෙන් පසු සිකුරාදා දින ගැන මිනිසුන් අවධානය යොමු කරන්නට විය. ඒ ඔහු සිකුරාදා දිනයේදී අදහන්නට බැරි දේවල් සිදුකරමින් සිටි නිසාය.
යෝෂිත රාජපක්ෂව නැවත නාවික හමුදා සේවයේ පිහිටුවන්නේ 2016 පෙබරවාරි 28 දින සිට ක්රියාත්මක වන පරිදිය. ඒ එදින ඔහුගේ නාවික හමුදා සේවය අත්හිටවූ දිනය වූ නිසාය.
අප පසුගිය සතියේදී වාර්තාකළ ආකාරයටම යෝෂිත රාජපක්ෂට එරෙහි චෝදනා පිළිබඳව සොයාබලන්නට මූලික නාවික හමුදා පරීක්ෂණ මණ්ඩලයක් පත්කර තිබුණේ ඔහුව නාවික හමුදාවෙන් තහනමට ලක් කිරීමට පෙරය.
එම නාවික හමුදා පරීක්ෂණ මණ්ඩලය පත්කිරීමට හේතුවී තිබුණේ එවක බස්නාහිර පළාත් සභා මංත්රීවරයෙකු වශයෙන් කටයුතු කරමින් සිටි වත්මන් පාර්ලිමේන්තු මන්ත්රී වෛද්ය නලින්ද ජයතිස්ස කර තිබූ පැමිණිල්ලක් පරීක්ෂා කිරීමටය.
නලින්ද ජයතිස්ස මන්ත්රීවරයා ඔහුගේ පැමිණිල්ල ආරක්ෂක අමාත්යාංශයට යොමුකර තිබූ අතර ආරක්ෂක අමාත්යාංශය එය නාවික හමුදාපතිවරයට යොමුකර තිබුණි.
ඒ අනුව පත්කරන ලද නාවික හමුදා මූලික පරීක්ෂණ මණ්ඩලය රියර් අද්මිරාල් ඞී.එම්.බී. වෑත්තෑව ( සභාපති *, කමාන්ඩර් යූ.එස්.ආර්. පෙරේරා ( සාමාජික * හා කමාන්ඩර් එම්.එම්.වී.බී. මැද්දේගොඩ ( සාමාජික * යන අයගෙන් සමන්විත විය.
එම මූලික පරීක්ෂණ මණ්ඩලය ඔවුන්ගේ වාර්තාව රහසිගත වාර්තාවක් වශයෙන් 2015 පෙබරවාරි 23 දින සහිතව එවක නාවික හමුදාපති ජයන්ත පෙරේරාට යොමුකර ඇත.
මෙම මූලික පරීක්ෂණ මණ්ඩලය 2015 පෙබරවාරි 23 සිට 28 දක්වා නාවික හමුදා මූලස්ථානයේදී රැුස්වී ඇත. ඔවුන් එහිදී යෝෂිත රාජපක්ෂගෙන් මෙන්ම එවක ත්රිකුණාමලය නාවික හමුදා කැඩෙට් පුහුණු ආයතනයේ අණදෙන නිලධාරියාව සිටි එදා නාවික හමුදාවේ මාණ්ඩලික ප්රධානී ලෙස කටයුතු කළ රියර් අද්මිරාල් රවීන්ද්ර විජේගුණරත්නගෙන්, එම නාවික පුහුණු මධ්යස්ථානයේ අධ්යක්ෂ ජෙනරාල් වශයෙන් සිටි රියර් අද්මිරාල් එම්.යූ.කේ.වී. බණ්ඩාරගෙන්, බඳවාගැනීම් පිළිබඳ ප්රධාන මාණ්ඩලික නිලධාරී වශයෙන් කටයුතු කළ කපිතාන් ඊ.ආර්. පේ්රමරත්නගෙන් ප්රකාශ ලබාගෙන ඇත.
එම මූලික පරීක්ෂණයේදී පරීක්ෂණ මණ්ඩලය ඉදිරිපත් වූ ලිඛිත සාක්ෂි මත හා ලබාගත් ප්රකාශ මත පමණක් සිය වාර්තාව ඉදිරිපත් කරන බව සඳහන් කර ඇත.
ඒ අනුව 2006 දෙසැම්බර් 14 දින එන්.ආර්.එක්ස්. 2431 යටතේ නාවික හමුදාවට බැඳී ඇති යෝෂිත රාජපක්ෂට එරෙහිව චෝදනා කිහිපයක් නැගී ඇත. එකක් වන්නේ ඔහුව නාවික හමුදාවට ඇතුලත් කරගත් අධ්යාපන සුදුසුකම්ය. අනෙක වන්නේ නාවික හමුදාව තුළ ඔහුට ලැබුණ විදේශ පුහුණු පාඨමාලාය. එමෙන්ම ඔහුගේ දේශපාලන ක්රියාකාරීත්වයන්ය.
නාවික හමුදාවට ඇතුල්වීමේ පටිපාටිය
නාවික හමුදාවට ඇතුලත්වීම සඳහා ක්රමවේද කිහිපයක් තිබෙන බව පරීක්ෂණ මණ්ඩලය සඳහන් කරයි. අධිකාරීලත් නිලධාරීන්ට තිබෙන්නේ ස්වෙච්ඡුා නාවික හමුදාවට ඇතුලත්විය හැකි අතර ඒ සඳහා උපාධි සුදුසුකමක් තිබිය යුතුය. වෛද්ය, ඉංජිනේරු, වාණිජ, තොරතුරු තාක්ෂණය, නීති ආදී ක්ෂේත්රවල වෘත්තිකයන්ව ඒ යටතේ බඳවාගනු ලැබේ. මේ අයට ලූතිනන්, උප ලූතිනන් හා වැඩබලන උප ලූතිනන් යන තනතුරුවලින් සිය නාවික හමුදා ජීවිතය ආරම්භ කළ හැකිය.
කැඩෙට් නිලධාරීන් වශයෙන් බඳවාගන්නා පිරිස කොතලාවල ආරක්ෂක විශ්වව විද්යාලයේ පාඨමාලාවක් මගින් බඳවාගන්නා අතර පාඨමාලාවේ දක්ෂතා අනුව ඔවුන්ව විධායක, ඉංජිනේරු සැපයුම් හා නීති යන අංශවලට බඳවාගනු ලැබේ. කොතලාවල ආරක්ෂක විශ්වව විද්යාලයට ඇතුලත් විය හැක්කේද විශ්වවිද්යාලවලට ඇතුලත් වීමේ අවම සුදුසුකම් යටතේය.
මීට අමතරව කැඩෙට් නිලධාරීන් වශයෙන් නාවික හමුදාවට එක්වීමට තවත් ක්රම දෙකක් ඇති අතර ඒ නාවික හමුදා පුහුණු ඇකඩමියට ඇතුලත්වීම සඳහාය. එකක් කැළණිය විශ්වවිද්යාලය මගින් පිරිනමන උපාධියක් මගින්ය. අනෙක පොදු ක්රමය යටතේය. යෝෂිත රාජපක්ෂ ඇතුලත් වී ඇත්තේ ඒ යටතේය.
යෝෂිතගේ අධ්යාපන සුදුසුකම්
ඒ අනුව පළමු කරුණ ලෙස යෝෂිත රාජපක්ෂගේ අධ්යාපන සුදුසුකම් පරීක්ෂණ මණ්ඩලය නිරීක්ෂණය කර ඇත.
යෝෂිත රාජපක්ෂ නාවික හමුදාවට ඇතුලත් වූ පාඨමාලා අංක 45 සඳහා ඉරිදා පුවත්පත්වල දැන්වීම් පළකර ඇත්තේ 2006 ඔක්තෝබර් මාසයේදීය. එහි දක්වා ඇත්තේ නාවික හමුදාවේ විධායක අංශයට කැඩෙට් නිලධාරීන් බඳවා ගැනීම පිළිබඳවය. විද්යා, වාණිජ හා කලා විෂය ධාරා යටතේ අපොස උසස්පෙළ සාමාර්ථ දෙකක් ඒ සඳහා සුදුසුකම් වශයෙන් ඉල්ලා ඇත. ඒ අපොස සාපෙළ ගණිතය, විද්යාව, ඉංග්රීසි, සිංහල හෝ දෙමළ යන විෂයන් සම්මාන සාමාර්ථ 6ක් සමඟින් සමත් විය යුතු බව සඳහන් කරමින්ය.
නාවික හමුදාවේ විධායක අංශය සඳහා කැඬේට් නිලධාරීන් බඳවා ගැනීම සඳහා එතෙක් පැවති සුදුසුකම වී ඇත්තේ අපොස උසස්පෙළ විද්යා, ගණිත විෂය ධාරාවන්ගේ සුදුසුකම්ය. එයට වාණිජ හා කලා විෂය ධාරාවන් එකතු කිරීම මුල්වරට සිදුවී ඇත්තේ එම කණ්ඩායම බඳවා ගැනීමේදීය. එය පැහැදිලිවම බඳවාගැනීම සඳහා එතෙක් අනුගමනය කළ පටිපාටියේ අපගමනයක් බව පරීක්ෂණ මණ්ඩලය අවධාරණය කරයි.
යෝෂිත රාජපක්ෂ කලා විෂය ධාරාවෙන් උසස්පෙළ හැදෑරුවෙකි. ඔහුට ඇත්තේ උසස්පෙළ සාමාන්ය සාමාර්ථ දෙකක් පමණය. පරීක්ෂණ මණ්ඩලය යෝෂිත රාජපක්ෂගේ පෞද්ගලික ලිපිගොනුව පරීක්ෂා කර ඇත. ඔහුට අපොස සාපෙල විභාගයේ සිංහල සඳහා සම්මාන සාමාර්ථයක් ඔහු සුදුසුකම් ඉදිරිපත් කරන 2003 වසරට අදාලව තිබී නැත. ඔහුට බී සාමාර්ථයක් ලැබී ඇත්තේ 2004 වසරේ විභාගයේදීය. ඒ බවත් සඳහන් වී ඇත්තේ ඔහුගේ අයදුම්පත්රයේ පමණය. ඔහුගේ අපොස සාමාන්ය පෙළ හා අපොස උසස්පෙළ විභාගවලට අදාල මුල් සහතික හෝ ඡුායා පිටපත් ඔහුගේ ලිපිගොනුවේ තිබී නැත. එමෙන්ම පරීක්ෂණ මණ්ඩලය එම මුල් සහතික හෝ ඡුායා පිටපත් ඉදිරිපත් කරන ලෙස යෝෂිත රාජපක්ෂට කරන ලද ඉල්ලීමේදීද ඔහු කියා ඇත්තේ එම මුල් සහතික ශ්රී ලංකා නාවික හමුදාවට භාරදුන් බවත් ඒවායේ ඡුායා පිටපතක් හෝ තමා සතුව නොමැති බවත්ය. මෙසේ ඉල්ලූ මූලික අධ්යාපන සුදුසුකමවත් නොමැතිව ඔහුව නාවික හමුදාවට ඇතුලත් කරගැනීමට තීරණය කිරීමම ප්රශ්නකාරීය.
ඒ සඳහා සම්මුඛ පරීක්ෂණ මණ්ඩලයේ පෙළඹීමක් තිබුණේද? ජනාධිපතිවරයාගේ පුතා වීමත්, සම්මුඛ පරීක්ෂණ මණ්ඩලයේ අවසන් තේරීම් සඳහා ආරක්ෂක අමාත්යාංශයේ සාමාජිකයෙකු සහභාගීවීමත් නිසා ඔහුගේ අධ්යාපන සුදුසුකම් කතකාබහට ලක් නොවන්නට හෝ නොසලකා හරින්නට ඇතිය යන්නත් බැහැර කළ නොහැක්කකි.
යෝෂිත රාජපක්ෂගෙන් පසු මේ පරීක්ෂණය සිදුකරන තෙක් පසුකාලයේ කලා විෂය ධාරාවෙන් නාවික හමුදාවේ විධායක අංශයට තෝරාගෙන ඇත්තේ එක් කැඩෙට් නිලධාරියෙකු පමණය. ඒ 46 වැනි පාඨමාලාව යටතේ 2008 වර්ෂයේදීය. ඒද උපාධි සුදුසුකම මත විශ්වවිද්යාල පදනම යටත්ය. එහිද පළමු දැන්වීමෙහි ඒ සඳහා සුදුසුකම් වශයෙන් සඳහන්ව ඇත්තේ භෞතික විද්යා හා ජීව විද්යා අංශයන් ඒ සඳහා සුදුසුකම් බවය. පසුව එම පුවත්පත් දැන්වීම වෙනස් කරමින් ඒ සඳහා කලා විෂය ධාරාවද ඇතුලත් කර ඇත. එහිදී විශ්වවිද්යාල අංශයෙන් අයදුම්කරුවන් 11 දෙනෙකු ඉල්ලූම් කර ඇත. ඔවුන්ගෙන් බහුතරය ඇතුලත් කරගෙන ඇත්තේ විධායක නොවන අංශවලටය. විධායක අංශයට උපාධිධාරියෙක් නොවන අපොස උසස්පෙළ කලා විෂය ධාරාව හැදෑරුවකු පමණක් වන යෝෂිත රාජපක්ෂව ඇතුලත් කිරීම මානුෂික මෙහෙයුමක්දැයි මෙහිදී ප්රශ්නයක් පැනනගී.
යෝෂිතට වෙනම ආරක්ෂකයන්
ත්රිකුණාමල නාවික පුහුණු ඇකඩමියේ පුහුණු වන කාලයේදී යෝෂිත රාජපක්ෂගේ ආරක්ෂාව සඳහා ජ්යෙෂ්ඨ නාවික නිළධාරීන් තුන්දෙනෙකු යොදවා තිබී ඇත. ඊට අමතරව ජනාධිපති ආරක්ෂක අංශයේ සාමාජිකයන්ද ඔහුගේ ආරක්ෂාවට පුහුණු කලාපයේ ස්ථානගතව සිට ඇත.
යෝෂිතගේ විදේශ පුහුණු
යෝෂිත රාජපක්ෂ ඔහුගේ පළමු විදේශ පුහුණු පාඨමාලාව සඳහා ගොස් ඇත්තේ බි්රතාන්යයේ ඩාත්මවුන්ට්හි බි්රටානියා රෝයල් නාවල් කොලේජ් වෙතය. ඒ කැඬේට් පුහුණුව සඳහාය. එම පාඨමාලාවේ නම රෝයල් නාවල් යන්ග් ඔෆිසර්ස් කෝස්ය. ඔහු එහි ගියේ 2007 ජනවාරි 07 දිනදීය. ඔහු නාවික හමුදාවට ඇතුලත්වී මාසයකත් අඩු කාලයකදීය. ඒද බි්රතාන්ය රජයෙන් ලබාදුන් ශිෂ්යත්වයක් මත නොවේ. එයට ශ්රී ලංකා රජය මුදල් ගෙවා තිබේ. ඒ සඳහා නාවික හමුදාව ගත් තීරණයේ කිසිදු ලියවිල්ලක් පරීක්ෂණ කණ්ඩායමට සොයාගැනීමට හැකිවී නැත
.
එමෙන්ම එම පාඨමාලාව නියමිත කාලයේදී ඔහු අවසන් කර නැත. එම නියමිත කාලය යෙදී තිබී ඇත්තේ 2007 දෙසැම්බර් 07 වැනිදා දක්වාය. එහිම අමතර පාඨමාලා දෙකක් සඳහා 2008 වර්ෂයේ ඇතුලත්වී ඇත. ඒද ශ්රී ලංකා රජයෙන් මුදල් ගෙවමින්ය. ඒ 2008 ජනවාරි 07 සිට 2008 මැයි 15 දක්වාය.
ඉන්පසු උප ලූතිනන් පාඨමාලාවක් සඳහා ඔහු හැම්ෂයර් කොලින්වුඞ්හි මැරිටයිම් වෝෆාරි ස්කූල් වෙත ඇතුලත් වී ඇත. ඒ 2008 මැයි 15 සිට ඔක්තෝබර් 10 දක්වා පාඨමාලාවකටය. ඒ සඳහා මුදල් ශ්රී ලංකා රජය ගෙවා ඇත. මේ පාඨමාලා තුනම යෝෂිත රාජපක්ෂට අදාල ඒවා නොවන අතර ඒ සඳහා අනුමැතිය ලබාදී ඇත්තේ ආරක්ෂක අමාත්යාංශයය.
ඔහු ශ්රී ලංකාවට පැමිණීමෙන් පසු මිඞ්ෂිප්මන් විභාගය සඳහා 2009 ජනවාරි 26 සිට 30 දක්වා සයුර නැවට ඔහුව අනුයුක්ත කර ඇත. එය සිදුකර ඇත්තේ පාඨමාලාව අවසන්ව විසිරයෑමේදී ඔහුට උප ලූතිනන් තනතුර ලබාගැනීම සඳහාය.
ඒ අනුව යෝෂිත රාජපක්ෂ අයත් 45 වැනි පාඨමාලා කණ්ඩායම 2009 මාර්තු 07 දින විසිර ගොස් ඇත. එම විසිරයෑමේ උත්සවයේදී පාඨමාලාවට ඇතුලත්වූ කාලයේ සිට පාඨමාලාව අවසන් වන කාලය දක්වාම විදේශගතව සිටි යෝෂිත රාජපක්ෂට එම පාඨමාලා කණ්ඩායමේ ‘බෙස්ට් මිඞ්ෂිප්මන්‘ සම්මානයට හිමි ගෞරවණීය අසිපත පිරිනමා ඇත. එහෙත් එම සම්මාන තීරණයට අදාල කිසිදු වාර්තාවක් හමු නොවූ බව පරීක්ෂණ කණ්ඩායම සඳහන් කරයි.
මෙහිදී නාවික හමුදාවේ දෙවැනියා මෙන්ම පුහුණු ඇකඩමියේ අණදෙන්නා වශයෙන් සිටින්නේ වත්මන් ආරක්ෂක මාණ්ඩලික ප්රධානී, සේවා දිගු කිහිපයක් ලැබූ අපකීර්තිමත් නාවික හමුදාපතිවරයෙකු වූ රවීන්ද්ර විජේගුණරත්න බව අප මතක තබාගත යුතුය.
ඉන්පසු 2009 ඔක්තෝබර් 29 සිට 2010 අගෝස්තු 31 දක්වා ඔහුව යුක්රේනයේ නැෂනල් යුනිවර්සිටි ඔෆ් ඩිෆෙන්ස් ඇකඩමිහි මාස්ටර්ස් ඩිප්ලෝමා පාඨමාලාවකට යවා ඇත. ඒ සදහා වූ ආරාධනා ලිපිය රුසියානු ෆෙඩරේෂණයේ ශ්රී ලංකා තානාපතිවරයා ආරක්ෂක අමාත්යාංශයට එවා ඇත. ඊට ආරක්ෂක අමාත්යාංශයේ අනුමැතිය හිමිවී ඇත. ඉන්පසු මේ යුකේ්රන පාඨමාලාව නිසාම ඔහුව එහිම ඩොක්ටර් ඔෆ් ෆිලෝෂොපි පාඨමාලාවට තෝරාගෙන ඇත. එය පූර්ණකාලීන නේවාසික පාඨමාලාවක් වී නැත. එහි කාලය 2011 අගෝස්තු 01 සිට 2014 මාර්තු 20 දක්වා විහිදී ඇත. ඒ සඳහා ඔහු විටින් විට සහභාගී වී ඇත. එම පාඨමාලාව ඔහු සම්පූර්ණ කර නැත. එම පාඨමාලාව සඳහාද ඔහුට අනුමැතිය දී ඇත්තේ ආරක්ෂක අමාත්යාංශයය.
පීඑස්ඞී යෝෂිත
යෝෂිත රාජපක්ෂට එරෙහි තවත් එක් චෝදනාවක් වන්නේ ඔහු ජනාධිපති ආරක්ෂක අංශයේ සේවය කරනවායැයි කීම හා හිටපු ජනාධිපති ( මහින්ද රාජපක්ෂ*ගේ ඒඞීසී හෙවත් ආරක්ෂක මුලාදෑනියා හෙවත් සේනාධිනායකගේ සහකාරයා ලෙස කටයුතු කිරීමය. එම කටයුතු කිරීම් සඳහා ඔහුට නාවික හමුදාවෙන් නිකුත් කරන ලද කිසිදු ලියවිල්ලක් තිබී නැත. එසේවුවද ඔහුට ජනාධිපති ආරක්ෂක අංශයට අනුයුක්තව සේවය කිරීම හේතුවෙන් දීමනා හා පෙළඹවීමේ දීමනා ගෙවන ලෙසද ආරක්ෂක අමාත්යාංශයෙන් නාවික හමුදාපතිට දැනුම්දී ඇත. ජනාධිපති ආරක්ෂක අංශයෙන් ඊට අදාල හැඳනුම්පතක්ද ඔහුට නිකුත් කර ඇත. එමෙන්ම නිල ඇඳුම්ද ඔහුට නිකුත් කර ඇත. ඔහු නාවික හමුදාවේ සේවය කරනවා වෙනුවට පීඑස්ඞීයේ සේවය කරනවායැයි කියමින් රාජකාරී අවස්ථාවේ මෙන්ම රාජකාරියෙන් බැහැර අවස්ථාවලද සිට ඇත්තේ නාවික හමුදාවෙන් බැහැරවය.
යෝෂිතගේ සමාගම් අධ්යක්ෂකම්
යෝෂිත රාජපක්ෂ ලියාපදිංචි සමාගම්වල අධ්යක්ෂවරයෙකු ලෙස චෝදනා නැඟී ඇති අතර ඒ අනුව සීඑස්එන් ප්රයිවෙට් ලිමිටඞ්හි ලියවිලි පරීක්ෂාවට ලක්කර ඇත. එහිදී ඔහු එහි නිල අධ්යක්ෂවරයකු නොවන බව හඳුනාගෙන ඇත.
නමුත් එහි ඇත්ත තත්වය වන්නේ පොලිස් මූල්ය අපරාධ කොට්ඨාශය සීඑස්එන් නාලිකාව ගැන කරන ලද පරීක්ෂණයේදී එම නාලිකාවේ සැබැ හිමිකරු යෝෂිත රාජපක්ෂ බව හඳුනාගැනීමය. රුපියල් මිලියන 234ක මුදලක් සීඑස්එන් නාලිකාව ගොඩනැගීමේ ප්රාග්ධනය වශයෙන් යෙදවීමෙන් මුදල් විශුද්ධිකරණය යටතේ වරදක් කර ඇති බවට ඔහුට චෝදනා එල්ලවිය. ඔහුට රිමාන්ඞ් බන්ධනාගාරයේ පසුවන්නට සිදුවූයේ එම චෝදනාවටය. එහි නාමික අධ්යක්ෂවරු හා පාලකයන් ප්රකාශ කරනු ලැබූයේ යෝෂිත රාජපක්ෂ සීඑස්එන්හි සැබෑ හිමිකරු බවය. එහි තීන්දු තීරණ සියල්ලක්ම ගෙන තිබුණේ යෝෂිත රාජපක්ෂගේ දැනුවත්වීම මත ඔහුගේ අනුමැතියෙනි. එසමයේ ඔහු ශ්රී ලංකා එල්ලේ සම්මේලනයේ සභාපති වීමෙන් පසු ජාතික එල්ලේ ශූරතාවට අනුග්රහය දක්වන ලද්දේද සීඑස්එන් නාලිකාව විසිනි. හමුදා සාමාජිකයෙකු හමුදාවෙන් පිටස්තර ක්රීඩා සමාජ හෝ වෙනයම් සමාජයක නිළධාරියෙකු ලෙස කටයුතු කරන්නේනම් ඒ සඳහා අදාල හමුදාවෙන් අවසර ගැනීම කළ යුතුය. යෝෂිත රාජපක්ෂ එවන් අවසරයක් ගත්තාද යන්න පැහැදිළි නැත.
එමෙන්ම යෝෂිත රාජපක්ෂ ‘තාරුණ්යයට හෙටක්‘ සංවිධානයේ අධ්යක්ෂ මණ්ඩලයේ උප සභාපතිවරයා ලෙස කටයුතු කළේය. එම සංවිධානයේ සමාගම් ලියාපදිංචිය තුළ එය පැහැදිලිවම ඇත. එම කාරණා පිළිබද චෝදනා නොමැති නිසා ඒවා පරීක්ෂණ මණ්ඩලය සොයාබලා නැත.
නිල් බලකාය
නිල් බලකායේ සාමාජිකයෙකු ලෙස යෝෂිත රාජපක්ෂ කටයුතු කරන බව හා එහි කටයුතුවලට සහභාගී වනබවට චෝදනා නැගී ඇත. පරීක්ෂණ මණ්ඩලයට ඒ සඳහා ඔහු ලබාදී ඇති පිළිතුරු වන්නේ ජනාධිපති ආරක්ෂක අංශයේ සාමාජිකයෙකු ලෙස ජනාධිපතිවරයාගේ ආරක්ෂක කටයුතු සඳහා ඔහු එම අවස්ථාවන්ට සහභාගී වූ බවයි. හිටපු ජනාධිපතිවරයා නොමැති අවස්ථාවල පවා ඔහු එම කටයුතු සඳහා යෑම ගැන ප්රශ්න කිරීමේදී දී ඇති පිළිතුර වන්නේ ඔහුගේ සහෝදරයාගේ ආරක්ෂාව සඳහා එම අවස්ථාවන්ට සහභාගී වූ බවයි.
නමුදු මිනිසුන් දන්නා සත්යය වන්නේ ඉහත දේශපාලන ක්රියාකාරකම්වලට අමතරව හිටපු අගමැතිවරයෙකු වූ දි.මු. ජයරත්නගේ දේශපාලන වේදිකාවට යෝෂිත රාජපක්ෂ ප්රසිද්ධියේම ගොඩවු බවයි .
විදේශ ගමන්
අවසර නොගෙන විදෙස්ගතවීම් සම්බන්ධයෙන් කරන ලද විමසීමේදී යෝෂිත රාජපක්ෂ පවසා ඇත්තේ ක්රීඩා කටයුතුවලට ශ්රී ලංකාව හා ආරක්ෂක සේවාව නියෝජනය කරමින් ඔහු විදේශගතවූ බවයි. ඒ සඳහා ආරක්ෂක අමාත්යාංශයේ හා ක්රීඩා අමාත්යාංශයේ අවසරය තිබූ බවයි.
එමෙන්ම අනෙක් විදේශ ගමන් ඔහු ගියේ ජනාධිපතිවරයාගේ ආරක්ෂක විධිවිධාන සැලැස්ම සඳහා ජනාධිපති ආරක්ෂක අංශයේ සාමාජිකයෙකු ලෙස බවයි. එම විදේශ සංචාර කිසිවක් නාවික හමුදාව සෝදිසි කර නැති අතර ඒ සම්බන්ධයෙන් වු තොරතුරුද නාවික හමුදාව ලබාගෙන තිබී නැත.
යෝෂිත රාජපක්ෂට එරෙහිව නාවික හමුදාව කළ ඉහත මූලික පරික්ෂණයේ කරුණු අනුව රාජපක්ෂ පාලන සමයේ රාජපක්ෂලා කටයුතු කළ ආකාරය පිලිබඳව ඉතා හොඳ අදහසක් ලබාගැනීමට හැකිවනවාට සැක නැත. එමෙන්ම යෝෂිත රාජපක්ෂගේ පිළිතුරු දීම් ඔහුගේ ඬේසි ආච්චිගේ මැණික් මල්ලේ කථාවට නොදෙවනි බවද පෙනේ. යළි රාජපක්ෂ යුගයක් යනු මේ ආකාරයේ නීතිය නවමින් රාජ්ය දේපළ අවභාවිත කිරීමේ මීට නොදෙවනි යුගයක් කැඳවාගැනීමක් බව අමුතුවෙන් කිව යුතු නැත. එම නිසා ඊට වැට බැඳිය හැක්කේ මෙවැනි අවභාවිතාවන්ට එරෙහිව නීතිය නිසි ලෙස ක්රියාත්මක වුවහොත් පමණය. එවන් තත්වයක ජනාධිපති සේනාධිනායක මෛත්රීපාල සිරිසේන හොරාගේ අම්මා වී සිටින මොහොතක ඔහුගෙන් පේන අසා පලක් නැත.
