නීතිිඥ චන්ද්‍රසිරි සෙනෙවිරත්න
කොලොන්නාවේ භාරත ලක්‍ෂමන් පේ‍්‍රමචන්ද්‍ර මහ පාරේ වෙඩි තබා මරා දමා ඔක්තෝබර් 08 වෙනිදාට වසර 8කි. 2014 නොවැම්බර් 21 දින මෛති‍්‍රපාල සිරිසේනලා පාරට නොබැස්සා නම් භාරත ඝාතකයන් තවමත් නිදැල්ලේ ය. 2011 සිදුවූ භාරත ලක්‍ෂමන් පේ‍්‍රමචන්ද්‍ර ඝාතනය 2015 ජනවාරි පෙරළිය නොවන්නට අදටත් සාක්ති නැති මරණයකි. මේ තනි සිද්ධිය හරහා ජනාධිපති මැතිවරණයේදී ශ‍්‍රී ලංකා නිදහස් පක්ෂයට පැවරෙන භූමිකාව ප‍්‍රශ්න කළ යුතුවේ. මැදමුලන පවුලේ පොහොට්ටුව ලකුණ පිළිබඳව ශී‍්‍රලනිපයේ ස්ථාවරය සාධාරණ මෙන්ම ශක්තිමත්ය. ගැටලූවේ සමස්තය පොහොට්ටුව පමණක් විය නොහැකිය. ශී‍්‍රලනිපය ඓතිහාසිකව සිය ඉරණමට මුහුණ දිය යුතුවේ. රාජපක්ෂලා දුමින්ද සිල්වා ලවා භාරත ලක්‍ෂමන් හරහා ශ‍්‍රීලනිපයට එල්ල කළ තුවක්කුව තවමත් පහතට දමා නැත. මුන් යූඇන්පියට කඬේ යනවා කියන්නේ හීන් කෙනිත්තිල්ලක් පමණකි.
ජනාධිපති මැතිවරණයට අලියා ලකුණෙන් තරග කළ යුතු බවට පැවති සජිත් පේ‍්‍රමදාසගේ ස්ථාවරය වෙනස් විය. සමස්ත එජාපය ඒකමතිකව සම්මුති ගෞරවයෙන් හංසයා ලකුණ වෙත ඒකරාශි වී සිටියි. එය සජිත්ගේ ඇදවැටීමක් හෝ පරාජයක් නොවේ. එකට වැඩ කිරීමේ සම්මුතිවාදී මානසිකත්වය පිළිබඳ දේශපාලන හැදිච්චකමය. ශ‍්‍රී ලංකා පොදු ජන පෙරමුණ හිමි රාජපක්‍ෂලාට සම්මුති රටා හුරු නැත. එකට වැඩ කිරීමේ සම සමව බලය බෙදා ගැනීමේ පුරුද්ද ගෑවිලාවත් නැත. මේ හරහා තවමත් පරාජිත රාජපක්ෂලාගේ අප‍්‍රාණිකව පවත්නා අධිපතිවාදී තර්ජනාංගුලිය ළ`ග ශී‍්‍රලනිපය බියෙන් ගැහෙමින් සිටියි. සිදුකළ කෝටියක් හොරකම් ¥ෂණ වංචා අපරාධ නිසා, මැදමුලන රාජපක්ෂලා දේශපාලන ආවාටයෙහි කරවටක් ගිලී සිටිති. ඔවුන් ලාංකේය ජන සම්මතයෙහි හිටුවා පස් ගැසී හමාරය. ශ‍්‍රීලනිපයේ මහ ලේකම් 2014 නොවැම්බරයේ තනිව පාරට බැස්සේ පීඩනය දැරිය නොහැකි තැනය.
රාජපක්ෂලා කල්පනා කළේ සිරිසේන යනු පෞරුෂයක් නැති කොලනිකාරයෙකු කියාය. එහෙත් ශී‍්‍රලනිපය වරගැන්වී තිබුණේ ගමෙන් නගරයෙන් මතුවූ මුදියන්සේ තෙන්නකෝන්ලා එම්එස් තේමිස්ලාගෙනි. ඒ ගැම්ම ඒ හයිය 1994ත් තිබිණ. 1994 ශී‍්‍රලනිපයෙන් පාර්ලිමේන්තුවට පිවිසි භාරත ලක්‍ෂමන් පේ‍්‍රමවන්ද්‍ර 1994දී පාර්ලිමේන්තුවේ කළ සිය මංගල කතාවේදී වෘත්තිය සමිති නායකයෙකුවූ තම පියා වූ වයිඑම් පේ‍්‍රමචන්ද්‍රද, කොලොන්නාව ශී‍්‍රලනිප නාගරික මන්තී‍්‍රවරයෙකුවූ නන්දසේන සමරකෝන් නම් සිය මාමාද ටීබී ඉලංගරත්න නාමයද ගෞරවයෙන් සිහිපත් කළේය. දේශපාලනය කරද්දී වතුරේ පාවෙන කිරල මූඩියක් මෙන් පැවතිය යුතු බවට ටීබී ඉලංගරත්න තමන්ට ගුරු උපදේශ දුන් බව සිහි කළේය.
ශී‍්‍රලනිප උරුමයෙන් බිහිවූ භාරත ලක්‍ෂමන් පේ‍්‍රමචන්ද්‍ර බස්නාහිර පළාත් සභා ඡුන්දය පැවැති 2011 ඔක්තෝබර් 08 වෙනි දින ඝාතනය විය. ඒ වරදට ආර්. දුමින්ද සිල්වා මන්්තී‍්‍රවරයා මරණ දඬුවමට නියම විය. මෙවර ශ‍්‍රී ලංකා පොදුජන පෙරමුණට එක්ව ගෝඨාභය රාජපක්ෂ ජනාධිපති වුණොත් භාරත ලක්‍ෂමන්ගේ මිනීමරුවන් නිදහස් වන බව ඉරහඳ මෙන් සත්‍යයකි. එපමණක් නොවේ. නාලන්ද එල්ලාවලගේ මිනීමරුවන් සිටින්නේද මැදමුලන කල්ලිය සමගය. ගමෙන් මතුවූ මෛති‍්‍රපාල සිරිසේනලා, දුමින්ද දිසානායකලා, දයාසිරිලා වැනි දේශපාලනඥයන්ට රාජපක්‍ෂලාට එක්විය නොහැකිය.
වර්තමානයේ රාජපක්ෂලා වටකොට සිටින්නේ අලූත්ගමගේලාය. කළුතර රත්තරන්ලාය. එතනෝල් ප‍්‍රනාන්දුලාය. මිගමුවේ ලංසලාය. හම්බන්තොට පිස්තෝල ප‍්‍රනාන්දුලාය. එහි පැමිණි අලූත්ම චරිතය මොහාන් පීරිස්ය.
මොහාන් පිරිස් යනු රාජපක්ෂලාගේ උවමනාවට උත්තරීතර ශ්‍රේෂ්ඨාධිකරණය කිළිටි කළ අගවිනිසුරුවන් දෙදෙනාගෙන් එකෙකි. අනෙකා හම්බන්තොට සුනාමි හොරකම යට ගැස්වූ සරත් නන්ද සිල්වා ය. බණ්ඩාරනායක මැතිනිය, ආචාර්ය ඇන්ඇම් පෙරේරා පිළිකුලෙන් විසි කළ විධායක ජනාධිපති ක‍්‍රමයේ පැවැත්ම සහතික කළ, 18 වෙනි සංශෝධනයට අත ඉස්සූ වාසුදේවලා, තිස්ස විතාරණලා, ඩිව් ගුණසේකරලා කරන්නේ මැදමුලන කුක්කන් මඩුවේ ඩියුටිය මිස රටේ ප‍්‍රජාතන්ත‍්‍රවාදය රැුකීම නොවේ. මැදමුලන චින්තනය, එජාප විරෝධී නම් තමන් පසුපස ආ යුතු බවය. ඒ අවලාදය තවදුරටත් වලංගු නැත. ශී‍්‍ර ලංකා නිදහස් පක්ෂය යනු උතුරු දකුණු උඩ පහත රට භේදයෙන් තොරව මේ රටේ පැවති ජන සමම්ත දේශපාලන කඳවුරකි. එය විනාස කිරීමට රාජපක්ෂලා කි‍්‍රයා කරමින් සිටිති. ශ‍්‍රීලනිප පොහොට්ටු දබරයේ සැබෑව නම් බණ්ඩාරනායකලා යටපත් කොට රාජපක්ෂලා මතු කිරිමය. 1994 පටන් රාජපක්ෂලා බණ්ඩාරනායකලාට බොරු වලවල් කැපුවේ ඒ නිසාය. මහින්ද රාජපක්ෂ සිය පවුල වෙනුවෙන් ශී‍්‍ර ලංකා නිදහස් පක්ෂය දිය කර මාතෘභූමිය පල් හොරුන්ගේ දේශයක් බවට පත් කර හමාරය.
‘‘ඔබ ආණ්ඩුවෙන් ආවේ පියාට මහ අමාත්‍ය තනතුර නොදුන් නිසාද?’’ මාධ්‍යකරුවන් 2014 නොවැම්බරයේ ඇසූ ප‍්‍රශ්නයට හිටපු අමාත්‍ය දුමින්ද දිසානායක දුන් පිළිතුර මෙසේය.
‘‘නෑ. මම ආණ්ඩුවෙන් පිටතට ආවේ ආණ්ඩුවේ ප‍්‍රතිපත්තිවල පවත්නා පරස්පරතාවන් නිසා. ඒ පරස්පරය ශී‍්‍ර ලංකා නිදහස් පක්ෂයට එරෙහි කෙනහිලිකම්. උතුරු මැද මහ ඇමතිකම දුන්නේ වැඩිමනාප පදනම මත. වැඩිම මනාප ගත් දිමු ජයරත්නගේ පුතා යටපත් කරන්ට මහින්ද රාජපක්ෂ උස්සා තැබුවේ මීගමුව කඳානේ උපන් සරත් ඒකනායකය. ඌව පළාතේ ශී‍්‍රලනිපයේ සහජාත දරුවන් යටපත් කොට මැදමුලන රාජපක්ෂ දරුවෙකු ඌව මහඇමති කළේය. ශී‍්‍රලනිපයට පණ දුන් දඹුල්ලේ ටීබී තෙන්නකෝන්ලාට එරෙහිව ලක්‍ෂ්මන් වසන්ත පෙරේරා උස්සා තැබීය. ඌවේ මහ ඇමති හැටියට අයියාගේ පුතා නම් කළේ ඡුන්දෙට පළමුවය. එහෙම කී දුමින්ද දිසානායකත් හූ හඬ මැද දණ ගසා ගෙන සිටියි. අප මේ දකිමින් සිටින්නේ ශී‍්‍ර ලංකා නිදහස් පක්‍ෂයේ වර්තමාන ඛේදවාචකය නොවේද? ගාමිණි ලොකුගේ ජොන්ස්ටන් ප‍්‍රනාන්දු මහින්ද සමරසිංහ ලක්‍ෂමන් සෙනෙවිරත්න තිස්ස අත්තනායක පනින රිලවුන් රාජපක්ෂලා ළං කර ගත්තේ ඒ නිසාය. බණ්ඩාරනායකලා සමග සිටි රත්නසිරි වික‍්‍රමනායකලා පියසේන ගමගේලා ආදිහු සිල්ලර කාසි වූහ. 2015 පොදු අපේක්ෂකයා ශී‍්‍රලනිපයෙන් නිර්මානය වුණේ ඒ පසුබිම මතය.
කුප‍්‍රකට මර්වින් සිල්වාගේ පීඩනයට ලක්වූ රූපවාහිනියේ ප‍්‍රවෘත්ති අධ්‍යක්‍ෂ ටීඇම්ජී චන්ද්‍රසේකර මැදවච්චියේ මෛති‍්‍රපාල සේනානායකගේ ලේ ඥාතියෙකි. ශී‍්‍ර ලංකාකාරයෙකි. ඒ සිද්ධියේදී මර්වින් සිල්වා වෙනුවෙන් නීතිය යටපත් විය. සමහරු හිතුවේ රජරට ටීඇම්ජී චන්ද්‍රසේකරට වඩා රුහුණේ මර්වින් බලවත් කියාය. එහෙත් මර්වින්ගේ පුත‍්‍ර මාලක සිල්වාට ඔඩෙල්හිදී පහර දුන් සිද්ධියේදී රුහුණේ උපන් මර්වින්ගේ පුතාට වඩා මැදමුලන උපන් රාජපක්ෂ දරුවෝ බලවත් වූහ. හොරගොල්ලේ චන්ද්‍රිකා බණ්ඩාරනායක නිරුවත් කරවා පාරේ ඇවිද්දවන බවට එස්බී දිසානායක ලවා තර්ජනය කළේ මහින්ද විසිනි. මේ සියලූ තත්වයන් තුළ ශී‍්‍රලනිපයේ කැළඹීල්ල තවත් උත්සන්න වෙයි.
ශී‍්‍රලනිපයේ හෘදය සාක්‍ෂිය මේ රටේ අල්ලස වංචාව ¥ෂණය මුල් බැස ගන්නවාට කැමති නැත. එජාපය පමණක් නොව ජාතික හෙළ උරුමය පවා රාජපක්ෂලාගේ සංවර්ධනයට මුවාවී කළ සොරකම් හෙළි කළහ. මෛති‍්‍රපාල සිරිසේන පොදු අපේක්ෂකයා කළේ ජනවාරිය නිර්මාණය කළේ විදේශ කුමන්ත‍්‍රණ නොවේ. 1956 අරගලයට මුල්්වූ පන්සල විසිනි. 2015 අරගලයට මුල පිරූ මාදුථවාවේ සෝභිත හාමුදුරුවෝ අනන්තවත් බණ්ඩාරනායක මැතිනිය සමග එජාපයට එරෙහිව මහ පාරේ කඳුථ ගෑස්වලට ලක්වූ යතිවරයෙකි. 2010දීත් විධායක ජනාධිපති ක‍්‍රමය අල්ලස ¥ෂණය අහෝසි කරනවා කී රාජපක්ෂලා අද සිටින්නේ ජේආර් සිටි තැනය.
ශී‍්‍රලනිපය මේ පසුබිමේ සිට පොහොට්ටුව වෙනස් කළත් රාජපක්‍ෂලාට එකතු විය හැකිද? මේ ප‍්‍රශ්නය අසන්නේ රටේ නිර්දේශපාලනික සිවිල් සමාජය විසිනි. ගෝඨාභය රාජපක්ෂ මුල්ව භරත ඝාතනය යටපත් කළේ දුමින්ද සිල්වා වෙනුවෙනි. දුමින්ද සිල්වා යනු 2004 එජාපයෙන් පළාත් සභාවට තේරී පත්වූ ප‍්‍රකට මුදලාලියෙකුුගේ පුතෙකි. දුමින්දට නැගුණ ළමා අපයෝජන චෝදනාවක් ගැන එජාපය විනය පරීක්ෂණයක් ආරම්භ කළ විට, ඔහු තම ආරක්ෂාව පිණිස 2007දී රාජපක්‍ෂලාට එක් විය. ඒ සමග එකීී ළමා අපයෝජන චෝදනාව නීතිපති මොහාන් සිල්වා ඉල්ලා අස්කර ගත්තේය. ඒ ගැන එවකට අගවිනිසුරුව සිටි අශෝක සිල්වාගෙන් බීබීසිය ප‍්‍රශ්න කළේය. ඉන්පසුව ජනපි‍්‍රය නිළි අනර්කලී ආකර්ෂාට සහ ඇගේ මවට මරණ තර්ජන එල්ල කළ බවට දුමින්දට චෝදනා නැගිණ. වෙලේ සුදා සමග මත්ද්‍රව්‍ය ව්‍යාපාර කළ බවට දුමින්දගෙන් අපරාධ පරීක්ෂණ දෙපාර්තමේන්තුව කිහිප වරෙක ප‍්‍රශ්න කළේය. භාරත ඝාතනය ගැන දුමින්ද සිල්වා නීතියෙන් බේරාගැනීමට ගෝඨාභය රාපක්‍ක්‍ෂ ඔහු සිංගප්පූරු යැවීය. ඒ කාලයේ දුමින්දගේ දුකසැප බැලීමට රාජපක්ෂලා එහි ගිය බව වාර්තා විය.
මැදමුලන දෙවන රාජපක්ෂ රටේ ජනාධිපතිවූ සිරගෙවල සිටින රණවිරුවෝ එළියට පැමිණෙත්. ඒ ලැයිස්තුවට දුමින්ද සිල්වාත් ඇතුළත් විය හැකිය. එය ශී‍්‍රලනිපයට දරාගත හැකිද? නාලන්ද එල්ලාවලගේ මිනිමරුවන් සමග මැදමුලන රාජපක්ෂ රට කරයි. එපමණක් නොවේ. නාලන්ද එල්ලාවල ඝාතන නඩුවේ විත්තියට සාධාරණය ඉෂ්ඨ කිරීමට කි‍්‍රයා කළහ. ගිය සතියේ ඩිලාන් පෙරේරා සුසන්ත පුංචිනිලමේ සමග මාධ්‍ය සාකච්ඡුාවකට එක් විය. නාලන්ද එල්ලාවලගේ මරණයෙන් කම්පාවූ ඩලස් අලහප්පෙරුම තම පුතා නම් කළේ නාලන්ද අලහප්පෙරුම යනුවෙනි. ඒ ආදණීය නාලන්ද සිහි කිරීම පිණිසය. නාලන්ද එල්ලාවල, භාරත ලක්‍ෂමන් පේ‍්‍රමචන්ද්‍ර දෙදෙනා මැරුම් කෑවේ ශී‍්‍රලනිපය වෙනුවෙනි. ඒ ඝාතනවලට නම් පැටලවුණ සුසන්ත පුංචිනිලමේත් දුමින්ද සිල්වාත් දෙදෙනාම ඉපදුණේ සිරිකොතේය. මේ ඉතිහාසය සමග රාජපක්‍ෂලාට එරෙහිව හංස සංධානයට යාමෙන් ශී‍්‍රලනිප කුලසිරිත් කැඬේ යයි යයි කාට කිව හැකිද?
භාරත ඝාතන නඩුවේ තීන්දුව දීමට මාස 3කට පෙර, එනම් 2016 ජූලි මස 25 පෙ.ව.5.45ට ලංකා ඊ නිවුස්, නඩු තීන්දුව විසම්මුතික බවත් දුමින්ද නිර්දෝෂි කරමින් විනිසුරු ශිරාල් ගුණරත්න තීන්දුව ලියා ඇති බවත් වාර්තා කළේය. එකී වාර්තාව අනුව දැඩි බලපෑම් මැද විනිසුරු පද්මිණි රණවක ගුණතිලක වැඩ උඩ සිටින බවත් මොරායස් විනිසුරු දුමින්ද සිල්වා වැරදිකරු බවට තීන්දු කර හමාර බවත් දැක්වේ. මේ කියන්නේ රාජපක්ෂලා ඇති කළ සංස්කෘතිය රටේ පැවති ඇති කළ තත්වයයි. අප ආපසු එවැනි රටකට යනවාද? භාරත ඝාතන නඩුවට බලපෑම් කරන්නේ සරත් නන්ද සිල්වා බව ඊ නිව්ස් වාර්තා කරයි. මේ රටේ සිදුවූ විශාලතම මුදල් වංචාවක් හෙල්පින් හම්බන්තොට නමින් ප‍්‍රකටය.
එකී නඩුවේදී බොරු තීන්දුවක් දී තමා මහින්ද රාජපක්ෂ නිදහස් බව පිළිගත් සරත් නන්ද සිල්වා ඊට ජාතියෙන් සමාව ඉල්ලීය. හෙල්පින් හම්බන්තොට නඩුවේ විත්තිකාර ලලිත් වීරතුංග රාජපක්ෂ වෙනුවෙන් තවත් රාජ්‍ය මුදල් සොරකමක් ගැන දැන් සිරදඬුවම් ලැබ සිටියි. සරත් නන්ද සිල්වා එදා සාධාරණ තීන්දුවක් දුන්නා නම් ලලිත් වීරතුංග අනුෂ පැල්පිට හිරේ යන්නේ නැත. දුමින්ද සිල්වා අතින් භාරත ඝාතනය වන්නේ නැත. ලසන්ත වික‍්‍රමතුංග මැරුම් කන්නේ නැත. එක්නැලිගොඩ අතුරුදන් වන්නේ හෝ ගලගොඩඅත්තේ භික්‍ෂුව හිරේ යන්නේ නැත. ශ‍්‍රීලනිපය රාජලක්‍ෂලාට එක්වුණොත් රටේ නීතිය පුද්ගල ආරක්ෂාව මෙන්ම බණ්ඩාරනායක ප‍්‍රතිපත්ති විනාශ වෙනවාය. දුමින්දට විනය පරීක්ෂණ සිදු කිරිමට තිබුණ හයිය රාජපක්‍ෂලාට නැත. එහෙත් තම කැබිනට් සාමාජිකයන්ට එරෙහිව අල්ලස් නඩු පැවරීමට අගමැති බණ්ඩාරනායකට හයිය තිබිණ. ශී‍්‍රලනිපය සිටගත යුත්තේ ¥ෂිතයන්ට එරෙහිවය.
රාජපක්ෂලාගේ ගැහිලි ගැන ජනාධිපති සිරිසේන නෙ`ථම් කුලූන මුදුනට නැග කළ දේශනය රටම අසා සිටියේය.
තීන්දුව හරි අතට නමින් කුරුණෑගල හෙට්ටිපොල පැවති රැුස්වීමේදී රනිල් සහ තමන් අතර පෞද්ගලික ගැටුමක් නැති බව ජනාධිපති සිරිසේන කීය. රනිල් සජිත් දෙපිල බෙදුණ සකල එජාපයම සජිත් පේ‍්‍රමදාස තෝරාගෙන හමාරය. දේශපාලන තීන්දු ගන්නේ එහෙමය. ජනාධිපති සිරිසේන ගෝඨාභයට ඡුන්දෙ දෙන්න පුළුවන් බවද කියා ඇත. අඩි පහක් පොළොව යටට යන කතාව විහිලූවක් නොවේ නම් ගෝඨාභයගේ ජාතික ආරක්ෂාවට සිරිසේන ඇතුළත් නැත.
