- x සල්ලි ආවේ බිරිඳගේ සහෝදරයා නමින්
- x ඉන්න තැන හොයාගත්තේ ඊමේලය හරහා
- x නීතිපති, සීඅයිඞී. එෆ්සීඅයිඞී කණ්ඩායමක් වැඩ කළා
- x සීඅයිඞීයේ ඒකකය නොතිබෙන්න වැඬේ අමාරුයි
- x විමර්ශන නිලධාරීන් අලූත් ආණ්ඩුවෙන් මාරු කළා
උදයංග වීරතුංග ‘අවශ්‍ය සැකකරුවකු’ වූයේ 2016 ඔක්තෝබර් 20 වැනිදාය. එවකට කොටුව මහේස්ත‍්‍රාත් ලංකා ජයරත්න විසින් අමෙරිකානු ඩොලර් මිලියන 6.8ක් වංචා සහ සොරකම් කිරීමේ චෝදනාවලට ඔහු අත්අඩංගුවට ගන්නා ලෙස වරෙන්තු නිකුත් කරනු ලැබීම නිසාය.
වරෙන්තු නිකුත් කෙරෙන අවස්ථාවේ පොලිස්
මූල්‍ය අපරාධ විමර්ශන කොට්ඨාසය හෙවත් එෆ්සීඅයිඞීය විශ්වාස කෙළේ, උදයංග වීරතුංග වාසය කරන්නේ යුක්රේනයේය කියාය.
එනිසා, එෆ්සීඅයිඞීය, උදයංග ඉන්නා තැනක් සොයාගැනීමටත්, ඔහු ලංකාවට පිටුවහල් කරවා ගැනීමටත් යුක්රේනයේ බලධාරීන්ගේ සහාය
පැතුවේය.
එහෙත් යුක්රේනයේ නීතිපති අංශ, එෆ්සීඅයිඞීයට දැනුම් දුන්නේ 2016 ඔක්තෝබර් 3 වැනිදා උදයංග යුක්රේනයෙන් පිටව ගොස් ඇති බවයි. ඒ ‘ෆ්ලයි ඩුබායි730’ ගුවන් යානයෙන්, එක්සත් අරාබි එමීර් රාජ්‍යයේ ඩුබායි
වෙතය. ලංකාවේ වරෙන්තුව නිකුත් කරන්නට සති දෙකකට පෙරය.
ඔහු සිටින තැනක් තහවුරු කර ගැනීමට,
එෆ්සීඅයිඞීය ලංකාවේ මෙන්ම මැදපෙරදිග රටවලද,
රාජ්‍ය බුද්ධි සේවාවල පිහිට පැතුවේය.
වරෙන්තුවක් ඕනෑ
නොවැම්බරය අවසානය වනවිට, විශ්වාසවන්ත විදේශීය බුද්ධි සේවාවක් හරහා,
උදයංග වීරතුංග එක්සත් අරාබි එමීර් රාජ්‍යයේ
සිටින බව දැනගන්නට ලැබිණ. උදයංගට එරෙහිව ජාත්‍යන්තර පොලිසියේ හෙවත් ඉන්ටර්පෝල්හි
රතු වරෙන්තුවක් හෝ ජාත්‍යන්තර වශයෙන් පිළිගැනෙන වරෙන්තුවක් හෝ ලබාගත හැකි නම්,
එමීර් රාජ්‍යයේ බලධාරීන්ට, ඔහු අත්අඩංගුවට ගෙන ලංකාවට පිටුවහල් කිරීම සඳහා
අවශ්‍ය පියවර ආරම්භ කළ හැකි බවට, එෆ්සීඅයිඞීයට
සහතිකයක් ලැබිණ.
එෆ්සීඅයිඞීයේ ප‍්‍රධාන පොලිස් පරීක්‍ෂක
නිහාල් ෆ‍්‍රැන්සිස්, -මිග් ගනුදෙනුව ගැන ප‍්‍රධාන විමර්ශකයා
ඔහුය.- සහ නියෝජ්‍ය අධ්යක්ෂ පොලිස් අධිකාරි පවිත‍්‍ර දයාරත්න සීඅයිඞීය වහාම
සම්බන්ධ කරගත්තේය. සීඅයිඞීය ඉන්ටර්පෝල්හි ලංකාවේ නියෝජිත කාර්යාංශයයි. ඒ උදයංග
වීරතුංග පිටුවහල් කරවා ගැනීමට අවශ්‍ය වන, රතු වරෙන්තුවක් නිකුත්කරවා ගැනීම සඳහා සහාය ලබාගැනීමටය. එහෙත්
ඔවුන්ගේ ඉල්ලීම පලදායක නොවීය.
මේ අතර එෆ්සීඅයිඞීය භාර ජ්‍යෙෂ්ඨ
නියෝජ්‍ය පොලිස්පති රවි වෛද්‍යාලංකාර, නීත්‍යනුකුලව
උදයංග වීරතුංග ලංකාවට පිටුවහල් කරවා ගැනීමට හෙවත් උදර්පණය කරවා ගැනීමට සහාය ආරක්‍ෂක
අමාත්‍යාංශයෙන් ඉල්ලා සිටියේය. ලංකාවේ නීතිය අනුව, උදර්පණය සම්බන්ධ කටයුතු කිරීමේ බලය ඇත්තේ ආරක්‍ෂක අමාත්‍යාංශයටයි.
මේ අවස්ථාවේදීත්, වෛද්‍යාලංකාරට ආරක්‍ෂක අමාත්‍යාංශයෙන් ලැබුණු
සහාය සුළුය. ඔහුට කියන ලද්දේ, ලංකාව සහ එක්සත් අරාබි එමීර් රාජ්‍යය
අතර ද්විපාර්ශ්වික උදර්පණ ගිවිසුමක් නැති නිසා, වීරතුංග උදර්පණය කරවා ගැනීමට නොහැකි වනු ඇති බවයි.
නොපවතින බෙලිමිස්සා
මේ අතර, එක්සත් රාජධානයේ නීති බලධාරීහු බෙලිමිස්සා හෝල්ඩින්ග්ස් ලිමිටඞ් (මිග්
යානා ගනුදෙනුවට අදාළ අතරමැදි සමාගම මෙයයි. -අනුවාදක* පිළිබඳ තොරතුරු සොයාගැනීමට
එෆ්සීඅයිඞීයට සහාය විය. ශ‍්‍රී ලංකා ගුවන් හමුදාව අමෙරිකානු ඩොලර් මිලියන 14.6ක් ගෙවා ඇත්තේ එම බෙලිමිස්සා සමාගමටය. එහෙත් එය
භෞතික වශයෙන් නොපවතින ‘ඩමි’ සමාගමකි. 2006 මෙම ගනුදෙනුව මුලින්ම අනාවරණය වූ
අවස්ථාවේ සිටම එය ‘නොපැවැති සමාගමක්’ බව ආරක්‍ෂක අමාත්‍යාංශය විසින් තහවුරු කරන ලදි.
2007 ජුලි මාසයේ ‘සන්ඬේ ලීඩර්’ පුවත්පත, එහි කර්තෘ ලසන්ත වික‍්‍රමතුංග යටතේ, මිග් ගනුදෙනුව ගැන සම්පූර්ණ පිටුවක ලිපියක් පළකරමින් පෙන්වා දුන්නේ,
ලිපි ලේඛනවල සඳහන් වන පරිදි, බෙලිමිස්සා හෝල්ඩින්ග්ස් සමාගමට එක්සත්
රාජධානියේ ඇත්තේ තැපැල් හුවමාරු ලිපිනයක් පමණක් බවත්, එම ලිපිනයේ එවැනි සමාගමක් භෞතික වශයෙන් නැති බවත්ය. එය ලංකාවේ ගුවන්
හමුදාවෙන් මහජන මුදල් පොම්ප කිරීමට යොදාගත් ව්‍යාජ සමාගමක් බවත්ය.
එෆ්සීඅයිඞීයට ලැබුණු තොරතුරු අනුව,
බෙලිමිස්සා හෝල්ඩින්ග්ස් යනු බි‍්‍රටිෂ්
වර්ජින් අයිලන්ඞ්ස්හි, සිංගප්පූරු සම්භවයක් ඇති පුද්ගලයන්
විසින් පවත්වාගෙන යනු ලබන සමාගමකි. ප‍්‍රධාන පොලිස් පරීක්‍ෂක ෆ‍්‍රැන්සිස්ගේ නිල
ඉල්ලීමකට අනුව, බි‍්‍රටිෂ් වර්ජින් අයිලන්ඞ්ස්හි
බලධාරීන් දැනුම් දුන්නේ, බෙලිමිස්සා හෝල්ඩින්ග්ස් ලිමිටඞ්හි
අයිතිකරුවන්ට ශ‍්‍රී ලංකා ගුවන් හමුදාව ඩොලර් මිලියන 14.6ක් ගෙවා, මිලියන 7.8ක භාණ්ඩ සහ සේවා ලබාගත් බවයි. තවදුරටත් බි‍්‍රටිෂ් වර්ජින්
අයිලන්ඞ්ස්හි බලධාරීන් සැපයූ වාර්තාවලට අනුව, සමාගමේ අයිතිකරුවන් වූයේ සිංගප්පූරු ජාතිකයන් දෙදෙනෙකි. ලී තියැන් සූ
සහ න්ග් ලායි කිම් ඒ දෙදෙනාය. පළමුවැනි නම එෆ්සීඅයිඞී නිලධාරීන්ට හුරුපුරුදු එකකි.
ලංකාව දන්නා විදියට ඔහු ටීඑස් ලී ය. ලී තියැන් සූගේ සිංගප්පූරු සමාගම, එනම්, ඞීඑස් එලයන්ස් ප‍්‍රයිවෙට් ලිමිටඞ්, 2000දී ලංකාවට මිග් යානා අලෙවි කළ නියෝජිතයාය. ඒ එකක් ඩොලර් මිලියන 1.1 බැගිනි. ඒ මිල, 2006දී මිල මෙන් භාගයක් පමණය.
ඉන් පසු, වෛද්‍යාලංකාර, පොලිස් අධිකාරි දයාරත්න හා පොලිස්
පරීක්‍ෂක ෆ‍්‍රැන්සිස් සිය කාර්යාලයට කැඳවීය. සිංගප්පූරුවේ පුවත්පතක, 2009 මැයි මාසයේ පළවුණු සම්පූර්ණ පිටුවක අවමංගල
දැන්වීමක් පෙන්වූයේය. සිංගප්පූරු ජාතික පුස්තකාලයෙන් ලබාගත් මයික්‍රොෆිල්ම්
පිටපතක් වූ එම අවමංගල දැන්වීම, ලී සින් ගී යන අය වෙනුවෙනි. දැන්වීමට
අනුව, ඔහුගේ පුත‍්‍රයා, ලී තියැන් සූය. ලේලිය, න්ග් ලායි කිම්ය.
සාක්ෂි එකතු වන්නට වන්නට, වීරතුංග උදර්පණය කරවා ගැනීම සාර්ථකවන ලකුණු
පෙනෙමින් තිබිණ. 2017 ජූලි වන විට, හිටපු අතිරේක සොලිසිටර් ජෙනරාල් කපිල වෛද්‍යරත්න,
ආරක්‍ෂක අමාත්‍යාංශයේ ලේක්ම්වරයා ලෙස පත්විය.
ඔහුගේ පත්වීමෙන් කෙටි කාලයකට පසු, නැවත
වරක් වෛද්‍යාලංකාර, එක්සත් අරාබි එමීර් රාජ්‍යයේ සිට උදයංග
ලංකාවට ගෙන්වා ගැනීමට සහාය ඉල්ලා ලිව්වේය.
මේ අවස්ථාවේදී යම් සාර්ථකත්වයක් පෙනිණ.
ඒ ආරක්‍ෂක අමාත්‍යාංශයේ ලේකම්වරයා, නීතිපති
දෙපාර්තමේන්තුවෙන් අදාළ ලේඛන සකස් කර දෙන ලෙස ඉල්ලා ලිපි සකස්කරන්නට ආරම්භ කළ
නිසාය.
ඩොලර් 400,000ක්
2016 ඔක්තෝබර් 16 වැනි දින, එෆ්සීඅයිඞීය විසින් කොටුව මහේස්ත‍්‍රාත්
අධිකරණයට ගොනු කරන ලද අංක 639/2015
දරන බී වාර්තාවට අනුව, පොලිස් පරීක්‍ෂක ෆ‍්‍රැන්සිස් හා
දයාරත්න තොරතුරු සොයාගෙන තිබුණේ, ඞීඑස්
එලයන්ස් නමැති ටීඑස් ලීගේ ආයුධ සමාගම සහ ලීට සම්බන්ධකම් තිබෙන අනෙකුත් ව්‍යාජ
සමාගම්, 2006 සහ 2007 අතර කාලයේදී ඩොලර් 400,000කට වැඩි ප‍්‍රමාණයක්, ශ‍්‍රී
ලංකාවේ කොමර්ෂල් බැංකුවේ ගිණුමකට, ලෙලූම්
දුමින්ද මාන්නප්පෙරුම නමැත්තකුගේ නමට ගෙවා තිබුණු බවයි. මේ මාන්නප්පෙරුමගේ සහෝදරිය
උදයංග වීරතුංගගේ බිරිඳයිෟ
සීඅයිඞීයේ මුදල් විශුද්ධිකරණය පිළිබඳ
විමර්ශන කණ්ඩායමේ ප‍්‍රධානියා වන පොලිස් අධිකාරි ප‍්‍රියසෙන් අම්පාවිල සහ පොලිස්
පරීක්‍ෂක සංජීවනී ධර්මලතා විසින් මේ තොරතුරු සොයාගනු ලැබ තිබිණ. උදයංගගේ ගිණුම්
අත්හිටුවූයේත්, ඔහුගේ ගනුදෙනු ගැන වෙන වෙනම විමර්ශන
කෙළේත් මේ දෙදෙනාය.
සීඅයිඞීයේ අධ්යක්ෂ ජ්‍යෙෂ්ඨ පොලිස්
අධිකාරී ශානි අබේසේකර මේ සොයාගැනීම් ගැන මෙන්ම වීරතුංග උදර්පණය කරවාගැනීමේ ප‍්‍රයත්නය
ගැන දැනුවත් කළ විට, ඔහු එෆ්සීඅයිඞී කණ්ඩායමට, සීඅයිඞීයේ තාක්ෂණික බුද්ධි ඒකකය විසින් සිය
සම්පූර්ණ ධාරිතාවෙන්, ඉතාම රහසිගත හා සංවේදී ලෙස ආරක්ෂා කරන
ලද රහස් පරිහරණය පිණිස ලබාදුන්නේය.
ශානිගේ ඒකකය
මේ අංශයේ නිලධාරීන් වූකලි, 2017 ජුලි මාසයේ, මහබැංකු මංකොල්ලයේ ප‍්‍රධාන මොළකරු අර්ජුන් ඇලෝසියස්ගේ ඇපල් අයිෆෝනයේ
දත්ත පරීක්‍ෂා කොට, එයින් ඊමේල්, කෙටි පණිවිඩ හා වට්ස්ඇප් සහ වයිබර් සම්බන්ධතා සොයාගත් අයයි. එම
තොරතුරු විසින්, මහබැංකුවේ අභ්‍යන්තරය සමග ඇලෝසියස්ගේ
සම්බන්ධකම්, ජනාධිපති කොමිසම ඉදිරියේ හෙළිදරව් කරන
ලද්දේය.
ෆ‍්‍රැන්සිස් හා දයාරත්න, තමන් වෙත ඇති දූරකථන අංක, ඊමේල් ලිපින, ෆේස්බුක් හා ස්කයිප් ගිණුම් ඉහත ඒකකය
සමග බෙදාගත් විට, විමර්ශකයන්ට තවත් පිම්මක් පනින්නට
අවස්ථාව ලැබුණි. එනම්, උදයංග වීරතුංගගේ විද්යුත් සන්නිවේදන
සම්බන්ධතාවලට ඇතුළුවන්නට හැකියාව ලැබිණ. මේ මාර්ගය යොදාගෙන, 2017 දෙසැම්බර් මැද වන විට, සීඅයිඞී ඒකකය වෛද්‍යාලංකාරට පැහැදිලි කෙළේ,
වීරතුංග අමෙරිකාවේ කැලිෆෝනියාවේ සිටින තම පවුලේ
සාමාජිකයන් වෙත යන්නට සැලසුම් කරමින් සිටින බවයි.
ලැබුණු තොරතුරු අනුව, ඔහුගේ අමෙරිකා ගමන ඉතා ඉක්මනින් සිදුවන්නට ඉඩ
තිබේ. ඒ නිසා ඉක්මනින් පියවරක් ගන්නට වෛද්‍යාලංකාරට බලකෙරිණ. විමර්ශකයන්, ඔවුන්ගේ අමෙරිකානු සම්බන්ධතා සහිත බලධාරීන්ගෙන්
පැහැදිලි කරගන්නට වෑයම් කෙළේ, ලොස් ඇන්ජලීස් ජාත්‍යන්තර ගුවන්
තොටුපොළට පැමිණි විට වීරතුංගගේ ගමනට බාධා පමුණුවා, මුලින් සකස් කරන ලද වැඩ පිළිවෙළක් යටතේ ඔහු ලංකාවට පිටුවහල් කරවාගෙන,
එෆ්සීඅයිඞී නිලධාරීන්ගේ රැුකවරණය යටතේ ලංකාවට
රැුගෙන ඒමට හැකිද කියාය.
එම සැලැස්ම ගැන එකඟ වෙමින්, අමෙරිකානු බලධාරීන් දැන්වූයේ, වීරතුංගගේ ගමන් බලපත‍්‍රය, ගමන් සඳහා ‘අවලංගු’ බවට ඔවුන්ට විධිමත් තහවුරු කිරීමක්
අවශ්‍ය බවයි.
ගමන හදිසියි
වීරතුංගගේ ගමන ඉතා හදිසි බව පෙනුණෙන්,
වෛiාලංකාර
ඇතුළු කණ්ඩායම උගුල වේගවත් කිරීමට සූදානම් වූහ.
එක දවසක් තුළ වෛද්‍යාලංකාර සීඅයිඞීයට,
නීතිපතිට, විදේශ අමාත්‍යාංශයට, ආගමන
විගමන පාලකට හා ආරක්‍ෂක අමාත්‍යාංශයට ආදි ලෙස ලියුම් පහක්ම යැවීය.
ආගමන විගමන පාලකගෙන් ඔහු බලාපොරොත්තු
වුණේ, උදයංග වීරතුංගගේ විදෙස් ගමන් බලපත‍්‍ර
භාරයට ගෙන ඇති බවත්, තවදුරටත් ගමන් සඳහා වලංගු නොවන බවටත්
වූ, අත්සන යටතේ සහතික කරන ලද ඉංග‍්‍රීසි
භාෂාවෙන් යුක්ත ලිපියකි. එනම්, ‘උදයංග වීරතුංග ගමන් සඳහා වලංගු වන ගමන්
බලපත‍්‍රයක් නොදරන බව’යි.
විදේශ අමාත්‍යාංශයෙන් බලාපොරොත්තු වුණේ,
උදයංග වීරතුංගට දැළෙන් රිංගා යා හැකි වන අන්දමේ,
අලූත් ගමන් බලපත‍්‍රයක් හෝ එවැනි
ලේඛනයක් ලබාගැනීමෙන් වළක්වාලන ලෙස අබුඩාබිහි ශ‍්‍රී ලංකා තානාපති කාර්යාලය සහ
අනෙක් රාජ්‍යතාන්ත‍්‍රික ස්ථාන දැනුවත් කිරීමයි.
සීඅයිඞීයෙන්, නීතිපතිගෙන් හා ආරක්‍ෂක අමාත්‍යාංශයෙන් බලාපොරොත්තු වුණේ සැලසුමේ
අමෙරිකානු කොටස උදාවීමට පෙර, වීරතුංග උදර්පණය කරවාගැනීමට අවශ්‍ය වන
විධිමත් ඉල්ලීමක් ඉතා ඉක්මනින් සූදානම් කර ගැනීමයි.
2018 ජනවාරි 2 වැනිදා, ආගමන විගමන පාලක එම්එන් රණසිංහ,
වෛiාලංකාර
බලාපොරොත්තු වූ සහතිකය නිකුත්කිරීම සඳහා පොලිස්පති හරහා වෛද්‍යාලංකාරට ලිව්වේය.
කෙසේ වෙතත් පොලිස් මූලස්ථානයේ පරිපාලන පමාවීම් නිසා, එය ලැබීමට සතියක්, එනම්, ජනවාරි 12 වැනිදා දක්වා කල් ගත විය. අත පත් වහාම
වෛද්‍යාලංකාර එය සිය අමෙරිකානු බලධාරීන් සමග බෙදාගත්තේ, ‘ඔපරේෂන් උදයංග’ සඳහා ඔවුන් සූදානම් කරවීමටය.
කෙටි කාලයකට පසු, උදයංගගේ දූරකථන කතාබහ නිරීක්‍ෂණය කරමින් සිටි සීඅයිඞීයේ
තාක්ෂණික කණ්ඩායම, එෆ්සීඅයිඞීයට දැනුම් දුන්නේ, වීරතුංග, පෙබරවාරි 4 වැනිදා, ඉරිදා, උදේ 8.30ට පිටත්වන අංක ඊකේ 215
දරන එමිරේට්ස් යානයෙන් ඩුබායි සිට ලොස් ඇන්ජලීස් බලා යෑමට සූදානම් වන බවයි. මෙම
පණිවුඩයද වහාම අමෙරිකානු රේගුවට සහ ආගමන බලධාරීන්ට දැනුම් දෙන ලදි.
ජ්‍යෙෂ්ඨ පොලිස් නිලධාරීන් පවා සතියේ හත් දවසේම වැඩට පැමිණීම අවශ්‍යය. එනිසා 4 වැනි ඉරිදා උදේ වෛදලංකාර, එෆ්සීඅයිඞී අධ්යක්ෂ පීකේඞී ප‍්‍රියන්ත, පොලිස් අධිකාරි දයාරත්න සහ ප‍්‍රධාන පොලිස් පරීක්‍ෂක ෆ‍්‍රැන්සිස් සිය කාර්යාල තුළ සිටියහ. ඔවුන්ට දැනගන්නට ලැබුනේ උදයංග වීරතුංග ලොස් ඇන්ජලීස් යාමට එමිරේට්ස් ගුවන් යානයට නොපැමිණි බවයි. ඒ, ඩුබායි ජාත්‍යන්තර ගුවන්තොටුපොළේදී එක්සත් අරාබි එමීර් රාජ්‍ය බලධාරීන් විසින් ඔහු රඳවාගැනුණු නිසාය.
ඩුබායිවලින් ආ තොරතුරු අනුව, එෆ්සීඅයිඞීයට පැහැදිලි වුණේ, වීරතුංග රඳවා ගැනුණේ, ඔහු ඉන්නා තැන සොයාගැනීමට 2016 කළ උත්සාහයේදී ඉන්ටර්පෝල් වෙතින් ලබාගත් නිවේදනයක් මත බවයි.
ඩුබායිහි ආගමන විගමන නිලධාරීන් උදයංගගේ
ගමන් බලපත‍්‍රය ස්කෑන් කරද්දී ඉන්ටර්පෝල් පරිගණක ජාලයට සම්බන්ධ පණිවුඩයක් ඔවුන්ගේ
තිරයට ආවේය.
‘ශ‍්‍රී ලංකාවේ කොළඹ කොටුව මහේස්ත‍්‍රාත්
විසින් ගුවන් ගමන් බලපත‍්‍ර අංක එන් 5400885 සහ ඞී3643585 දරන ගමන් බලපත‍්‍ර අත්හිටුවීමට ශ‍්‍රී
ලංකාවේ ආගමන විගමන බලධාරීන්ට නියම කරනු ලැබ ඇත.’
එවැනි තදබල සම්බන්ධයක් ඉන්ටර්පෝල් සහ
එමිරේට ආගමන නිලධාරීන්ගේ පරිගණක ජාල අතර තිබුණේයැයි මුලින් ගණන් බලා තිබුණේ නැත.
පැය 24ක හදිසිය
2018 නිදහස් දිනට සතියකට පසුව පළාත් පාලන
ඡුන්දය නියමිතව තිබුණු නිසා, ජනාධිපති මෛත‍්‍රීපාල සිරිසේනත්,
අගමැති රනිල් වික‍්‍රමසිංහත් මේ අපරාධය
සම්බන්ධයෙන් තදින් සිටීමට හදිසියේම උනන්දු
වූහ. අගමැතිවරයා, විදේශ අමාත්‍යාංශයට වහාම උපදෙස් දුන්නේ,
වීරතුංග ලංකාවට ගෙන්වාගැනීමට රාජ්‍ය තාන්ත‍්‍රික
මාර්ග සොයා බලන ලෙසයි. එහෙත්, ඒ වන විටත් වසරක් පමණ තිස්සේ වෛද්‍යාලංකාර
සහ එෆ්සීඅයිඞීය විසින් ඒ සඳහා කරන ලද ඉල්ලීම් නොසලකා හරිනු ලැබ තිබිණි. ජනාධිපතිවරයා
නීතිපතිගෙන් උපදෙස් පැතීය. නීතිපතිවරයා, උදයංග ලංකාවට ගෙනඒම සඳහා
එෆ්සීඅයිඞීයට සහාය දීම සඳහා විවිධ ආයතන එක්ව සිටි විමර්ශන කණ්ඩායමට අතිරේක
සොලිසිටර් ජෙනරාල් යසන්ත කෝදාගොඩ නම් කෙළේය. මේ සියල්ල සිදුවුණේ, වීරතුංග අත්අඩංගුවට පත්වුණායැයි ප‍්‍රධාන
සිරස්තලය පළවී පැය 24ක් ඇතුළතය.
නීතිපති ජයන්ත ජයසූරිය, උදර්පණ කටයුතු සම්බන්ධයෙන් නීතිපති
දෙපාර්තමේන්තුවේ විශේෂඥතාවක් ලබාසිටි
නියෝජ්‍ය සොලිසිටර් ජෙනරාල් පාරින්ද රණසිංහද කෝදාගොඩගේ කණ්ඩායමට නම් කෙළේය.
කණ්ඩායමට, විදේශ අමාත්‍යාංශයේ ජ්‍යෙෂ්ඨ අධ්යක්ෂ
(නීති) සීඒඑච්එම් විජේරත්න, ඩුබායිහි ලංකා කොන්සල් ජෙනරාල් චරිත
යට්ටේගොඩ සහ නියෝජ්‍ය ආගමන විගමන පාලක එස්එම්එස්ඞී ගුණසිංහද අයත් වූහ.
මුදාහැරෙයි
කෙසේ වෙතත්, මේ විදියට ලංකාවේ රජය සාමූහිකව ප‍්‍රතිචාර දක්වන විට, වීරතුංග එමිරේට බලධාරීන්ගේ භාරයෙන් මුදාහරිනු ලැබ ආරක්‍ෂාකාරීව සිටියේය.
එහෙත්, ඔහුගේ විදේශ ගමන් බලපත‍්‍රය තිබුණේ
එමිරේටයේ ෆෙඩරල් පොලිසිය භාරයේය. එනිසා ඔහුට රටින් පිටවීමට නොහැකි විය. ඔහු
මුදාහැරීමට පෙර ෆෙඩරල් පොලිසිය ඔහුගේ ඇඟිලි සලකුණු ලබාගත්තේය. ඔහුගේ ලිපිනය හා
ජංගම ¥රකථන අංක සටහන් කරගත්තේය.
ඔහු මුදාහැරුණු නමුත්, ලංකාණ්ඩුවේ කණ්ඩායම ඔහු ලංකාවට ගෙන්වාගැනීම
සඳහා කළ හැකි සෑම දෙයක්ම කිරීමේ සහ 2016
කොටුව මහේස්ත‍්‍රාත්වරිය විසින් නිකුත් කරන ලද අත්අඩංගුවට ගැනීමේ වරෙන්තුව ක‍්‍රියාත්මක
කරවාගැනීමේ ප‍්‍රයත්නයේ දිගටම යෙදී සිටියහ.
මේ අතර, විදේශ අමාත්‍යාංශය එමිරේටයේ පෞද්ගලික නීති උපදෙස් ආයතනයක සහාය
ගත්තේය. ‘අෆ්රිඩි සහ ඒන්ජල්’ එහි නමයි. එහි කළමනාකාර හවුල්කරු සී චක‍්‍රදරන්,
පොලිසිය සහ අනෙක් ආණ්ඩුවේ නිලධාරීන් සමග ඩුබායි
සහ අබුඩාබිහිදී ප‍්‍රධාන හමුවීම් කිහිපයක් පැවැත්වීය.
ප‍්‍රමුඛත්වය ලැබී තිබුණේ, ජාත්‍යන්තර වශයෙන් පිළිගන්නා අත්අඩංගුවට ගැනීමේ
වරෙන්තුවක් ලබාගැනීමටයි. එවිට, එමිරේටයේ බලධාරීන්ට ඔහු අත්අඩංගුවට ගත
හැකිවනවා ඇත. ලංකාවේ නිලධාරීන්ට, උදර්පණ
ඉල්ලීමක්ද ඒ සමග ඉදිරිපත් කළ හැකිය.
රතු නිවේදනය
2018 පෙබරවාරි 12 වැනිදා, නීතිපති දෙපාර්තමේන්තුවේ නිලධාරීන්ගේ
සහායෙන්, සීඅයිඞීයේ ජ්‍යෙෂ්ඨ නියෝජ්‍ය පොලිස්පති
රවි සෙනෙවිරත්න, අධ්යක්ෂ ජ්‍යෙෂ්ඨ පොලිස් අධිකාරි
ශානි අබේසේකර, සහකාර පොලිස් අධිකාරි රංජිත් වෙදසිංහ,
පොලිස් පරීක්‍ෂක එල්ආර් රාජකරුණාගේ සහායෙන්
එෆ්සීඅයිඞීයට වීරතුංග වෙනුවෙන් ඉන්ටර්පෝල් රතු නිවේදනයක් ලබාගැනීමට හැකිවිය. ඒ වන
විටත් මහාධිකරණයක අධිචෝදනා භාරනොදුන් හෝ වරදකරු කරනු නොලැබූ හෝ සැකකරුවකු ගැන,
එවැනි රතු නිවේදනයක් ලබාගත් පළමුවැනි අවස්ථාව
එය විය. සීඅයිඞීය, සිය එමිරේට නියෝජිතයන්ට වහාම එම
ඉන්ටර්පෝල් නිවේදනය යැවීය.
ඩුබායි අපරාධ පරීක්ෂණ දෙපාර්තමේන්තුවේ
‘ජාත්‍යන්තර වශයෙන් අවශ්‍ය වන පුද්ගලයන්
පිළිබඳ’ අංශයේ ප‍්‍රධානි කාලිඞ් අල් මෙහාරි,
පෙබරවාරි 13 වැනිදා, ප‍්‍රශ්න කිරීම සඳහා උදයංග තමා වෙත
කැඳවීය.
ප‍්‍රශ්න කරනු ලැබීම සඳහා පැමිණෙන්නට
උදයංග පොරොන්දු වුණු නමුත්, පසුව ඔහු සොයාගැනීමට නොහැකි වන ලෙස
අතුරුදන් විය. ඩුබායි පොලිස් නිලධාරීහු ඔහුගේ ලිපිනයට ගියෝය. එහෙත් ඔහු සිටි මහල්
නිවස අතහැර දමා තිබිණ. ජංගම දූරකථනයද
විසන්ධි කොට තිබිණ. ඔහු සොයාගැනීමට එමිරේට බලධාරීන්ට ක‍්‍රමයක් නොවීය.
පෙබරවාරි 15 වැනි බ‍්‍රහස්පතින්දා මේ ආරංචිය ලංකාවට ලැබිණ. ඒ අනුව, ඊළඟට කළ යුත්තේ කුමක්දැයි සොයාබැලීමට විශේෂ
කාර්ය කමිටුව රැුස්විය. රැුස්වීමේදී ජ්‍යෙෂ්ඨ නියෝජ්‍ය පොලිස්පති රවි සෙනෙවිරත්න,
පැමිණ සිටියවුන්ට කීවේ, උදයංග සෙවීමට යොමු නොවන ලෙසයි. එහෙත් ඔහු
අල්ලාගත් වහාම උදර්පණය කරවාගැනීමට කටයුතු සූදානම් කොට තබන ලෙසයි. ‘වීරතුංග වරදක් කරාවි. ඔහු එසේ කරන විට අප
සූදානම්ව සිටිය යුතුයි.’ ඔහු කීය.
උදර්පණය කරවාගැනීමට
මේ අවස්ථාවේදී යසන්ත කෝදාගොඩ මහතා,
නියෝජ්‍ය සොලිසිටර් ජෙනරාල් පාරින්ද රණසිංහගේ ප‍්‍රධානත්වයෙන්
යුක්ත නීතිපති දෙපාර්තමේන්තුවේ නීතිඥ කණ්ඩායමක්, විධිමත් උදර්පණ ඉල්ලීමක් කිරීම සඳහා සූදානම් වීමට හා හැකියාව
සොයාබැලීමට පත්කළේය.
ලංකාවේ සහ එක්සත් අරාබි එමිරේටයේ
උදර්පණ නීති අනුව, ඉල්ලීම කළ යුතුව තිබුණේ රටවල් දෙකම
බැඳී සිටින, ජාත්‍යන්තර සම්මුතියක් යටතේය. 2014
ජනවාරියේදී ලංකාව සහ එමිරේටය, ද්විපාර්ශ්වික උදර්පණ සම්මුතියක්
අත්සන් කොට තිබිණ. එහෙත් එම සම්මුතිය මේ වන තෙක් අපරානුමත කර නොතිබිණ. ඒ රටක්
තමන්ගේ පුරවැසියන් වෙනත් රටකට උදර්පණය කළ යුතුදැයි විවාදයක් මතුවී තිබීම නිසාය.
ඊට අමතරව, ශ‍්‍රී ලංකාව සහ එමිරේටය, 2014 ජනවාරියේදී එක්සත් ජාතීන්ගේ බහුපාර්ශ්වික සම්මුතීන් දෙකකද
පාර්ශ්වකරුවෝ වූහ. වීරතුංගගේ උදර්පණ ඉල්ලීම සඳහා එය පදනම හැටියට යොදාගත හැකි විය.
අන්තර් ජාතික සංවිධානාත්මක අපරාධ පිළිබඳ එක්සත් ජාතීන්ගේ ගිවිසුම, ¥ෂණයට එරෙහි එක්සත් ජාතීන්ගේ සම්මුතිය ඒ දෙකයි.
පාරින්ද රණසිංහ, උදර්පණ ඉල්ලීම සඳහා වඩාත් සුදුසු
කුමක්දැයි, ඒ වන තුරුත් අපරානුමත කර නොමති
ද්විපාර්ශ්වික ගිවිසුම හා ජාත්‍යන්තර ගිවිසුම් එකක් හෝ දෙකම ගෙන එකිණෙකෙහි බර කිරා
බැලූවේය.
මේ අතර, සීඅයිඞීයේදී, ජ්‍යෙෂ්ඨ පොලිස් අධිකාරි ශානි
අබේසේකරගේ විද්යුත් බුද්ධි ඒකකය ඔහුගේ පොරොන්දුව ඉෂ්ට කිරීම සඳහා හා උදයංග ඉන්නා
තැනකින් සොයාගැනීම සඳහා මහන්සියෙන් වැඩ කළ නමුත් ලැබුණේ මඳ සාර්ථකත්වයකි. වීරතුංග ඊමේල් පාවිච්චි කිරීම නවතා දමා
තිබිණ. මීට පෙර විමර්ශකයන්ට ඇතුළුවිය
හැකිව තිබුණු ස්කයිප් ගිණුමද අතහැර දමා තිබිණ. ප‍්‍රතිඵලය වුණේ ඔහු සිටින තැන
සොයාගැනීමට නොහැකි වීමයි. එහෙත්, 2018
පෙබරවාරි 20 වැනිදා, තමා දෙස බලාසිටීමේ සීඅයිඞීයේ ප‍්‍රයත්නයට, වීරතුංග විරාමයක් දුන්නේය.
ඊමේල් නිවේදනය
පෙබරවාරි 21 වැනිදා සවස අවසන් භාගයේදී, ජනමාධ්‍යවේදියකු සීඅයිඞීයේ ජ්‍යෙෂ්ඨ නිලධාරියකුගෙන් දුරකථනයෙන්
විමසා සිටියේ, එදින උදයංග වීරතුංග විසින් නිකුත්කරනු
ලැබ ඇති නිවේදනය ගැන සීඅයිඞීයේ මතය කුමක්දැයි කියාය. සීඅයිඞීයේ නිලධාරියා කීවේ,
එවැනි නිවේදනයක් ගැන තමන් නොදන්නා බවයි. සීඅයිඞීය තමාට එරෙහිව ඉන්ටර්පෝල් රතු නිවේදනයක්
ලබාගනිද්දී, ඉන්ටර්පෝල් විසින් මීට පෙර නිකුත් කරන
ලද රතු නිවේදන සිය ගණනක් නැවත ගෙන්වාගෙන ඇතැයි උදයංග තම නිවේදනයෙන් කියා තිබිණ.
ජ්‍යෙෂ්ඨ සීඅයිඞී නිලධාරියා වහාම
උදයංගගේ ඊමේලය වෙත අවධානය යොමු කළ අතර, වහාම
තාක්ෂණික බුද්ධි කණ්ඩායම් නායකයා තම
කාර්යාලයට කැඳවන ලදි. උදයංග වීරතුංග, මාධ්‍ය
ඇතුළු පුද්ගලයන්
කිහිප දෙනකුට ඊමේල් නිවේදනය යවා ඇති බවත්, එය පැමිණ ඇත්තේ සබදෙ?මා්හ්බට්ගජදප
යන ඊමේල් ලිපිනයෙන් බවත් ඔහුට දන්වන ලදි.
ඊමේලය දුරදිග යයි
පැයකට පමණ පසුව, සවස 7ට පමණ, ඊමේල් නිවේදනයේ ඔරිජිනල් පිටපතක්
ලබාගන්නට කණ්ඩායම සමත්විය. එහි ‘හෙඩර්’ (ශීර්ෂය) එක හා ඉලෙක්ට්‍රොනික් ඔනිලොප් එක භාවිත කරමින්, නිවේදනය එවීම සඳහා උදයංග භාවිත කල පරිගණකයේ
ඉන්ටර්නෙට් ප්‍රොටෝකොල් (අයිපී) ලිපිනය සොයාගන්නට සීඅයිඞීය සමත්විය. එය 92.96.132.251 විය. පොට් අංකය 53085ය. දත්ත ගබඩාවකට ඇතුළු කළ පසු, එමිරේට්ස්හි ටෙලිකොමියුනිකේෂන් කෝපරේෂන් හෙවත් හැමෝම දන්නා පරිදි ‘එටිසලාට්’ විසින් පවත්වාගෙන යන ඒඞීඑස්එල් බ්‍රෝඞ්බෑන්ඞ් ඉන්ටර්නෙට් සර්විස්හි
ඩුබායි ප‍්‍රාදේශීය කාර්යාලය විසින් නිකුත්කරන ලද එම ලිපිනය, නිසැකවම සොයාගන්නට සීඅයිඞීයට හැකිවිය.
මෙය ඉන්ටර්නෙට් ලිපිනයක් නිසා, ඒ හරහා නිවෙසක ලිපිනය සොයාගත හැකි නිසා,
එවැනි ලිපිනයක් සොයාගතහොත් උදයංගද සොයාගත හැකි
බව සීඅයිඞී කණ්ඩායම සිතුවේය. එම තොරතුරු ඩුබායි අපරාධ පරීක්ෂණ දෙපාර්තමේන්තුවේ
කැප්ටන් අල් මෙහාරිට ලබාදෙන ලදි. ඔහු තම නිලධාරීන්ට උපදෙස් දුන්නේ එටිසලාට්
මූලස්ථානය සම්බන්ධ කරගන්නා හැටියටය. ඒ වාගේම විද්යුත් අපරාධ සම්බන්ධයෙන් දන්නා
විශේෂ පොලිස් අංශයක සහාය ද ඉල්ලා සිටින ලදි.
පෙබරවාරි 22 වැනිදා, එටිසලාට් ශ‍්‍රී ලංකා සමාගම සීඅයිඞීයට
දන්වන ලද්දේ, තමන්ගේ සෙවීම, ඩුබායිහි ඊසාන දිගින් පිහිටි අජ්මාන් ප‍්‍රදේශයට
පටු කරන්නට පමණක් පුළුවන් බවයි. සීඅයිඞීයේ කණ්ඩායම වීරතුංගගේ ඉන්ටර්නෙට් ලිපිනය
අනෙකුත් රටවල නීතිය ක‍්‍රියාත්මක කිරීමේ ආයතන සමගද බෙදාගත්තේය. ඒ තවදුරටත් ලිපිනය
පිහිටි ප‍්‍රදේශය පටු කරවා ගැනීමට හෝ දූරකථන වැනි විද්යුත් මෙවලම් හඳුනාගැනීමටත්ය.
එමිරේටයේ සහ අමෙරිකාවේ නිලධාරීන්ගේ ද
සහාය ඇතිව ලිපිනය පිහිටි ප‍්‍රදේශය තවත් පටු කරගෙන යන විට, අජ්මාන්හි ‘ගෝල්ඞ්ක්‍රෙස්ට් වීව්ස් 2’ නමැති මහල් නිවාස ගොඩනැගිල්ල දක්වා එය පටු විය.
පෙබරවාරි 25 වැනිදා, ඩුබායි සීඅයිඞී නිලධාරීහු මෙම
ගොඩනැගිල්ල වෙත ගියෝය. පිළිගැනීමේ නිලධාරීන්ට උදයංගගේ ඡුායාරූපයක් හා විස්තර
පෙන්වන ලද විට, ඔවුන් විසින්, මේ පුද්ගලයා 34 වැනි තට්ටුවේ අංක 3
දරන නිවෙස හිමි සහ වාසය කරන අය බවට වහාම හඳුනාගන්නා ලදි. ඩුබායි සීඅයිඞී නිලධාරීන්
එම නිවෙසේ සීනුව නාද කරන විට, කලබලයට පත්වූ පුද්ගලයෙක් දොර හැරියේය.
හෙතෙම උදයංග වීරතුංගය. එසැණ ඔහුට වැටහෙන්නට ඇත්තේ, තමාගේ වාසනාව තමා අතහැර ගොස් ඇති බවය.
කෙසේ වෙතත්, ඔහුවත් ලංකාවේ මහජනතාවවත්, කිසිදා නොදන්නේ, ඔහු අත්අඩංගුවට ගැනීම කළ හැකි වුණේ,
සීඅයිඞීයේ ශානි අබේසේකරගේ විශිෂ්ට කණ්ඩායමත්,
මාධ්‍ය ප‍්‍රචාරය සඳහා උදයංග වීරතුංග විසින්ම
යවන ලද ඊමේල් නිවේදනයත් නිසා බවය.
වරෙක අබුඩාබි නගරයේ, එමිරේට බලධාරීන්ගේ භාරයේ පසුවෙමින් උදයංග
සිටියදී, ලංකාවේ පොලිසිය සිය රාජකාරිය බොහෝදුරට
ඉටු කර තිබිණ. එනිසා, උදයංගගේ ඉරණම තීරණය කිරීම භාරව තිබුණේ
ලංකාවේ හා එමිරේටයේ අධිකරණයට හා රාජ්‍ය බලධාරීන්ටය.
2018 මැයි 11 වැනිදා, ලංකාවේ ශ්‍රේෂ්ඨාධිකරණය, උදයංග වීරතුංග 2016දී ගොනුකර තිබුණු මූලික අයිතිවාසිකම් පෙත්සමක් ප‍්‍රතික්‍ෂෙප කෙළේය.
උදයංග එය දමා තිබුණේ තමාගේ බැංකු ගිණුම් අත්හිටුවීමට විරුද්ධවය. දින තුනකට පසුව,
ආරක්‍ෂක අමාත්‍යාංශයේ ලේකම් කපිල වෛiරත්න, නිල උදර්පණ ඉල්ලීම සහිත ලියුමක් එක්සත් අරාබි එමීර් රාජ්‍යයේ ආණ්ඩුව
වෙත ඉදිරිපත් කෙළේය.
එය සමහරවිට, ජ්‍යෙෂ්ඨ නියෝජ්‍ය සොලිසිටර් ජෙනරාල් පාරින්ද රණසිංහ, සිය ප‍්‍රධානීන් වන නියෝජ්‍ය සොලිසිටර් ජෙනරාල්
යසන්ත කෝදාගොඩට සහ නීතිපති ජයන්ත ජයසූරියට, ‘තෝරාගත හැකි උපාය මාර්ග’ ගැන
පැහැදිලි කිරීමෙන් පසු ව විය හැකිය. මේ ජ්‍යෙෂ්ඨ නිලධාරීහු කල්පනා කළෝ, හොඳම පියවර, අන්තර්-ජාතික සංවිධානාත්මක අපරාධවලට එරෙහිව පියවර ගැනීම සඳහා සකසා
තිබුණු බහුපාර්ශ්වීය ඹභඔධක්‍ සම්මුතිය උපයෝගි කරගෙන ඉල්ලීමක් කිරීම බවයි. උදයංග
වීරතුංගට චෝදනා නැගී ඇති වැරදි, එම සම්මුතියේ සඳහන් වැරදිවලට බොහෝ දුරට
ගැළපෙන බැවිනි. උදයංග කළ වැරදිවලට අදාළ චෝදනා රටවල් කිහිපයක අධිකරණ බල ප‍්‍රදේශවලට,
එනම් ශ‍්‍රී ලංකාවට, යුක්රේනයට, එක්සත් රාජධානියට හා සිංගප්පූරුවට අදාළ
බැවිනි.
උදයංග උසාවි යයි
2018 නොවැම්බරයේදී, එක්සත් අරාබි එමිරේටයේදී උදයංග
අත්අඩංගුවට ගැනීමට හැකියාව ලබාදෙන ඉන්ටර්පෝල් රතු නිවේදනයට එරෙහිව පෙත්සමක් ඔහුගේ
නීතිඥවරු ගොනුකළහ. එම අභියෝගය නිෂ්ප‍්‍රභ කිරීමට සූදානම් වීමේ කටයුතු පැවරුණේ,
ප‍්‍රධාන පොලිස් පරීක්‍ෂක ෆ‍්‍රැන්සිස්ට හා
නීතිපති දෙපාර්තමේන්තුවේ රජයේ නීතිඥ උදාර කරුණාතිලකටය.
2019 අපේ‍්‍රල්, එක්සත් අරාබි එමීර් රාජ්‍යය උදර්පණ ඉල්ලීම පිළිගෙන මාස 11කට පසුව, අබුඩාබිහි ෆෙඩරල් අභියාචනාධිකරණය, උදයංග වීරතුංග උදර්පණය කිරීම සඳහා ශ‍්‍රී ලංකා රජයේ ඉල්ලීමට වාසිසහගත
තීන්දුවක් දුන්නේය. එම තීන්දුවට එරෙහිව උදයංග වීරතුංග, අබුඩාබිහි ෆෙඩරල් ශ්‍රේෂ්ඨාධිකරණයට අභියාචනයක් කෙළේය. මාස කිහිපයක් ඒ
ගැන විමර්ශනය කළ අධිකරණය, මේ අවුරුද්දේ ජනවාරියේදී වීරතුංග
උදර්පණය කිරීමට මුලින් දුන් තීරණය ස්ථිර කෙළේය.
රාජපක්ෂ ආණ්ඩුව සැලකූ හැටි
පෙබරවාරි 20 වැනිදා පාර්ලිමේන්තුව අමතමින් මන්ත‍්‍රී ඉරාන් වික‍්‍රමරත්න ප‍්‍රකාශ
කෙළේ, උදයංගගේ අපරාධ චෝදනා ගැන විමර්ශනය කළ
සහ ඔහු නීතිය ඉදිරියට ගෙනඒමට දායකවුණු පොලිස් නිලධාරීන්, මහත් ක‍්‍රෑර පීඩාවන්ට ලක්වුණු බවයි. සැලසුම් සහ උපායමාර්ග සකස්
කරමින් මතු නොව විමර්ශනය අධීක්ෂණය කළ, හිටපු
එෆ්සීඅයිඞී අධ්යක්ෂ නියෝ්ජ්‍ය පොලිස්පති පීකේඞී ප‍්‍රියන්ත, පොලිස් කොමිසමේ හා වැඩබලන පොලිස්පතිවරයාගේ
නිර්දේශ මත, නියෝජ්‍ය පොලිස්පතිවරයකු හැටියට උසස්
කරන ලදුව, සීඅයිඞීය භාර නියෝජ්‍ය පොලිස්පතිවරයා
හැටියට පත්කෙරිණ. ඒ එතෙක් එම ධුරයේ සිටි රවි සෙනෙවිරත්න මහතා විශ‍්‍රාම ගිය
විටදීය.
නියෝජ්‍ය පොලිස්පති ප‍්‍රියන්තට
ජයවර්ධනපුර විශ්විiාලයෙන් ලද අපරාධ විද්‍යාව
පිළිබඳ ශාස්ත‍්‍රපති උපාධියක් තිබේ. මුලින් ඔහු සීඅයිඞීයේ නියෝජ්‍ය අධ්‍යක්‍ෂවරයෙකි.
ජර්මනියේ ත‍්‍රස්තවාදී මූල්‍යයන විරෝධී කාර්ය සාධක බලකායේද සේවය කර ඇති හෙතෙම
පොලිසියේ සිටින වඩාත්ම කුසලතාපූර්ණ පරිපාලකවරයකු මෙන්ම, මූල්‍ය අපරාධ විමර්ශකයෙක්ද වෙයි. අලූත් ආණ්ඩුව කළේ, ඔහු සීඅයිඞීයෙන් ඉවත් කර කිලිනොච්චියට මාරුකර
යැවීමය.
ඊට පෙර සීඅයිඞී අධ්යක්ෂ හැටියට සිටි, දේශීය ඉන්ටර්පෝල් කණ්ඩායම මෙහෙයවූ, වීරතුංග අල්ලා ගැනීම සඳහා මහෝපකාරීවූ විද්යුත්
බුද්ධි ඒකකය පිහිටුවූ, ජ්‍යෙෂ්ඨ පොලිස් අධිකාරි ශානි අබේසේකර,
2019 නොවැම්බර් 21 වැනිදා, ගාල්ල නියෝජ්‍ය පොලිස්පතිවරයාගේ
පෞද්ගලික සහකාර හැටියට තනතුරෙන් පහතට හෙළන ලද්දේය.
පොලිස් අධිකාරි පවිත‍්‍ර දයාරත්න,
උදයංග වීරතුංග සම්බන්ධ විමර්ශනය අධීක්ෂණය කළ
ජ්‍යෙෂ්ඨ නිලධාරියාය. ත‍්‍රස්තවාදී මූල්‍ය
සැපයුම් ජාලය බලරහිත කිරීමට දායක වුණු රාජ්‍ය ඔත්තු සේවයේ (එස්අයිඑස්* හි සේවය
කිරීමෙන් පසුව එෆ්සීඅයිඞීයට එකතු වුණේය. අලූත් ආණ්ඩුව නෙරපා හරින තෙක්, ඔහු එෆ්සීඅයිඞීයේ අධ්‍යක්‍ෂවරයා ලෙස කටයුතු
කළේය. අලූත් ආණ්ඩුව විසින්, මූල්‍ය අපරාධ විමර්ශන වගකීම්වලින් ඉවතට ඇදදමන ලද ඔහු, පොලිස් සන්නිවේදන කොට්ඨාසයේ අධ්යක්ෂ බවට පත්කරන ලදි.
මිග් ගනුදෙනුවේ මූලික අපරාධ පරීක්‍ෂක ප‍්‍රධාන පොලිස් පරීක්‍ෂක ෆ‍්‍රැන්සිස්, තම වගකීම්වලින් ඉවතට ඇදදමනු ලැබ, 2020 ජනවාරි 29වැනිදා මීගමුව කොට්ඨාසයට ස්ථාන මාරු කර යවන ලදි.
x නිර්මලා කන්නන්ගර
පෙබරවාරි 27වැනිදා ‘ඬේලි මිරර්’ පුවත්පතට UDAYANGA WEERATHUNGA EXTRADITION SAGA මැයෙන් ලියූ ලිපියේ දළ පරිවර්තනයකි. උපශීර්ෂ අපගේය.
පරිවර්තනය: අරුණ ජයවර්ධන
