පාර්ලිමේන්තු මන්ත්රී නාමල් රාජපක්ෂ මහතාට එරෙහිව නීතිපතිවරයා විසින් පවරා ඇති ක්රිෂ් ගනුදෙනු නඩුවේ සාක්ෂිකරුවන් ලෙස නම් කර සිටින ඉන්දීය ජාතිකයන් දෙදෙනෙකුට සිතාසි භාර දී තිබේද යන්න සම්බන්ධයෙන් ඉන්දීය මහ කොමසාරිස් කාර්යාලයෙන් විමසන ලෙස කොළඹ මහාධිකරණය අද (16) අපරාධ පරීක්ෂණ දෙපාර්තමේන්තුවේ අධ්යක්ෂවරයාට නියෝග කළේය.
එම විමසීම සම්බන්ධයෙන් වාර්තාවක් ලබන ජනවාරි 18 වැනිදා අධිකරණයට ඉදිරිපත් කරන ලෙස ද විනිසුරුවරිය නියෝග කර තිබේ. අදාල නඩුව අද කැඳවූ අවස්ථාවේදී ඉදිරිපත් වූ කරුණු සලකා බැලීමෙන් අනතුරුව කොළඹ මහාධිකරණ විනිසුරු නදී අපර්ණා සුවඳුරුගොඩ මහත්මිය මෙම නියෝගය නිකුත් කළාය. මේ අතර, දැනට රක්ෂිත බන්ධනාගාරගතව සිටින විත්තිකාර පාර්ලිමේන්තු මන්ත්රී නාමල් රාජපක්ෂ මහතා ද නඩු විභාගය සඳහා අධිකරණයට ඉදිරිපත් කර තිබිණි.


