No menu items!
27 C
Sri Lanka
16 November,2026

ගෑස් මිල ඉහළ දැමීම ගැන කරුණු පැහැදිලි කිරීමට ලාෆ්ස් ගෑස් නිලධාරීන් පාරිභෝගික අධිකාරියට කැඳවයි

Must read

ගෘහස්ථ ගෑස් මිල ඉහළ දැමීම සම්බන්ධයෙන් කරුණු විමසීම සඳහා ලාෆ්ස් ගෑස් සමාගමේ නිලධාරීන් පාරිභෝගික කටයුතු පිළිබඳ අධිකාරියට කැඳවා තිබේ.

ඒ අනුව මේ සම්බන්ධයෙන් කරුණු පැහැදිලි කිරීම සඳහා ලාෆ්ස් ගෑස් සමාගමේ නියෝජිතයන් පිරිසක් අද (16) පෙරවරු 10.00ට පාරිභෝගික කටයුතු පිළිබඳ අධිකාරිය වෙත පැමිණ තිබේ. ලාෆ්ස් ගෑස් සමාගම 2026 නොවැම්බර් 13 වැනිදා මධ්‍යම රාත්‍රියේ සිට ක්‍රියාත්මක වන පරිදි ගෘහස්ථ ගෑස් මිල ඉහළ දැමීමට පියවර ගත්තේය.

ඒ අනුව මීට පෙර රුපියල් 4,965ක්ව පැවති කිලෝග්‍රෑම් 12.5ක ගෘහස්ථ ගෑස් සිලින්ඩරයක මිල රුපියල් 1,775කින් ඉහළ දමා රුපියල් 6,740ක් දක්වා වැඩි කර තිබේ. එමෙන්ම රුපියල් 1,988ක්ව පැවති කිලෝග්‍රෑම් 5ක ගෑස් සිලින්ඩරයක මිල රුපියල් 732කින් ඉහළ දමා රුපියල් 2,720ක් දක්වා වැඩි කර ඇත. මේ අතර ලාෆ්ස් ගෑස් සමාගමේ අධ්‍යක්ෂ සහ ප්‍රධාන විධායක නිලධාරී නලින්ද කුරුකුලසූරිය මහතා මෑතකදී පැවති මාධ්‍ය හමුවකදී සඳහන් කළේ, ජාත්‍යන්තර වෙළෙඳපොළේ ගෑස් මිල ඉහළ යාම මෙන්ම නැව්ගත කිරීමේ සහ රක්ෂණ වියදම් ඉහළ යාම හේතුවෙන් මෙරටට ගෑස් තොග මිලදී ගැනීමේ පිරිවැය වැඩි වී ඇති බවයි. එම කරුණු හේතුවෙන් ගෘහස්ථ ගෑස් මිල සංශෝධනය කිරීමට සිදුවූ බව ද ඔහු වැඩිදුරටත් සඳහන් කර තිබිණි.

- Advertisement -spot_img

පුවත්

LEAVE A REPLY

Please enter your comment!
Please enter your name here

- Advertisement -spot_img

අලුත් ලිපි