දැනට බන්ධනාගාරගතව සිටින පූජ්‍ය ගලගොඩඅත්තේ ඥානසාර හිමියන් වෙනත් නඩු කටයුතු සඳහා අධිකරණයට ඉදිරිපත් කිරීමේදී චීවරයෙන් පෙනී සිටීමට අවස්ථාව සලසන ලෙස බන්ධනාගාර බලධාරීන්ට නියෝගයක් නිකුත් කරන ලෙස ඉල්ලා මූලික අයිතිවාසිකම් පෙත්සමක් ශ්‍රේෂ්ඨාධිකරණයට ගොනු කර තිබේ.
විශ්‍රාමික ගුවන් හමුදා නිලධාරියකු වන ශාන්ත ජයතිලක මහතා විසින් මෙම පෙත්සම ගොනු කර ඇත. පෙත්සමේ වගඋත්තරකරුවන් ලෙස බන්ධනාගාර කොමසාරිස් ජනරාල්වරයා, අධිකරණ අමාත්‍යාංශයේ ලේකම්වරයා සහ නීතිපතිවරයා නම් කර තිබේ.
ඥානසාර හිමියන් මේ වනවිට බන්ධනාගාරගතව සිටින බැවින් ඉදිරියේදී වෙනත් නඩු කටයුතු සඳහා අධිකරණය හමුවට ඉදිරිපත් කරන සෑම අවස්ථාවකදීම උන්වහන්සේට භික්ෂූ චීවරයෙන් පෙනී සිටීමට අවශ්‍ය පහසුකම් සලසන ලෙස බන්ධනාගාර බලධාරීන්ට නියෝග කරන ලෙස පෙත්සමෙන් ඉල්ලා ඇත.
