හිටපු ජනාධිපති මහින්ද රාජපක්ෂ මහතාගේ බිරිඳ වන හිටපු ජනාධිපති ආර්යාව ශිරන්ති රාජපක්ෂ මහත්මිය අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අද (07) අත්අඩංගුවට ගෙන තිබේ.
කිරුළපන පිහිටි ඇයගේ නිවසේදී අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් ප්‍රකාශයක් ලබාගැනීමෙන් අනතුරුව මෙම අත්අඩංගුවට ගැනීම සිදුකර ඇති බව වාර්තා වේ.
මෙම අත්අඩංගුවට ගැනීම අල්ලස් කොමිසම විසින් සිදුකරන පවතින විමර්ශනයකට අදාළව සිදුකර ඇති බව සඳහන් වේ.
මේ අතර, ශිරන්ති රාජපක්ෂ මහත්මියට එරෙහිව ක්‍රියාත්මක වූ විමර්ශනය ‘සිරිලිය සවිය’ සංවිධානයේ මූල්‍ය කටයුතු සම්බන්ධයෙන් සිදුකෙරෙන විමර්ශනයකට අදාළ බව මීට පෙර වාර්තා වී තිබිණි. ඇය අත්අඩංගුවට ගැනීම වැළැක්වීම සඳහා ඇයගේ නීතිඥයන් විසින් මාලිගාකන්ද මහේස්ත්‍රාත් අධිකරණයට අපේක්ෂිත ඇප ඉල්ලීමක් ද ඉදිරිපත් කර තිබූ අතර, එම ඉල්ලීම සම්බන්ධයෙන් පොලිස් මූල්‍ය අපරාධ කොට්ඨාෂයේ නිලධාරියෙකුට ඔක්තෝබර් 12 වැනිදා අධිකරණය හමුවේ කරුණු දක්වන ලෙස නොතීසි නිකුත් කර තිබිණි.
