මත්ද්‍රව්‍ය ජාවාරම සම්බන්ධයෙන් හිටපු කොළඹ මහ නගර සභා මන්ත්‍රී මහින්ද කහඳගම මහතා සහ තවත් පුද්ගලයෙකුව කොළඹ අපරාධ කොට්ඨාසය විසින් අත්අඩංගුවට ගෙන තිබේ.
සැකකරුවන් සන්තකයේ තිබී ‘අයිස්’ හෙවත් ක්‍රිස්ටල් මෙතැම්ෆෙටමින් මත්ද්‍රව්‍ය තොගයක්ද සොයාගෙන ඇත.
කහඳගම මහතාව ඊයේ (5) රාත්‍රියේ මිරිහාන ප්‍රදේශයේ අවන්හලක් ආසන්නයේදී අත්අඩංගුවට ගෙන ඇති අතර මූලික විමර්ශනවලදී ඔහු යම් කාලයක් තිස්සේ මත්ද්‍රව්‍ය ජාවාරමේ නිරතව සිට ඇති බවට තොරතුරු අනාවරණය වී ඇතැයි පොලිසිය පවසයි.
අත්අඩංගුවට ගත් අනෙක් පුද්ගලයාද කහඳගම මහතාගේ බව කියන මත්ද්‍රව්‍ය ජාවාරම් කටයුතුවලට සම්බන්ධ බවට චෝදනා එල්ල වී ඇති අතර අත්අඩංගුවට ගත් සැකකරුවන් සම්බන්ධයෙන් වැඩිදුර විමර්ශන මධ්‍යම අපරාධ විමර්ශන කාර්යාංශය විසින් ආරම්භ කර ඇත.
