කථානායක ආචාර්ය ජගත් වික්‍රමරත්න මහතාට එරෙහි විශ්වාසභංග යෝජනාව මේ සතිය තුළ පාර්ලිමේන්තුවට ඉදිරිපත් කිරීමට අපේක්ෂා කරන බව සමගි ජන බලවේගය පවසයි.
ඔක්තෝබර් (5) විපක්ෂ නායක කාර්යාලයේ පැවති විශේෂ සාකච්ඡාවකින් අනතුරුව මාධ්‍ය වෙත අදහස් දක්වමින් SJB පාර්ලිමේන්තු මන්ත්‍රීවරුන් මේ බව සඳහන් කර ඇති අතර විපක්ෂය විශ්වාසභංග යෝජනාව ඉදිරියට ගෙන යාමට සූදානම් වන බැවින් ඉදිරි සතිය කථානායකවරයා සම්බන්ධයෙන් තීරණාත්මක සතියක් වනු ඇතැයි මන්ත්‍රීවරුන් ප්‍රකාශ කර ඇත.
විශ්වාසභංග යෝජනාව සම්බන්ධයෙන් ඉදිරි ක්‍රියාමාර්ග මේ සතිය තුළ පාර්ලිමේන්තුවේදී ගැනීමට නියමිත බවද ඔවුහු සඳහන් කළහ.
