ව්යාජ ඇටෝර්නි බලපත්රයක් භාවිත කරමින් සමාගම් කොටස් විකිණීමෙන් රුපියල් මිලියන 21ක මුදලක් සම්බන්ධයෙන් සාපරාධී විශ්වාසය කඩ කළ බවට චෝදනා එල්ල වී සිටි හිටපු අමාත්ය උදය ගම්මන්පිල මහතා කොළඹ මහාධිකරණය විසින් අද (29) නිදොස් කොට නිදහස් කර තිබේ.
ඕස්ට්රේලියානු ජාතික ව්යාපාරිකයෙකු වන බ්රයන් ෂැඩික් මහතාට අයත් සමාගම් කොටස් ව්යාජ ඇටෝර්නි බලපත්රයක් භාවිත කරමින් විකිණීම හරහා රුපියල් මිලියන 21ක මුදලක් සම්බන්ධයෙන් සාපරාධී විශ්වාසය කඩ කළ බවට ගම්මන්පිල මහතාට එරෙහිව චෝදනා එල්ල වී තිබිණි.
දීර්ඝ නඩු විභාගයකින් අනතුරුව අද තීන්දුව ප්රකාශයට පත් කළ කොළඹ මහාධිකරණ විනිසුරු නදී අපර්ණා සුවඳුරුගොඩ මහත්මිය සඳහන් කර ඇත්තේ විත්තිකරුට එරෙහි චෝදනා සාධාරණ සැකයෙන් ඔබ්බට ඔප්පු කිරීමට පැමිණිල්ල අසමත් වී ඇති බවය. ඒ අනුව උදය ගම්මන්පිල මහතා සියලු චෝදනාවලින් නිදොස් කොට නිදහස් කිරීමට අධිකරණය නියෝග කළේය.
