ශ්රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්රී නාමල් රාජපක්ෂ මහතා ඔක්තෝබර් 13 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ කොටුව මහේස්ත්රාත් අධිකරණය අද (29) නියෝග කළේය.
එයාර්බස් ගනුදෙනුවට අදාළ විමර්ශනයක් සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කර සිටින නාමල් රාජපක්ෂ මහතා, මතභේදාත්මක ‘ක්රිෂ්’ ගනුදෙනුව සහ එයාර්බස් ගනුදෙනුව සම්බන්ධ අධිකරණ කටයුතු සඳහා අද පෙරවරුවේ කොළඹ කොටුව මහේස්ත්රාත් අධිකරණයට ඉදිරිපත් කර තිබිණි.
මේ අතර, ‘ක්රිෂ්’ ගනුදෙනුව සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් කොළඹ ප්රධාන මහේස්ත්රාත් අධිකරණයේ පවරා ඇති නඩුවේ සිව්වැනි සැකකරු ලෙස නාමල් රාජපක්ෂ මහතා නම් කර තිබේ.
