එයාර්බස් ගනුදෙනුව සම්බන්ධයෙන් චෝදනා එල්ල වී රක්ෂිත බන්ධනාගාරගත කර සිටින ශ්රී ලංකා පොදුජන පෙරමුණේ ජාතික සංවිධායක සහ පාර්ලිමේන්තු මන්ත්රී නාමල් රාජපක්ෂ මහතා සැප්තැම්බර් 30 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ කොටුව මහේස්ත්රාත් අධිකරණය අද (23) නියෝග කළේය.
නාමල් රාජපක්ෂ මහතා ඉදිරිපත් කර තිබූ ඇප ඉල්ලීම සම්බන්ධයෙන් අධිකරණ නියෝගය අද ප්රකාශයට පත් කිරීමට නියමිතව තිබිණි. කෙසේ වෙතත් ඇප ඉල්ලීම සම්බන්ධයෙන් කරුණු කිහිපයක් පැහැදිලි කරන ලෙස මහේස්ත්රාත්වරයා අපරාධ පරීක්ෂණ දෙපාර්තමේන්තුවට දැනුම් දී තිබේ.
ඒ අනුව අදාළ තොරතුරු සැප්තැම්බර් 30 වැනිදා අධිකරණයට ඉදිරිපත් කරන ලෙස අපරාධ පරීක්ෂණ දෙපාර්තමේන්තුවට නියෝග කළ මහේස්ත්රාත්වරයා, ඉන් අනතුරුව නාමල් රාජපක්ෂ මහතාගේ ඇප ඉල්ලීම සම්බන්ධයෙන් නියෝගය ලබාදෙන බව සඳහන් කළේය.
