සංවිධානාත්මක අපරාධකරුවන් ලෙස සැලකෙන නදුන් චින්තක වික්රමරත්න හෙවත් ‘හරක් කටා’ සහ මැදිනු පද්මසිරි හෙවත් ‘කෙහෙල්බද්දර පද්මේ’ අතර ඇති වූ ගැටුමක් සම්බන්ධයෙන් බන්ධනාගාර දෙපාර්තමේන්තුව විශේෂ විමර්ශනයක් ආරම්භ කර තිබේ.
සිද්ධිය සම්බන්ධයෙන් විමර්ශනය කිරීම සඳහා සහකාර බන්ධනාගාර අධිකාරිවරයෙකු පත් කර ඇති බව බන්ධනාගාර දෙපාර්තමේන්තුවේ ආරංචි මාර්ග සඳහන් කරයි.
වැලිසර බන්ධනාගාරයේ රඳවා සිටින මෙම සැකකරුවන් දෙදෙනා අතර සැප්තැම්බර් 22 සවස ගැටුමක් හටගෙන ඇති අතර එහිදී ‘කෙහෙල්බද්දර පද්මේ’ තුවාල ලබා අනතුරුව ඔහු වෛද්ය ප්රතිකාර සඳහා යොමු කර ඇති අතර, මේ වනවිට වැලිසර බන්ධනාගාර රෝහලේ ප්රතිකාර ලබමින් සිටින බව බන්ධනාගාර දෙපාර්තමේන්තුව වැඩිදුරටත් සඳහන් කරයි.
