පාර්ලිමේන්තුවේ හිටපු නියෝජ්‍ය මහලේකම් චමින්ද කුලරත්න මහතාගේ වැඩ තහනම් කිරීමට එරෙහිව කථානායකවරයාට එරෙහිව ගොනු කර ඇති පෙත්සම සම්බන්ධයෙන් වැඩිදුර සලකා බැලීම නොවැම්බර් 17 වැනිදා දක්වා කල් තැබීමට අභියාචනාධිකරණය අද (6) නියෝග කළේය.
අද පෙත්සම කැඳවූ අවස්ථාවේදී පෙත්සම්කරු වෙනුවෙන් පෙනී සිටි ජනාධිපති නීතිඥ සංජීව ජයවර්ධන මහතා සිය කරුණු දැක්වීම අවසන් කර තිබුණු අතර ඉන් අනතුරුව පෙත්සම සම්බන්ධයෙන් වැඩිදුර සලකා බැලීම නොවැම්බර් 17 වැනිදා දක්වා කල් තැබීමට අධිකරණය නියෝග කළේය.
