අභියාචනාධිකරණ විනිසුරු මයාදුන්න ශ්රී මේවන් ඇන්තනි එදිරිමාන්නසූරිය කොරෙයා මහතා වැඩබලන අභියාචනාධිකරණ සභාපතිවරයා ලෙස ජනාධිපති අනුර කුමාර දිසානායක මහතා විසින් පත් කර ඇති බව ජනාධිපති මාධ්ය අංශය සඳහන් කර ඇත.
අභියාචනාධිකරණයේ වත්මන් සභාපති ජනාධිපති නීතිඥ නලින් රොහාන්ත අබේසූරිය මහතා සැප්තැම්බර් 24 වැනිදා දක්වා විදෙස්ගතව සිටීම හේතුවෙන් මෙම පත්කිරීම සිදුකර ඇති බවත් විනිසුරු එදිරිමාන්නසූරිය මහතා සැප්තැම්බර් 21 දින පෙරවරුවේ ජනාධිපති ලේකම් කාර්යාලයේදී ජනාධිපති අනුර කුමාර දිසානායක මහතා ඉදිරියේ වැඩබලන අභියාචනාධිකරණ සභාපතිවරයා ලෙස දිවුරුම් දී තිබේ. ජනාධිපති ලේකම් ආචාර්ය නන්දික සනත් කුමානායක මහතා ද එම දිවුරුම් දීමේ අවස්ථාවට සහභාගි වී ඇත.
