මීගමුව, මහර, නව මැගසින්, පල්ලන්සේන සහ කුරුවිට බන්ධනාගාරවල පසුගිය දිනවල ඇති වූ නොසන්සුන්කාරී තත්ත්වයන් හේතුවෙන් සිදුව ඇති දේපළ හානිය රුපියල් මිලියන 255කට අධික බව අනාවරණය වී තිබේ.
ජනාධිපති අනුර කුමාර දිසානායක මහතාගේ ප්රධානත්වයෙන් අගෝස්තු 10 දින ජනාධිපති කාර්යාලයේදී පැවැති “රටම එකට” ජාතික මෙහෙයුම් සභා රැස්වීමේදී මේ බව අනාවරණය වී ඇත.බන්ධනාගාර තුළ රැඳවියන් කළහකාරී ලෙස හැසිරීම අවම කිරීම සඳහා වැඩි වශයෙන් මනෝ වෛද්යවරුන්ගේ සේවය ලබා ගැනීම පිළිබඳවද එහිදී සාකච්ඡා කර ඇත.
රැඳවියන්ගේ මානසික තත්ත්වය පිළිබඳ අවධානය යොමු කරමින් ඔවුන්ට අවශ්ය මනෝ වෛද්ය සහ මනෝ සමාජීය සහාය ලබාදීමේ ක්රමවේද තවදුරටත් ශක්තිමත් කිරීම සම්බන්ධයෙන්ද මෙහිදී අවධානය යොමු වී තිබේ. පසුගිය දිනවල බන්ධනාගාර කිහිපයක ඇති වූ නොසන්සුන්කාරී තත්ත්වයන් හමුවේ බන්ධනාගාර පද්ධතියේ ආරක්ෂාව, පරිපාලනය සහ රැඳවියන්ගේ මානසික සෞඛ්යය සම්බන්ධයෙන් විශේෂ අවධානයක් යොමු වී තිබේ.
