දූෂණ චෝදනාවක් සම්බන්ධයෙන් හිටපු ධීවර අමාත්ය රාජිත සේනාරත්න මහතාට එරෙහිව අල්ලස් හෝ දූෂණ චෝදනා විමර්ශන කොමිෂන් සභාව විසින් කොළඹ මහාධිකරණය හමුවේ අධි චෝදනා ගොනු කර තිබේ.
ධීවර අමාත්යවරයා ලෙස කටයුතු කළ සමයේ කිරින්ද ධීවර වරායේ වැලි ඉවත් කිරීමේ කටයුතු කොරියානු සමාගමකට පැවරීමේදී රජයට පාඩුවක් සිදුකළ බවට සහ අදාළ කටයුතු සඳහා කොරියානු සමාගමක් තෝරාගැනීමේදී නියමිත ක්රමවේදයන්ට පටහැනිව කටයුතු කරමින් රජයට මූල්ය අලාභයක් සිදු කළ බවට රාජිත සේනාරත්න මහතාට එරෙහිව චෝදනා එල්ල වී තිබේ.
මෙම චෝදනා සම්බන්ධයෙන් අල්ලස් කොමිසම විසින් සිදුකළ විමර්ශනවලින් අනතුරුව හිටපු අමාත්යවරයාට එරෙහිව කොළඹ මහාධිකරණය හමුවේ අධි චෝදනා ගොනු කර ඇත.
