ශ්රේෂ්ඨාධිකරණ සහ අභියාචනාධිකරණ විනිසුරුවරුන්ගේ විශ්රාම වයස් සීමා සංශෝධනය කිරීම සඳහා වන 22 වැනි ආණ්ඩුක්රම ව්යවස්ථා සංශෝධන පනත් කෙටුම්පත අධිකරණ හා ජාතික ඒකාබද්ධතා අමාත්යවරයාගේ නියමය පරිදි ගැසට් කර තිබේ.
ගැසට් කර ඇති පනත් කෙටුම්පතට අනුව, ශ්රේෂ්ඨාධිකරණ විනිසුරුවරුන්ගේ විශ්රාම වයස් සීමාව අවුරුදු 67 දක්වා ඉහළ නැංවීමට යෝජනා කර ඇති අතර අභියාචනාධිකරණ විනිසුරුවරුන්ගේ විශ්රාම වයස් සීමාව අවුරුදු 65ක් ලෙස සංශෝධනය කිරීමටද යෝජනා කර ඇත.
එමෙන්ම අගවිනිසුරුවරයාගේ ධුර කාලය සම්බන්ධයෙන්ද විශේෂ විධිවිධානයක් පනත් කෙටුම්පතට ඇතුළත් කර තිබේ. ඒ අනුව අගවිනිසුරුවරයා විශ්රාම ගත යුතු වන්නේ ඔහු වයස අවුරුදු 67 සම්පූර්ණ කරන දිනය හෝ අගවිනිසුරු ධුරයට පත්වූ දිනයේ සිට වසර හයක කාලයක් සම්පූර්ණ වන දිනය යන දිනයන් දෙකෙන් කලින් එළැඹෙන දිනයේදීය.
මෙම සංශෝධන පනත් කෙටුම්පත ඉදිරි නීතිමය ක්රියාවලිය සඳහා පාර්ලිමේන්තුවට ඉදිරිපත් කිරීමට නියමිත අතර එය මේ වන විට දේශපාලන සහ නීතිමය ක්ෂේත්ර තුළ පුළුල් අවධානයට ලක්ව තිබේ.
