ශ්රී ලංකා පොලිසියේ 35 වැනි පොලිස්පතිවරයා ලෙස කටයුතු කළ හිටපු පොලිස්පති සී. ඩී. වික්රමරත්න මහතා වෙඩි වැදීමකින් මියගොස් ඇති බව පොලිස් මාධ්ය කොට්ඨාසය නිවේදනයක් නිකුත් කර ඇත.
ජුලි 17 උදෑසන මාලඹේ පොලිස් වසමේ පරාක්රම පාර ප්රදේශයේ පිහිටි සිය නිවසේදී ඔහු වෙඩි වැදී තුවාල ලබා සිටියදී නැගෙනහිර කොළඹ ශික්ෂණ රෝහලට ඇතුළත් කර ඇති අතර ප්රතිකාර ලබමින් සිටියදී මියගොස් ඇති බවට මාලඹේ පොලිසියට තොරතුරු ලැබී තිබේ. ඒ අනුව සිද්ධිය සම්බන්ධයෙන් විමර්ශන ආරම්භ කර ඇති බව පොලිසිය සඳහන් කරයි.
මෘත ශරීරය පශ්චාත් මරණ පරීක්ෂණය සඳහා නැගෙනහිර කොළඹ ශික්ෂණ රෝහලේ තැන්පත් කර ඇති අතර, බස්නාහිර පළාත දකුණ දිසා අපරාධ කොට්ඨාසය සහ මාලඹේ පොලිසිය එක්ව වැඩිදුර විමර්ශන සිදු කරමින් සිටියි. සී. ඩී. වික්රමරත්න මහතා 2020 නොවැම්බර් 27 වැනිදා සිට 2023 නොවැම්බර් 23 වැනිදා දක්වා ශ්රී ලංකා පොලිසියේ 35 වැනි පොලිස්පතිවරයා ලෙස සේවය කර ඇත.
