අග්රාමාත්ය සහ අධ්යාපන, උසස් අධ්යාපන සහ වෘත්තීය අධ්යාපන අමාත්ය හරිනි අමරසූරියගේ ප්රධානත්වයෙන් 2026 වර්ෂයේ මාර්තු 15 වැනිදා තංගල්ල නගර ශාලාවේදී පැවති විශේෂ රැස්වීමට සහභාගී නොවූ ගුරුවරුන් සම්බන්ධයෙන් කරුණු සඳහන් කර වාර්තාක් ලබාදෙන ලෙස තංගල්ල කලාප අධ්යාපන කාර්යාලයේ කලාප අධ්යක්ෂ ඩබ්ලිව්. ඒ. එස්. ඩී. කල්යාණි මහත්මියගේ අත්සනින් යුතු ලිපියක් එම කලාපයේ සියලුම පාසල් විදුහල්පතිවරුන් වෙත උපදෙස් ලබා දී ඇත.
අදාල ලිපිය මාර්තු 24 වන දින තංගල්ල කලාප අධ්යක්ෂ ඩබ්ලිව්. ඒ. එස්. ඩී. කල්යාණි මහත්මිය විසින් පාසල් වෙත යවා ඇත. අදාළ රැස්වීම සඳහා තම පාසල් නියෝජනය කරමින් සහභාගී නොවූ ගුරුවරුන්ගේ නොපැමිණීමට බලපෑ හේතු පැහැදිලි කරමින් මාර්තු 26 දිනට පෙර එම තොරතුරු කලාප අධ්යාපන කාර්යාලය වෙත ඉදිරිපත් කරන ලෙසත් අදාල ලිපියේ සඳහන් කර ඇත.
මේ පිළිබඳව අදහස් දක්වමින් ලංකා ගුරු සංගමයේ ලේකම් ජෝසප් ස්ටාලින් මහතා පැවසූවේ ගුරුවරුන් නිවාඩු දිනයක අගමැතිවරිය සහභාගි වන රැස්වීමකට කැඳවීම නිතිවිරෝධි වැඩක් බවත් තමන්ගේ බලය පාවිච්චි කරමින් හරිනි අමරසූරිය අගමැතිය සිදු කරමින් සිටින්නේද ජාතික ජනබලවේගය බලයට පැමිණිමට පෙර ප්රතික්ෂේප කළ සාම්ප්රදායික දේශපාලනයේ දිගුවක් බවය.
තවද ඒ මහතා පවසා සිටියේ අදාල රැස්වීම සහභාගි නොවු ගුරුවරුන්ගේ නම් කලාප කාර්යාල වෙත යැවිම විදුහල්පතිවරුන්ගේ රාජකාරියක් නොවන බවය.
