දෙහිවල පිහිටි ඊශ්රායලයේ චාබට් ක්ලබ් ආසන්නයේ 2024 වර්ෂයේ ඔක්තොබර් 23 වන දින තමන්ගේ ජාතික හැදුනුම්පත නොමැති නිසා දෙහිවල පොලිසියෙන් අත්අඩංගුවට ගෙන පසුව ඊශ්රායල ධජයට අගෞරවයක් වන ආකාරයේ සමාජ මාධ්ය පළ කිරීමක් සිදු කළ බවට චෝදනා කරමින් ත්රස්තවාදය වැළැක්වීමේ පනත යටතේ මාස 9කට ආසන්න කාලයක් රිමාන්ඩ් භාරයට පත්කරන ලද මාවනැල්ල ප්රදේශයේ පදිංචි මොහොමඩ් රිෆායි මොහොමඩ් සුහෙල් අත්අඩංගුවට ගැනීම සම්බන්ධයෙන් එවක දෙහිවල පොලිස් ස්ථානාධිපති එච්.එම්.ඒ.බී. හේරත් මාර්තු 23 වන දින ශ්රේෂ්ඨාධිකරණය හමුවේ සමාව ඉල්ලා ඇත.
මොහොමඩ් සුහෙල් තරුණයාව තරුණයාව අත්අඩංගුවට ගැනීම තමන්ගේ මඟපෙන්වීමට යටතේ සිදුව ඇති බවත් එම අත්අඩංගුවට ගැනීම හේතුවෙන් මොහොමඩ් සුහෙල් මහතාගේ මූලික අයිතිවාසිකම් උල්ලංඝණය වී ඇති බව පිළිගෙන ඇති අතර එවක දෙහිවල පොලිසියේ පොලිස් ස්ථානාධිපති හේරත් මහතා ඒ සම්බන්ධයෙන් විවෘත අධිකරණයේ සමාව ඉල්ලා ඇත.
තවද ඒ සඳහා රුපියල් මිලියන දෙකක වන්දියක් ගෙවීමට එවක දෙහිවල පොලිසියේ පොලිස් ස්ථානාධිපති හේරත් මහතා එකඟ වී ඇති අතර එම මුදල විවෘත අධිකරණයේදීම තරුණයා වෙත භාර දී ඇත.
මෙම සිද්ධිය සම්බන්ධයෙන් තරුණයා විසින් ගොනු කළ මූලික අයිතිවාසිකම් පෙත්සම අද අගවිනිසුරු ප්රීති පද්මන් සූරසේන, ජනක් ද සිල්වා සහ සම්පත් විජේරත්න යන විනිසුරු මඩුල්ල ඉදිරියේ කැඳවනු ලැබිණි.
පෙත්සම්කරු වෙනුවෙන් පෙනී සිටි නීතීඥ හිජාස් හිස්බුල්ලා අධිකරණයට දන්වා සිටියේ වග උත්තරකාර පොලිස් නිලධාරීන් මහේස්ත්රාත් අධිකරණයට වැරදි කරුණු ඉදිරිපත් කරමින් තම සේවාදායකයා ත්රස්තවාදය වැළැක්වීමේ පනත යටතේ දිගු කාලයක් රිමාන්ඩ් භාරයට පත් කළ බවය. තම සේවාදායකයා අත්අඩංගුවට ගැනීම සම්බන්ධයෙන් ත්රස්තවාදය වැළැක්වීමේ පනත යටතේ නීතිපතිවරයා විසින් නඩු පැවැරීම සඳහා පදනමක් නොමැති බවට උපදෙස් ලබා දීමෙන් අනතුරුව ගල්කිස්ස මහේස්ත්රාත් අධිකරණය මගින් ඔහු නිදහස් කර ඇති බවත් මාර්තු 23 වන දින විවෘත අධිකරණය ඉදිරියේ එවක දෙහිවල පොලිසියේ ස්ථානාධිපතිවරයා විසින් සමාව ඉල්ලූ බවත්, තමන්ගේ මෙහෙයවීමෙන් සිදු වූ අදාල අත්අඩංගුවට ගැනීම නිසා තම සේවාදායකයාගේ මූලික අයිතිවාසිකම් කඩවී ඇති බවට පිළිගත් බවත් ඒ සඳහා වන්දි මුදලක් විවෘත අධිකරණය ඉදිරියේ තම සේවාදායකයාට එවක දෙහිවල පොලිසියේ ස්ථානාධිපතිවරයා ලබා දුන් බවත් නීතීඥවරයා සඳහන් කළේය.
මේ අතර, මෙම නඩුව සමථයකින් අවසන් කිරීමේ හැකියාව පිළිබඳව වගඋත්තරකාර පාර්ශවය විසින් අධිකරණයට දැනුම් දී තිබේ.
මොහොමඩ් සුහෙල්ගේ අත්අඩංගුවට ගැනීම පිළිබඳව අනිද්දා පුවත්පත 2025 වර්ෂයේ ජුනි 29 දින වාර්තා කළේය.
ත්රස්ත මර්දන පනත යටතේ අත්අඩංගුවට ගෙන මාස 09ක කාලයක් බන්ධනාගාර ගත කර සිටි මොහොමඩ් සූහීල්ට ඇප
