නිවාස සංකීර්ණයක ඇති නිවාස කිහිපයක් නීතිවිරෝධි අන්දමින් පුද්ගලයන් කිහිදෙනෙකුට ලබා දීම සම්බන්ධයෙන් ප්රශ්න කිරීමට හිටපු ජනාධිපති ගෝඨාභය රාජපක්ෂ මහතා අල්ලස් හෝ දූෂණ විමර්ශන කොමිෂන් සභාවට මාර්තු 17 දින ප්රකාශයක් ලබා දීමට පැමිණ ඇත.
අදාල නිවාස ලබා දීමේ සිද්ධිය සම්බන්ධයෙන් නිරේදේශයක් නිකුත් කරමින් ලිපි නිකුත් කිරීම සම්බන්ධයෙන් හිටපු අගවිනිසුරුවරයෙකු හා නීතිපතිවරයෙකු වූ මොහාන් පීරිස් මහතාගෙන්ද අල්ලස් හෝ දූෂණ විමර්ශණ කොමිෂන් සභාව පසුගිය පෙබරවාරි 16 දින ප්රකාශයක් ගෙන තිබිණි.
මෙම සිද්ධිය සම්බන්ධයෙන් ප්රශ්න කිරීමට පෙබරවාරි 13 වන දින හිටපු ජනාධිපති ගෝඨාභය රාජපක්ෂට අල්ලස් හෝ දූෂණ විමර්ශන කොමිෂන් සභාව හමුවේ පෙනීසිටින ලෙස දැනුම් දී තිබුණු නමුත් තමන් කාලයක් තිස්සේ සැලසුම් කළ සිංගප්පූරු සංචාරයකට නිරත වීමට ඇති බැවින් ඒ සඳහා වෙනත් දිනයක් ලබා දෙන ලෙස ඔහු කොමිෂන් සභාව වෙත ලිඛිතව දැනුම් දී තිබේ.
ගෝඨාභය රාජපක්ෂ මහතාව මෙසේ අල්ලස් හෝ දූෂණ විමර්ශන කොමිෂන් සභාව වෙත කැඳවා ඇත්තේ ගෝඨාභය රාජපක්ෂ මහතා ආරක්ෂක අමාත්යංශයේ ලේකම්වරයා ලෙස කටයුතු කරන කාලය තුළදී කොළඹට ආසන්න ප්රදේශයක නිවාස සංකීරණයක නිවාස ගණනාවක් නිත්යානූකූල නොවන ආකාරයෙන් පුද්ගලයන් කිහිපදෙනෙකුට ලබා දීමට ලිපි නිකුත් කිරීමට අදාල සිදුකරන විමර්ශනයක් සම්බන්ධයෙන් ප්රකාශ ලබා ගැනීම සඳහාය.
නීතිවිරෝධි නිවාස ලබා දීමක් ගැන.. හිටපු අගවිනිසුරු මොහෙන් පීරිස්ව අල්ලස් කොමිසමෙන් ප්රශ්න කරයි
