මාර්තු 18 වන බදාදා දින සිට රජයේ නිවාඩු දිනයක් ලෙස ප්රකාශයට පත් කර ඇති සෑම බදාදා දිනය සඳහාම රජයේ පාසල් පෞද්ගලික පාසල්, උසස් අධ්යාපන ආයතන සඳහා නිවාඩු ලබා දී ඇති බැවින් රජයේ අනුමත පෞද්ගලික පාසල් ද එම දිනයේ නොපැවැත්වීමට ඉල්ලීමක් කර ඇති බව අධ්යාපන අමාත්යාංශය නිවේදනයක් නිකුත් කරමින් පවසා ඇත.
අධ්යාපන ලේකම් නාලක කලුවැව මහතා අත්සන සහිතව නිකුත් කර ඇති අදාල නිවේදනයේ සඳහන් කර ඇත්තේ, ජාත්යන්තර පාසල් සඳහා බදාදා දින නිවාඩු දිනයක් ලෙස පත්කිරීමේ ක්රමවේදය අනුගමනය කරන ලෙසය.
තවද සතියේ සෑම බදාදා දිනකම පෙර පාසල් නොපැවැත්වීමට කාන්තා හා ළමා කටයුතු අමාත්යාංශය අදාල ආයතනවලට උපදෙස් දී ඇති අතර සෑම බදාදා දිනකම උපකාරක පන්ති සහ දේශන නොපවත්වන ලෙසත් රජය විසින් පෞද්ගලික පන්ති පවත්වන ගුරුවරුන්ට දැනුම් දී ඇති බවත් වාර්තාවේ.
