හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මිය පැය 4කට කාලයක් ප්රකාශයක් ලබා දීමෙන් අනතුරුව පොලිස් මූල්ය අපරාධ කොට්ඨාශයෙන් පිටව ගොස් ඇති බව වාර්තා වේ.
හිටපු ජනාධිපති මහින්ද රාජපක්ෂ මහතා ජනාධිපති ධූරය දැරූ සමයේ ශිරන්ති රාජපක්ෂ මහත්මිය තවත් දෙදෙනෙකු සමඟ හවුල් ගිණුමක් ලෙස පවත්වාගෙන ගිය සිරිලිය ගිණුම හරහා සිදුව ඇතැයි පැවසෙන මූල්ය වංචා සම්බන්ධයෙන් සිදුකරන විමර්ශනයකට අදාළව ප්රකාශයක් ගැනීමට ශිරන්ති රාජපක්ෂ මහත්මිය මෙසේ පොලිස් මූල්ය අපරාධ විමර්ශන කොට්ඨාසය හමුවේ ප්රකාශයක් ලබා දී තිබිණි.
2026 ජනවාරි 27 වැනි දින ඇයට ප්රකාශයක් ලබා දීමට පොලිස් මූල්ය අපරාධ කොට්ඨාෂය හමුවට කැඳවා තිබූ නමුත් ඇය එදින නොපැමිණ තිබුණු අතර නීතිඥවරුන් මාර්ගයෙන් දැනුම් දී තිබුණේ පෙබරවාරි 03 වෙනි දින පැමිණිය හැකි බවය.
සිරිලිය ගිණූම සම්බන්ධයෙන් මුලින්ම හෙළිදරව් කරනු ලැබූවේ අනිද්දා පුවත්පතේ නියෝජ්ය කර්තෘ ලසන්ත රැහුණගේය.
ශිරන්ති රාජපක්ෂ මහත්මිය පොලිස් මූල්ය අපරාධ කොට්ඨාෂයට පැමිණි අවස්ථාව – https://www.facebook.com/share/v/1DZjqBFket/
