රක්ෂිත බන්ධනාගාරගතව සිටින හිටපු ජනාධිපති ආර්යා ශිරන්ති රාජපක්ෂ මහත්මිය අක්ෂි විශේෂඥ වෛද්‍ය පරීක්ෂාවක් සඳහා අද (09) පෙරවරුවේ කොළඹ ජාතික අක්ෂි රෝහලට රැගෙන ගොස් පසුව යළි බන්ධනාගාරය වෙත ගෙන ගොස් තිබේ.
ඇයට පවතින අක්ෂි රෝගී තත්ත්වයක් හේතුවෙන් වෛද්‍ය ප්‍රතිකාර ලබාදීම සඳහා බන්ධනාගාර නිලධාරීන් විසින් ඇය රෝහල වෙත රැගෙන ගොස් ඇත. ඊයේ (08) ඇය බන්ධනාගාර වෛද්‍ය විශේෂඥවරයකු වෙත යොමු කර තිබූ අතර, එහිදී වැඩිදුර පරීක්ෂාවක් සඳහා ජාතික අක්ෂි රෝහලේ විශේෂඥ වෛද්‍යවරයකු වෙත යොමු කිරීමට නිර්දේශ කර තිබේ.
ඒ අනුව අද පෙරවරුවේ ඇය ජාතික අක්ෂි රෝහල වෙත රැගෙන ගොස් අවශ්‍ය වෛද්‍ය පරීක්ෂාවට ලක් කිරීමෙන් අනතුරුව යළි බන්ධනාගාර භාරයට පත් කර ඇත.
