‘අපේ ආණ්ඩුව – වසර දෙකයි, රටට සුබයි’ තේමාව යටතේ වත්මන් ආණ්ඩුවේ දෙවසරක ගමන් මඟ පිළිබඳ කරුණු ඇතුළත් විශේෂ අතිරේක සම්බන්ධයෙන් තොරතුරු දැනගැනීමේ අයිතිවාසිකම පිළිබඳ පනත යටතේ ඉදිරිපත් කළ තොරතුරු ඉල්ලීමක් ලේක් හවුස් ආයතනය විසින් ප්‍රතික්ෂේප කර තිබේ.
Whatnews මාධ්‍ය ආයතනයේ මාධ්‍යවේදී පසිඳු සඳරුවන් විසින් මෙම තොරතුරු ඉල්ලීම ඉදිරිපත් කර ඇති අතර එම තොරතුරු ලබා නොදිය හැකි බව පවසමින් ලේක් හවුස් ආයතනයේ තොරතුරු නිලධාරි සුමිත් කොතලාවල 2026 ඔක්තෝබර් 1 වැනිදා මාධ්‍යවේදී පසිඳු වෙත ලිපියක් යොමු කර තිබේ.
අදාල අතිරේකය සැප්තැම්බර් 20 දින සිළුමිණ, තිනකරන් වාර මංජරී සහ Sunday Observer පුවත්පත් සමඟ නිකුත් කර තිබිණි. සිළුමිණ අතිරේකය පිටු 100කින්ද, තිනකරන් වාර මංජරී අතිරේකය පිටු 84කින්ද, Sunday Observer අතිරේකය පිටු 84කින්ද සමන්විත තිබිණි. වත්මන් ආණ්ඩුවේ දෙවසරක පාලන කාලය තුළ ක්‍රියාත්මක කළ වැඩසටහන්, ජනතා සුබසාධන සහ සංවර්ධන වැඩපිළිවෙළ මෙන්ම ඉදිරි වැඩසටහන් පිළිබඳ තොරතුරු ජනතාව වෙත ගෙන යෑමට අදාල අතිරේකය නිකුත් කර තිබිණි.
අදාළ තොරතුරු ඉල්ලීම මගින් ‘අපේ ආණ්ඩුව’ දැන්වීම සහ අතිරේකය ලේක් හවුස් ආයතනය විසින් ගාස්තු අයකර ප්‍රකාශයට පත් කළේද යන්නයි. එසේ නම් ඒ සඳහා අය කළ මුදල කොපමණද, දැන්වීම සහ අතිරේකය ප්‍රකාශයට පත් කිරීම සඳහා ලේක් හවුස් ආයතනයට ඇණවුම ලබාදුන් පුද්ගලයා හෝ ආයතනය කවුරුන්ද, එහි ලිපිනය කුමක්ද සහ ඊට අදාළ අනෙකුත් තොරතුරු මොනවාද යන්නය.
අදාල අතිරේකය පිළිබඳව අනිද්දා මීට පෙර සිදු කළ වාර්තාව
