දූෂණ චෝදනා සම්බන්ධයෙන් හිටපු රාජ්‍ය අමාත්‍ය ශෂීන්ද්‍ර රාජපක්ෂ ඇතුළු විත්තිකරුවන් තිදෙනෙකුට එරෙහිව අල්ලස් හෝ දූෂණ චෝදනා විමර්ශන කොමිසම විසින් පවරා ඇති නඩුව ප්‍රතික්ෂේප කරන ලෙස විත්තිකරුවන් විසින් ඉදිරිපත් කළ මූලික විරෝධතා කොළඹ මහාධිකරණය විසින් ප්‍රතික්ෂේප කර තිබේ.
ඒ අනුව දැනට පවතින අධිචෝදනා යටතේ නඩුව ඉදිරියට පවත්වාගෙන යාමට කොළඹ මහාධිකරණ විනිසුරු රවීන්ද්‍ර ප්‍රේමරත්න මහතා නියෝග කළේය. විත්තිකරුවන් විසින් ඉදිරිපත් කර තිබූ මූලික විරෝධතා සලකා බැලීමෙන් අනතුරුව අධිකරණය මෙම නියෝගය නිකුත් කර තිබේ.
ඒ අනුව ශෂීන්ද්‍ර රාජපක්ෂ ඇතුළු විත්තිකරුවන් තිදෙනාට එරෙහි දූෂණ චෝදනා සම්බන්ධ නඩු විභාගය ඉදිරියට පවත්වාගෙන යාමට නියමිතය.
