මාර්ග අනතුරක් සම්බන්ධයෙන් අත්අඩංගුවට ගත් ජාතික ජන බලවේගයේ පාර්ලිමේන්තු මන්ත්‍රී චන්දන සූරියආරච්චි මහතා ඇප මත මුදාහැර තිබේ.
හෝමාගම මහේස්ත්‍රාත් අධිකරණය මන්ත්‍රීවරයා රුපියල් ලක්ෂයක පෞද්ගලික ඇපයක් මත මුදාහැරීමට නියෝග කර ඇත.
පනාගොඩ ප්‍රදේශයේ ඊයේ (07) රාත්‍රියේ සිදුවූ මාර්ග අනතුරක් සම්බන්ධයෙන් අතුරුගිරිය පොලිසිය විසින් මන්ත්‍රීවරයා අත්අඩංගුවට ගෙන තිබුණි. පොලිසිය සඳහන් කළේ මන්ත්‍රීවරයා ධාවනය කළ මෝටර් රථය මාර්ගය හරහා ගමන් කරමින් සිටි පදිකයකුගේ ගැටීමෙන් අනතුර සිදුව ඇති බවයි.
