දූෂණ චෝදනාවක් සම්බන්ධයෙන් අත්අඩංගුවට ගෙන රක්ෂිත බන්ධනාගාරගත කර සිටි ජාතික ගමනාගමන කොමිෂන් සභාවේ හිටපු සභාපති රේණුක පෙරේරා මහතා රුපියල් ලක්ෂ 50 බැගින් වූ ශරීර ඇප දෙකක් මත මුදාහැරීමට අධිකරණය නියෝග කර තිබේ.
දක්ෂිණ අධිවේගී මාර්ගයේ මගී ප්රවාහන සේවා සඳහා නීත්යානුකූල ක්රමවේදයෙන් බැහැරව මාර්ග ධාවන බලපත්ර 56ක් නිකුත් කිරීම සම්බන්ධයෙන් ඔහුට චෝදනා එල්ල වී ඇත.
1991 අංක 37 දරන ජාතික ගමනාගමන කොමිෂන් සභා පනතේ විධිවිධාන සහ 2014 සැප්තැම්බර් 19 වැනිදා ගනු ලැබූ අමාත්ය මණ්ඩල තීරණයේ නිර්දේශ උල්ලංඝනය කරමින් එම බලපත්ර නිකුත් කර ඇති බව අල්ලස් හෝ දූෂණ චෝදනා විමර්ශන කොමිෂන් සභාව චෝදනා කරයි.
එමෙන්ම, අදාළ බලපත්ර සඳහා වාර්ෂික ගාස්තු එකවර අයකර ගැනීමකින් තොරව බලපත්ර නිකුත් කිරීමෙන් රජයට අලාභයක් සිදුකර බාහිර පාර්ශ්වයකට අයුතු වාසියක් සලසා ඇති බවට ද චෝදනා එල්ල වී තිබේ.
මෙම සිද්ධිය සම්බන්ධයෙන් රේණුක පෙරේරා මහතා සැප්තැම්බර් 17 වැනිදා අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගනු ලැබීය.
