හිටපු ජනාධිපති ගෝඨාභය රාජපක්ෂ මහතාගේ හිටපු පෞද්ගලික ලේකම් සුගීශ්වර බණ්ඩාර මහතා ඔක්තෝබර් 7 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ මහේස්ත්රාත් අධිකරණය අද (23) නියෝග කර තිබේ.
හිටපු ජනාධිපති ගෝඨාභය රාජපක්ෂ මහතාගේ ලේකම්වරයෙකු ලෙස 2022 වසරේ කටයුතු කළ සමයේ ජනාධිපතිවරයාගේ වියදම් ශීර්ෂය යටතේ වැටුප් දෙකක් ලබාගත් බවට සුගීශ්වර බණ්ඩාර මහතාට චෝදනා එල්ල වී තිබේ. එමෙන්ම හිටපු ජනාධිපති රනිල් වික්රමසිංහ මහතා ජනාධිපති ධුරය දැරූ සමයේ ජනාධිපති ලේකම් කාර්යාලයේ ව්යාපෘති අධ්යක්ෂවරයෙකු ලෙස ද ඔහු කටයුතු කර ඇති බවට සඳහන් වේ.
අදාළ චෝදනා සම්බන්ධයෙන් අධිකරණයට ඉදිරිපත් කිරීමෙන් අනතුරුව ඔහු මෙලෙස තවදුරටත් රක්ෂිත බන්ධනාගාරගත කර තිබේ.
