මුදල් විශුද්ධිකරණය වැළැක්වීමේ පනත යටතේ යෝෂිත රාජපක්ෂ මහතාට එරෙහිව පවරා ඇති නඩුවේදී අසත්ය සාක්ෂි ලබාදුන් බවට චෝදනා එල්ල වී ඇති සාක්ෂිකරුවෙකුට එරෙහිව නීතිමය පියවර ගන්නා බව නීතිපතිවරයා කොළඹ මහාධිකරණයට අද (10) දැනුම් දී තිබේ.
නඩුව අද විභාගයට ගත් අවස්ථාවේදී නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජනරාල් ජානක බණ්ඩාර මහතා අධිකරණයේ අවධානය යොමු කර ඇත්තේ පාලිත ගමගේ නමැති සාක්ෂිකරු පොලිසියට මීට පෙර ලබාදුන් ප්රකාශයට පරස්පර සාක්ෂියක් ලබාදෙමින් සිටින බවටය.
ඒ අනුව, අසත්ය සාක්ෂි ලබාදීම සම්බන්ධයෙන් එම සාක්ෂිකරුට එරෙහිව නීතිමය පියවර ගන්නා බව නියෝජ්ය සොලිසිටර් ජනරාල්වරයා අධිකරණයට දැනුම් දී තිබේ. අනතුරුව අධිකරණය විසින් එම සාක්ෂිකරු ඇප මත මුදා හැරීමට නියෝග කර ඇත.
