රාජ්ය පරිපාලන, පළාත් සභා සහ පළාත් පාලන අමාත්යාංශයේ සංචිතයට 2024, 2025 සහ 2026 යන වසර තුන තුළ නිලධාරීන් 205 දෙනෙකු ඇතුළත් කර ඇති බව තොරතුරු දැනගැනීමේ අයිතිවාසිකම යටතේ ලබාදුන් තොරතුරුවලින් අනාවරණය වී ඇත.
මාධ්යවේදි රේඛා නිලුක්ෂි විසින් රාජ්ය පරිපාලන, පළාත් සභා සහ පළාත් පාලන අමාත්යංශය වෙත 2026 වර්ෂයේ මැයි මස 13 වන දින යොමු කළ තොරතුරු ඉල්ලීමකට 2026 ජුනි 05 වන දින එම අමාත්යංශයේ අතිරේක ලේකම් (අභ්යන්තර පාලන) සහ තොරතුරු නිලධාරණි හිරනසා කළුතන්ත්රිගේ අත්සන සහතව අදාල තොරතුරු ලබා දී ඇත.
2024 වසරේදී නිලධාරීන් 79 දෙනෙකුද, 2025 වසරේදී නිලධාරීන් 99 දෙනෙකුද, 2026 වසරේදී නිලධාරීන් 27 දෙනෙකුද සංචිතයට ඇතුළත් කර තිබේ. කෙසේ වෙතත් එම කාලය තුළ සංචිතයෙන් නැවත තනතුරුවලට යොමු කර ඇත්තේ නිලධාරීන් 134 දෙනෙකු පමණි.
එම සංඛ්යාව අනුව 2024 වසරේදී සංචිතයෙන් නිලධාරීන් 40 දෙනෙකුද, 2025 වසරේදී 76 දෙනෙකුද, 2026 වසරේදී 18 දෙනෙකුද නැවත තනතුරුවලට යොමු කර තිබේ.
2026 වර්ෂය වන විට අමාත්යංශයේ සංචිතය තුළ දීප ව්යාප්ත සේවාවන්හි සමස්ත නිලධාරීන් 87ක් සිටින බවත් ඒ අතරින් විශේෂ ශ්රේණියේ නිලධාරීන් 09ක්ද, පළමු ශ්රේණියේ නිලධාරීන් 29ක්ද, දෙවනි ශ්රේණියේ නිලධාරීන් 27ක් සහ තෙවන ශ්රේණියේ නිලධාරීන් 22ක් සිටින බව සදහන් කර ඇත.
ඒ අතර අතිරේක ලේකම් තනතුරු දැරූ නිලධාරීන් 02ක්, දිස්ත්රික් ලේකම් තනතුරු දැරූ නිලධාරීන් 02ක් සහ දෙපාර්තමේන්තු ප්රධානීන් හා සමාන තනතුරු දැරූ නිලධාරීන් 04ක් සිටින බවත් සඳහන් කර ඇත.
අදාළ වසර තුනේදී සංචිතයට ඇතුළත් කළ නිලධාරීන් සංඛ්යාව සහ නැවත තනතුරුවලට යොමු කළ නිලධාරීන් සංඛ්යාව අතර 71 දෙනෙකුගේ වෙනසක් පවතී.
එමෙන්ම සංචිතයේ සිටින නිලධාරීන් සම්බන්ධයෙන් අමාත්යාංශය, කැබිනට් මණ්ඩලය හෝ රාජ්ය සේවා කොමිෂන් සභාව විසින් නිකුත් කළ වාර්තා, තීරණ හෝ තීරණ නොගැනීම් සම්බන්ධයෙන් වෙනම තොරතුරක් නොමැති බවද අමාත්යාංශය සිය පිළිතුරේ සඳහන් කර තිබේ.
